ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງກ່ອນນີ້, ຜູ້ນຳ 5 ປະເທດທີ່ມີອາວຸດນິວເຄຼຍໄດ້ອອກຖະແຫຼງການຮ່ວມກ່ຽວກັບການປ້ອງກັນບໍ່ໃຫ້ເກີດສົງຄາມນິວເຄຼຍ, ສຳລັບເລື່ອງນີ້, ຜູ້ຊ່ຽວຊານແລະນັກວິຊາການຈຳນວນໜຶ່ງຂອງອາເມຣິກາກ່າວວ່າ: ຖ້າວ່າ 5 ປະເທດເຫັນດີວ່າ“ສົງຄາມນິວເຄຼຍບໍ່ມີຝ່າຍໃດຊະນະແລະຈະບໍ່ໃຫ້ມັນເກີດຂຶ້ນ”, ລັດຖະບານອາເມຣິກາທີ່ນຳໂດຍທ່ານໂຈ ໄບເດັນຄວນໃຫ້ຄຳໝັ້ນສັນຍາວ່າຈະບໍ່ນຳໃຊ້ອາວຸດນິວເຄຼຍກ່ອນໝູ່. ກ່ຽວກັບເລື່ອງນີ້, ວັນທີ 6 ມັງກອນນີ້, ທ່ານວ່າງເວີນປີ່ນ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຂ່າວວ່າ: ຈີນໄດ້ໃຫ້ຄວາມສົນໃຈນຳຂ່າວທີ່ກ່ຽວຂ້ອງ.
ທ່ານກ່າວວ່າ: ຈີນແມ່ນປະເທດດຽວໃນ 5 ປະເທດທີ່ມີອາວຸດນິວເຄຼຍທີ່ໄດ້ໃຫ້ຄຳໝັ້ນສັນຍາວ່າຈະບໍ່ນຳໃຊ້ອາວຸດນິວເຄຼຍກ່ອນໝູ່. ນະໂຍບາຍດັ່ງກ່າວໄດ້ມີບົດບາດສຳຄັນໃນການຫຼຸດຄວາມສ່ຽງດ້ານນິວເຄຼຍແລະການປ້ອງກັນບໍ່ໃຫ້ເກີດສົງຄາມນິວເຄຼຍ ເຊິ່ງໄດ້ຮັບຄວາມເຫັນດີເຫັນພ້ອມແລະໄດ້ຮັບຄວາມຊົມເຊີຍຢ່າງກວ້າງຂວາງຈາກບັນດາປະເທດທີ່ບໍ່ມີອາວຸດນິວເຄຼຍ. ຈີນຫວັງວ່າ 5 ປະເທດທີ່ມີອາວຸດນິວເຄຼຍຈະປະຕິບັດຕາມຖະແຫຼງການຮ່ວມກ່ຽວກັບການປ້ອງກັນບໍ່ໃຫ້ເກີດສົງຄາມນິວເຄຼຍ, ປະຖິ້ມນະໂຍບາຍປ້ອງກັນຕົວໂດຍອິງໃສ່ການນຳໃຊ້ອາວຸດນິວເຄຼຍກ່ອນໝູ່, ແລະໄດ້ໃຫ້ຄຳໝັ້ນສັນຍາວ່າຈະບໍ່ນຳໃຊ້ອາວຸດນິວເຄຼຍກ່ອນໝູ່ເພື່ອໂຈມຕີກັນແລະກັນແລະດຳເນີນການເຈລະຈາກ່ຽວກັບເລື່ອງນີ້ເພື່ອເຊັນສັນຍາສາກົນ. ຈີນຍິນດີສືບຕໍ່ທຳຄວາມພະຍາຍາມຢ່າງຕັ້ງໜ້າເພື່ອເລື່ອງນີ້.
ຄຳເຫັນ
0