ບ້ານຫຼູຊວນ ເຖິງຈະເປັນບ້ານຊົນນະບົດ ຫ່າງໄກຈາກຄຸນໝິງເກືອບພັນກິໂລແມັດ ແຕ່ບ້ານແຫ່ງນີ້ ກໍ່ມີໂຮງແຮມລະດັບ 5 ດາວເຊັ່ນກັນ.ທາງຄອບຄົວໄດ້ຈັດໃຫ້ພວກເຮົາໄປພັກເຊົາຢູ່ໂຮງແຮມຫຼັງດັ່ງກ່າວ.ບົວແກ້ວ ໄດ້ສະເໜີຕໍ່ເອື້ອຍ ແລະ ຄອບຄົວວ່າ ບໍ່ຈຳເປັນໄປພັກໂຮງແຮມດອກ ເພາະຢາກພັກເຊົາໃນຄອບຄົວເພື່ອມີເວລາໂອ້ລົມກັບໄທເຮຶອນ.ແຕ່ຜູ້ເປັນຫຫຼານຊາຍຫຼ້າ ຊຶ່ງເປັນນັກທຸລະກິດຢາງພາລາ ທີ່ມີເນື້ອທີ່ປູກຢາງເຖິງ 56.000 ເຮັກຕາໄດ້ຈຳໃຫ້ພວກເຮົາຕ້ອງໄປພັກໂຮງແຮມ ເພາະເຂົາຖືວ່າ ບົວແກ້ວເປັນນ້າບ່າວຄົນດຽວ ທີ່ມີຖານະນັກປະຕິວັດອາວຸໂສ ແລະ ໃຫຍ່ກວ່າເພິ່ນໝົດໃນວົງຕະກຸນ.
ພວກເຮົາໄປຮອດບ້ານຫຼູຊວນຄ້ອມພໍດີຖືກກັບມຶ້ຊາວບ້ານຊົນເຜົ່າຮານີກຽມສະຫຼອງປີໃໝ່ ຄືເອົາມື້ວັນທີ 5 ຂອງເດືອນພະຈິກ ເປັນມື້ 30 ສ່ວນມື້ວັນທີ 6/11ເປັນປີໃໝ່.ໃນມື້ວັນທີ 5 ຊາວບ້ານ ແລະ ອຳນາດການປົກຄອງທ້ອງຖິ່ນຕ່າງຈັດພາເຂົ້າຢູ່ໃນຖະໜົນໃຫຍ່ສາຍໜຶ່ງ ຂອງໃຈກາງບ້ານ ເພື່ອຫາພາເຂົ້າສະຫຼອງປີໃໝ່.ຖະໜົນສາຍນັ້ນປຽບສະເໝືອນມັງກອນໂຕໜຶ່ງ ໂດຍມີຫົວຕັ້ງຢູ່ສະໜາມຫຼວງໄປຫາຫາງບ້ານ ມີຄວາມຍາວປະມານ 2.000ແມັດ,ມື້ນັ້ນ ແຕ່ລະຄອບຄົວໃນໝູ່ບ້ານຈະປະກອບພາອາຫານທີ່ມີ 10 ເຍື່ອງຂຶ້ນໄປ ເພື່ອຕ້ອນຮັບແຂກທີ່ມາຢາມ.ແຕ່ລະຄອບຄົວຈະມີຕົວແທນຂອງຕົນເຂົ້າໄປຮ່ວມໃນພາເຂົ້າ.ໃນມື້ນັ້ນ ຜູ້ຄົນທັງຊາຍໜຸ່ມ ຍິງສາວ ຈະພາກັນນຸ່ງເຄື່ອງອາພອນແບບພື້ນເມືອງ ສວມເຄື່ອງເຕັມຍົດ ທຳການຮ້ອງລຳທຳເພັງ,ຂັບລຳ,ເຕັ້ມຟ້ອນຢ່າງລື່ນເລິງ.ກ່ອນຈະເຂົ້າຮັບປະທານອາຫານ ພວກຜູ້ຊາຍເຖົ້າ ແລະ ໜຸ່ມໄປຢືນເປັນຮູບແຖວ 30 ຫາ40 ຄົນ ມີປືນເພິງ ປືນແກບຜູ້ລະກະບອກ ຍິງປືນຂຶ້ນຟ້າຫຼາຍສິບນັດ ເພື່ອຂັບໄລ່ສິ່ງຊົ່ວຮ້າຍ ແລະ ຜີສາງນາງຮ້າຍອອກໄປຈາກໝູ່ບ້ານ.
ໃນຕະຫຼອດ 5 ມື້ 5 ຄືນຢູ່ໃນຄອບຄົວພີ່ເອື້ອຍ ແລະ ຍາດວົງຂອງບົວແກ້ວພວກເຮົາໄດ້ກາຍເປັນແຂກພິເສດຂອງຄອບຄົວ ແລະ ຂອງຊາວບ້ານ,ຄະນະເລຂາພັກບ້ານ ແລະ ສະພາທີ່ປຶກສາຂອງໝູ່ບ້ານຕ່າງກໍ່ຈັດພາເຂົ້າລ້ຽງພວກເຮົາ ອວຍພອນໃຫ້ສາຍສຳພັນມິດຕະພາບ ຈີນ-ລາວ ໝັ້ນຄົງຂະໂໜງແກ່ນໄປຕະຫຼອດການ.
1 2 3 4 5 6 7
|