ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 13 ພະຈິກນີ້ຕາມເວລາທ້ອງຖິ່ນ, ຖັງເກັບນ້ຳມັນເຊື້ອໄຟຂອງໂຮງງານກັ່ນນ້ຳມັນທີ່ແຂວງຈາວາກາງອິນໂດເນເຊຍທີ່ຂຶ້ນກັບ
ບໍລິສັດເປີຕາມີນາເຊິ່ງເປັນບໍລິສັດນ້ຳມັນເຊື້ອໄຟແຫ່ງຊາດອິນໂດເນເຊຍໄດ້ເກີດເຫດການໄຟໄໝ້, ພົນລະເມືອງຢູ່ບໍລິເວນໃກ້ຄຽງໄດ້ຍ້າຍອອກຈາກບ້ານເພື່ອລີ້ໄພ.
ວັນທີ 14 ພະຈິກນີ້ຕາມເວລາທ້ອງຖິ່ນ, ບໍລິສັດເປີຕາມີນາກ່າວວ່າ, ຖັງເກັບນ້ຳມັນເຊື້ອໄຟທີ່ໄດ້ເກີດໄຟໄໝ້ໄດ້ເກັບນ້ຳມັນເຊື້ອໄຟ 31000 ລິດ. ຍ້ອນວ່າກອງດັບເພີງໄດ້ດຳເນີນວຽກງານການດັບເພີງຢ່າງວ່ອງໄວພາຍເກີດຂຶ້ນໄຟໄໝ້, ສະນັ້ນຂອບເຂດໄຟໄໝ້ໄດ້ຖືກຄວບຄຸມຢູ່ໃນບໍລິເວນໃກ້ກັບຖັງເກັບນ້ຳມັນທີ່ໄດ້ເກີດໄຟໄໝ້ທຳອິດ. ນັບມາຮອດປັດຈຸບັນນີ້, ເຫດການໄຟໄໝ້ດັ່ງກ່າວບໍ່ໄດ້ເຮັດໃຫ້ມີຜູ້ເສຍຊີວິດແລະບາດເຈັບ, ແຕ່ວ່າພົນລະເມືອງທີ່ໄດ້ຍ້າຍອອກຈາກບ້ານຍ້ອນໄຟໄໝ້ຍັງບໍ່ທັນກັບບ້ານເທື່ອ.
ຄຳເຫັນ
0