|
ທ່ານຜູ່ຟັງທີ່ຮັກແພງ,ມື້ນີ້ແມ່ນວັນທີ30ເມສາ,ຍັງ100ມື້ ງານກິລາໂອລິມປິກປັກກິ່ງກໍ່ຈະໄຂຂຶ້ນແລ້ວ,ງານກິລາໂອລິມປິກນັບມື້ນັບໃກ້ເຂົ້າມາ.
ມື້ໜຶ່ງໃນລະດູຮ້ອນກ່ອນນີ້7ປີແມ່ນມື້ທີ່ເຮັດໃຫ້ຄົນຈີນໝົດທຸກຄົນພາກພູມໃຈທີ່ສຸດ.
ວັນທີ13ກໍລະກົດປີ2001,ຢູ່ມົສໂກ,22ໂມງ10ນາທີຕາມເວລາປັກກິ່ງ.
ປະໂຫຍກອັນສັ້ນໆປະໂຫຍກໜຶ່ງຂອງທ່ານຊາມຣັນ ອະດີດປະທານຄະນະກຳມະການໂອລິມປິກສາກົນໄດ້ເຮັດໃຫ້ທົ່ວແຜ່ນດິນຢ່າງຟົດສະນັ່ນປານຟ້າຮ້ອງໃນລະດູໃບໄມ້ປົ່ງຈີນໄຊໂຍໂຮຮ້ອງຂຶ້ນ.
ມື້ນັ້ນ, ກອງປະຊຸມຄົບຄະນະຂອງຄະນະກຳມະການໂອລິມປິກສາກົນຄັ້ງທີ112ປ່ອນບັດຕົກລົງແລະໃຫ້ ທ່ານຊາມາຣັນປະກາດວ່າ,ປັກກິ່ງໄດ້ຮັບສິດຈັດງານກິລາໂອລິມປິກຄັ້ງທີ29ປີ2008. ມື້ນັ້ນ,ຄົນຈີນຈຶ່ງໄດ້ແກ້ຄວາມຝັນ"ຮ້ອງຂໍເປັນເຈົ້າພາບຈັດງານກິລາໂອລິມປິກໃນຮ້ອຍປີ"ມານີ້.
ງານກິລາໂອລິມປິກແມ່ນງານມະຫະກຳກິລາຂອງທົ່ວໂລກ, ມັນໄດ້ສະແດງໃຫ້ເຫັນນ້ຳໃຈໂອລິມປິກຄືສາມັກຄີ,ມິດຕະພາບ,ກ້າວໜ້າ,ກົມກຽວກັນ,ເຂົ້າຮ່ວມແລະໃຝ່ຝັນ, ເຖິງວ່າມະນຸດເຮົາມີສີຜິວຕ່າງກັນ,ພາສາປາກເວົ້າຕ່າງກັນ,ຊົນເຜົ່າຕ່າງກັນ,ແຕ່ກໍ່ເໝືອນກັນກັບປະຊາຊົນຈີນ, ປະຊາຊົນປະເທດຕ່າງໆໃນໂລກກໍ່ພວມຄອງຄອຍງານມະຫະກຳກິລາອັນສຳຄັນເທື່ອນີ້ຢ່າງກະຕືລືລົ້ນ, ແລະພ້ອມກັນຊົມໃຊ້ສະເໜ ແລະ ຄວາມມ່ວນຊື່ນຂອງໂອລິມປິກ.
ທ່ານປາກຊີຈິກ ປະທານຄະນະຈັດຕັ້ງງານກິລາໂອລິມປິກເຊອຸ່ນປີ1988, ປະທານກິຕິມະສັກສະມາຄົມແລກປ່ຽນສ.ເກົາຫຼີ-ຈີນສັດຕະວັດທີ21 ເວົ້າວ່າ:"ປັກກິ່ງຈະແມ່ນນະຄອນທີ3ຕ່າງໜ້າອາຊີຈັດງານກິລາໂອລິມປິກເຊິ່ງງັດຈາກໂຕກຽວແລະເຊອຸ່ນ.ຈີນມີປະຊາກອນຫຼວງຫຼາຍ,ແລະມີກຳລັງແຮງພັດທະນາທີ່ບົ່ມຊ້ອນຢ່າງຫຼວງຫຼາຍ.ປັດຈຸບັນ,ລັດຖະບານຈີນ ແລະ ປະຊາຊົນຈີນຮ່ວມຈິດຮ່ວມໃຈກະກຽມງານກິລາໂອລິມປິກ. ຈີນມີຄວາມສາມາດຈັດງານກິລາໂອລິມປິກທີ່ສຳເລັດຜົນຫຼາຍກວ່າໝູ່ໃນປະຫວັດສາດ.
ວັນເວລາຜ່ານໄປຈັ່ງແມ່ນໄວແທ້ໆ,7ປີແລ້ວ,ຄົນຈີນພະຍາຍາມກະກຽມງານກິລາໂອລິມປິກຢ່າງເບີກບານມ່ວນຊື່ນໂດຍຕະຫຼອດມາ. ອີກ100ມື້, ຈີນກໍ່ຈະຈັດງານກິລາໂອລິມປິກທີ່"ມີສີສັນພິເສດ ແລະມີລະດັບສູງ"ຕໍ່ທົ່ວໂລກ.ປັດຈຸບັນ, ນະຄອນປັກກິ່ງ ແລະນະຄອນທີ່ຊ່ວຍຈັດ6ແຫ່ງພວມພະຍາຍາມສຸດຂີດໃນໄລຍະສຸດທ້າຍຂອງການກະກຽມ.ຄົບປັກກິ່ງແລະຢູ່ນະຄອນກໍ່ສະແດງຄວາມຄອງຄອຍ ແລະ ຄວາມອວຍພອນດ້ວຍຫຼາຍຮູບຫຼາຍແບບ ຫວັງໃຫ້ງານກິລາໂອລິມປິກຈັດຢ່າງສຳເລັດຜົນ.
1 2 3 4 5 6
|
