ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ທັນວານີ້, ກອງປະຊຸມເຈລະຈາລະດັບສູງກ່ຽວກັບວຽກງານທາງທະເລລະຫວ່າງຈີນ-ຍີ່ປຸ່ນຮອບທີ 13 ໄດ້ຈັດຂຶ້ນຜ່ານທາງວິດີໂອ.
ສອງຝ່າຍໄດ້ຈັດ 3 ກອງປະຊຸມຍ່ອຍຄື:ກອງປະຊຸມຄົບຄະນະແລະກອງປະຊຸມວຽກງານປ້ອງກັນທາງທະເລ, ກອງປະຊຸມປະຕິບັດກົດໝາຍແລະຄວາມປອດໄພທາງທະເລແລະກອງປະຊຸມເສດຖະກິດທາງທະເລ,ສອງຝ່າຍໄດ້ລົງເລິກແລກປ່ຽນຄວາມຄິດເຫັນກັນກ່ຽວກັບບັນຫາທີ່ກ່ຽວຂ້ອງກັບທະເລລະຫວ່າງສອງປະເທດກໍຄືການຊຸກຍູ້ການຮ່ວມມືທີ່ແທ້ຈິງໃນຂົງເຂດທະເລລະຫວ່າງສອງຝ່າຍ.ສອງຝ່າຍໄດ້ເຫັນດີຢ່າງເປັນເອກະພາບກັນຈະສຸມໃສ່ສ້າງສາຍພົວພັນຈີນ-ຍີ່ປຸ່ນທີ່ສອດຄ່ອງກັບຄວາມຕ້ອງການຂອງຍຸກສະໄໝໃໝ່,ຈັດຕັ້ງປະຕິບັດຄວາມຮັບຮູ້ທີ່ເປັນເອກະພາບກັນທີ່ສຳຄັນທີ່ຜູ້ນຳສອງປະເທດເຫັນດີຢ່າງເປັນເອກະພາບກັນໃນເວລາສົນທະນາກັນຜ່ານທາງໂທລະສັບໃນຫວ່າງມໍ່ໆນີ້ແລະຄວາມຮັບຮູ້ທີ່ເປັນເອກະພາບກັນໃນ 4 ຫຼັກການທີ່ສອງຝ່າຍໄດ້ຕົກລົງກັນນັບແຕ່ຈີນແລະຍີ່ປຸ່ນສ້າງຕັ້ງສາຍພົວພັນທາງການທູດເປັນຕົ້ນມາຢ່າງຮອບດ້ານ,ເພື່ອຄຸ້ມຄອງແລະຄວບຄຸມຄວາມຂັດແຍ້ງກັນທາງທະເລຢ່າງເໝາະສົມ,ຊຸກຍູ້ການແລກປ່ຽນຄວາມຄິດເຫັນກັນຢ່າງແທ້ຈິງ,ເພີ່ມທະວີການແລກປ່ຽນແລະການໄປມາຫາສູ່ກັນລະຫວ່າງເຈົ້າໜ້າທີ່ລັດຖະບານທີ່ກ່ຽວຂ້ອງກັບທະເລ,ປົກປັກຮັກສາຄວາມປອດໄພແລະສະຖຽນລະພາບທາງທະເລຢ່າງແທ້ຈິງ,ສ້າງທະເລຕາເວັນອອກໃຫ້ກາຍເປັນທະເລແຫ່ງສັນຕິພາບ,ການຮ່ວມມືແລະມິດຕະພາບ.
ຈີນໄດ້ສະແດງຄວາມເປັນຫ່ວງແລະຄັດຄ້ານອີກຄັ້ງໜຶ່ງກ່ຽວກັບແຜນການປ່ອຍນ້ຳປົນເປື້ອນລັງສີນິວເຄລຍຂອງຍີ່ປຸ່ນລົງສູ່ທະເລ,ແລະໄດ້ຮຽກຮ້ອງໃຫ້ຍີ່ປຸ່ນແກ້ໄຂບັນຫານ້ຳປົນເປື້ອນລັງສີນິວເຄລຍຢູ່ເກາະຟູຄູຊີມະຢ່າງສຸຂຸມຮອບຄອບ.
ຄຳເຫັນ
0