|
ນາງລີວໂປ່ ພະນັກງານບໍລິສັດອິນເຕິເນັດແຫ່ງໜຶ່ງຂອງປັກກິ່ງ,ນາງເວົ້າວ່າ:"ນະຄອນປັກກິ່ງໄດ້ປ່ຽນແປງທຸກໆມື້,ຂ້ອຍຮູ້ສຶກ ໃນຖານະເປັນສາມັນຊົນຜູ່ໜຶ່ງ,ພວກເຮົາກໍ່ສາມາດປະກອບສ່ວນຕາມຄວາມສາມາດຂອງຕົນເຂົ້າໃນງານກິລາໂອລິມປິກ, ວຽກບໍ່ໃຫຍ່ທີ່ສາມາດເຮັດໄດ້, ເຊັ່ນ,ໄປຊື້ຜັກຢູ່ຕະຫຼາດ,ເອົາຖົງອະນຸລັກສິ່ງແວດລ້ອມໄປນຳ,ບໍ່ໃຊ້ຖົງພຼາສ໌ຕິກ, ໃນໄລຍະງານກິລາໂອລິມປິກ, ພວກເຮົາຈະຂັບລົດເກ໋ງຂອງຕົນໃຫ້ໜ້ອຍເທົ່າທີ່ຈະໜ້ອຍໄດ້ ໄປຂີ່ລົດເມ ຫຼື ລົດໄຟໃຕ້ດິນ,ເພື່ອເຮັດໃຫ້ທ້ອງຟ້າອາກາດຂອງນະຄອນປັກກິ່ງດີກວ່າເກົ່າ."
ນາງພູຄຳ ຄົນລາວໄດ້ດຳລົງຊີວິດຢູ່ປັກກິ່ງ9ປີແລ້ວ,ນາງເວົ້າວ່າ:"ເມື່ອທຽບກັບເວລາທີ່ຂ້ອຍຫາກໍ່ມາຮອດປັກກິ່ງ,ນະຄອນປັກກິ່ງຂອງປັດຈຸບັນໄດ້ປ່ຽນແປງຫຼາຍແລ້ວ,ຖະໜົນຫົນທາງກວ້າງແລ້ວ,ເຮືອນຢູ່ງາມຂຶ້ນ, ຄົມມະນາຄົມກໍ່ສະດວກກວ່າເກົ່າ,ປັດຈຸບັນ,ຢູ່ໂຮງແຮມຕ່າງໆ ຢູ່ຕາມຖະໜົນຫຼາຍແຫ່ງກໍ່ໄດ້ມີປ້າຍບອກທາງທີ່ຂຽນດ້ວຍພາສາອັງກິດ,ປັກກິ່ງໄດ້ປ່ຽນຫຼາຍແລ້ວ.ລູກສາວກົກຂອງຂ້ອຍ,ປີນີ້ອາຍຸ7ປີ, ລາວກໍ່ບອກຂ້ອຍທຸກມື້ວ່າງານກິລາໂອລິມປິກປັກກິ່ງຍັງອີກຈັກມື້ຈະຈັດຂຶ້ນ,ລູກສາວເຄີຍເປັນຜູ່ຕາງໜ້າໂຮງຮຽນໄປເຂົ້າຮ່ວມກິດຈະກຳໂຄສະນາໂອລິມປິກປັກກິ່ງຕັ້ງຫຼາຍເທື່ອ,ພາບ"ຟູວາ"ໝົດຄອບຄົວໃນຕູ້ວາງສະແດງຂອງໂຮງຮຽນກໍ່ແມ່ນຂ້ອຍ ກັບ ລູກສາວຮ່ວມປະດິດສ້າງ.ປັດຈຸບັນ,ການໄປເບິ່ງພິທີໄຂງານກິລາໂອລິມປິກປັກກິ່ງຢູ່ສະໜາມກິລາແຫ່ງຊາດ"ຮັງນົກ"ໃນວັນທີ8ສິງຫາແມ່ນຄວາມໃຝ່ຝັນງາມກວ່າໝູ່ຂອງລາວ.ຂ້ອຍຮູ້ສຶກວ່າງານກິລາໂອລິມປິກໃກ້ຈະຮອດຢ່າງແທ້ຈິງ. ຂ້ອຍກໍ່ຫວັງວ່າ ໃນໄລຍະງານກິລາໂອລິມປິກ,ຈະມີໝູ່ເພື່ອນລາວຫຼາຍກວ່າເກົ່າໄປຊົມເບິ່ງງານກິລາໂອລິມປິກຢູ່ປັກກິ່ງ."
ທ່ານຜູ່ຟັງທີ່ເຄົາລົບ,ຕໍ່ໄປພວກເຮົາມາຟັງເພງໜຶ່ງທີ່ຊື່ວ່າ"北京欢迎你"(ປັກກິ່ງຍິນດີຕ້ອນຮັບ), ນີ້ແມ່ນເພງສັນຍາລັກຂອງວັນນັບຖອຍຫຼັງ100ມື້ຂອງງານກິລາໂອລິມປິກປັກກິ່ງ,ຂັບຮ້ອງໂດຍນັກຮ້ອງ100ຄົນ, ເຊັ່ນ,ເຊີງລົງ,ວາງລີ້ຮົງ,ລີວຮວ່ານ,ໂຈ່ວຮວາຈ້ຽນ,ຊຸ່ນຢ້ານເຈິ,ເຊີນອີ້ຊຸ້ນ,ເຢີ້ນຊຽນຊີເປັນຕົ້ນ.
ປີ 1908 ວາລະສານຊາວຫນຸ່ມທຽນສິງຂອງຈີນໄດ້ຕັ້ງສາມຄຳຖາມຕໍ່ປະຊາຊົນຈີນ ຄື ປີໃດທີ່ຈີນຈະສາມາດສົ່ງນັກກິລາຜູ່ຫນຶ່ງເຂົ້າຮ່ວມງານກິລາໂອລິມປິກ?ປີໃດຈີນຈິ່ງຈະສົ່ງຄະນະກິລາໄປເຂົ້າຮ່ວມງານກິລາໂອລິມປິກ?ປີໃດຈີນຈິ່ງຈະສາມາດຈັດງານກິລາໂອລິມ ປິກ?ຈາກປີ 1908 ຮອດປີ 2008 ພໍດີ100 ປີເຕັມເຕັມ, ຈິ່ງເຮັດໃຫ້ສາມຄວາມຝັນດັ່ງກ່າວປະກົດຜົນເປັນຈິງໄດ້.
1 2 3 4 5 6
|
