ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ບົດລາຍງານວຽກງານຂອງລັດຖະບານຈີນທີ່ເປີດເຜີຍໃນວັນທີ 5 ມີນານີ້ຢູ່ທີ່ນະຄອນຫຼວງປັກກິ່ງ ສປ ຈີນ ໄດ້ລະບຸວ່າ: ຕ້ອງປາບປາມການກໍ່ອາຊະຍະກຳດ້ານການຄ້າແມ່ຍິງ ແລະເດັກນ້ອຍຢ່າງເຂັ້ມງວດ, ເດັດດ່ຽວຮັບປະກັນສິດ ແລະຜົນປະໂຫຍດທີ່ຖືກຕ້ອງຕາມກົດໝາຍຂອງແມ່ຍິງ ແລະເດັກ.
ບົດລາຍງານວຽກງານຂອງລັດຖະບານຈີນຍັງໄດ້ລະບຸວ່າ: ຕ້ອງຊຸກຍູ້ໃຫ້ປະຊາຊົນຢູ່ເຢັນເປັນສຸກ, ສັງຄົມມີຄວາມສະຫງົບ ແລະເປັນລະບຽບຮຽບຮ້ອຍ. ປະດິດສ້າງໃໝ່ ແລະປັບປຸງການຄຸ້ມຄອງສັງຄົມຢູ່ຂັ້ນຮາກຖານໃຫ້ສົມບູນກວ່າເກົ່າ, ຍົກສູງຄວາມສາມາດດ້ານການຄຸ້ມຄອງຮາກຖານ. ພັດທະນາວຽກງານສັງຄົມ, ສະໜັບສະໜູນອົງການຈັດຕັ້ງທາງສັງຄົມ, ການຊ່ວຍເຫຼືອດ້ານມະນຸດສະທຳ, ການບໍລິການຂອງອາສາສະໝັກ, ວຽກງານສາທາລະນະປະໂຫຍດ ແລະວຽກງານການກຸສົນໃຫ້ສາມາດພັດທະນາໄດ້ຢ່າງປອດໃສ.
ບົດລາຍງານວຽກງານຂອງລັດຖະບານຈີນໄດ້ເນັ້ນໜັກວ່າ: ອົງການປົກຄອງພ້ອມດ້ວຍພະນັກງານຂັ້ນຕ່າງໆຕ້ອງຖືເອົາຄວາມປອດໄພ ແລະຄວາມຜາສຸກຂອງປະຊາຊົນເປັນສິ່ງສຳຄັນຢູ່ໃນໃຈຢ່າງສະເໝີຕົ້ນສະເໝີປາຍ, ສັງເກດສະພາບຕົວຈິງ, ເຮັດແທ້ທຳຈິງ, ເນັ້ນປະສິດທິພາບ, ແກ້ໄຂບັນຫາກ່ຽວກັບຊີວິດການເປັນຢູ່ຂອງປະຊາຊົນຢ່າງທັນການ, ເດັດດ່ຽວລົງໂທດການກະທຳແບບບໍ່ມີຄວາມຮັບຜິດຊອບທີ່ຖືເບົາສິດ ແລະຜົນປະໂຫຍດທີ່ຖືກຕ້ອງຕາມກົດໝາຍຂອງປະຊາຊົນ.
ຄຳເຫັນ
0