ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 23 ພະຈິກນີ້ຕາມເວລາທ້ອງຖິ່ນ, ນັກເສດຖະສາດຫຼາຍທ່ານແລະບໍລິສັດແລກປ່ຽນເງິນຕາຂອງອັຟການີສະຖານໄດ້ສະແດງຄວາມເປັນຫ່ວງຢ່າງເປີດເຜີຍຕໍ່ລະບົບທະນາຄານທ້ອງຖິ່ນທີ່ອາດຈະພັງທະລາຍແລະໄດ້ກ່າວເຕືອນວ່າ:ອັຟການີສະຖານອາດຈະຜະເຊີນກັບວິກິດການຂາດແຄນເງິນຕາຢ່າງໜັກໜ່ວງ.
ອົງການສະຫະປະຊາຊາດເພື່ອການພັດທະນາຫຼື UNDP ໄດ້ເຜີຍແຜ່ບົດລາຍງານສະບັບໜຶ່ງໃນວັນທີ 22 ພະຈິກນີ້ໂດຍລະບຸວ່າ: ອີງຕາມສະພາບການພັດທະນາເສດຖະກິດແລະຄວາມຈຳກັດໃນການຖອນເງິນຈາກທະນາຄານໃນປັດຈຸບັນ, ເມື່ອຮອດທ້າຍປີນີ້, ອັຟການີສະຖານຈະມີເງິນຝາກໃນທະນາຄານຫຼຸດລົງປະມານ 40%. ແຕ່ທ້າຍປີ 2020 ຫາເດືອນກັນຍາປີນີ້, ອັດຕາເງິນກູ້ດ້ອຍຄຸນນະພາບຢູ່ອັຟການີສະຖານໄດ້ເພີ່ມຂຶ້ນເກືອບ 1 ເທົ່າ,ເທົ່າກັບ 57%, ທະນາຄານໄດ້ຢຸດການສະໜອງເງິນກູ້ງວດໃໝ່ແລ້ວ.
ບົດລາຍງານຂອງອົງການສະຫະປະຊາຊາດແລະຜົນການວິເຄາະຂອງນັກເສດຖະສາດຂອງອັຟການີສະຖານລ້ວນແຕ່ໄດ້ສະແດງໃຫ້ເຫັນວ່າ: ການຢຸດຕິການຊ່ວຍເຫຼືອແລະການອະຍັດຊັບສິນຂອງອັຟການີສະຖານລ້ວນແຕ່ແມ່ນສາເຫດທີ່ສຳຄັນທີ່ເຮັດໃຫ້ເກີດວິກິດການຂາດແຄນເງິນຕາ. ນັບແຕ່ລັດຖະບານຊົ່ວຄາວຂອງ ຕາລີບັນຂອງອັຟການີສະຖານຂຶ້ນກຳອຳນາດເປັນຕົ້ນມາ, ອາເມຣິກາໄດ້ອາຍັດຊັບສິນໃນທະນາຄານສາກົນຂອງອັຟການີສະຖານປະມານ 9 ຕື້ໂດລາສະຫະລັດ.
ຄຳເຫັນ
0