ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 5 ກຸມພານີ້, ກອງປະຊຸມຖະແຫຼງຂ່າວໄລຍະຈັດງານກິລາໂອລິມປິກລະດູໜາວປັກກິ່ງໄດ້ຈັດຂຶ້ນຢູ່ສູນສື່ມວນຊົນຫຼັກຢ່າງເປັນທາງການ. ໃນກອງປະຊຸມ, ທ່ານຫວງຊຸ່ນ ຮອງຫົວໜ້າຫ້ອງການປ້ອງກັນພະຍາດຂອງຄະນະກຳມະການຈັດງານກິລາໂອລິມປິກລະດູໜາວປັກກິ່ງກ່າວວ່າ, ຢູ່ເບື້ອງຫຼັງຂອງພິທີເປີດ ແລະ ການແຂ່ງຂັນທີ່ໜ້າຊົມທຸກຄັ້ງ, ທຸກຂັ້ນຕອນ ແລະ ລາຍລະອຽດທຸກຢ່າງ, ເຊິ່ງລວມທັງທາງເຂົ້າທຸກບ່ອນ ແລະ ທຸກຄົນ, ລ້ວນແຕ່ມີປັດໄຈຂອງການປ້ອງກັນພະຍາດ, ຖ້າບໍ່ມີມາດຕະການປ້ອງກັນພະຍາດທີ່ສຳເລັດຜົນ, ກໍອາດຈະບໍ່ສາມາດຮັບປະກັນໃຫ້ການແຂ່ງຂັນດຳເນີນໄປຢ່າງສະດວກ. ນັບແຕ່ວັນທີ 23 ມັງກອນແລ້ວນີ້ເປັນຕົ້ນມາ, ຢູ່ເວັບໄຊທາງການຂອງພວກເຮົາກໍໄດ້ເປີດເຜີຍຂໍ້ມູນຕໍ່ພາຍນອກ. ອີງຕາມສະຖິຕິຂອງພວກເຮົາ, ນັບແຕ່ວັນທີ 23 ມັງກອນແລ້ວນີ້ເປັນຕົ້ນມາ, ຢູ່ໃນວົງປິດຂອງ 3 ເຂດແຂ່ງຂັນ, ບໍ່ໄດ້ປະກົດມີການແຜ່ລະບາດຂອງພະຍາດໂຄວິດ-19.
ປັດຈຸບັນນີ້, ມີນັກກິລາ 2877 ຄົນທີ່ມາຈາກ 91 ປະເທດ ແລະເຂດແຄວ້ນໄດ້ເຂົ້າຮ່ວມງານກິລາໂອລິມປິກປັກກິ່ງ, ບຸກຄົນ ແລະ ພະນັກງານທັງໝົດທີ່ກ່ຽວຂ້ອງທີ່ໄດ້ເຂົ້າສູ່ປະເທດຈີນເພື່ອເຂົ້າຮ່ວມງານກິລາໂອລິມປິກລະດູໜາວປັກກິ່ງ, ລ້ວນແຕ່ຢູ່ພາຍໃຕ້ການຄຸ້ມຄອງແບບວົງປິດ, ໂດຍໄດ້ຂັ້ນອອກຈາກສັງຄົມພາຍນອກຢ່າງສິ້ນເຊີງ.
ຄຳເຫັນ
0