ນາງພິໄລລັກ ສັກປະເສີດປີນີ້ 21 ປີແມ່ນນັກກິລາແລ່ນ 100 ແມັດ,ລາວເຄີຍເຂົ້າຮ່ວມງການິລາໂອລິມປິກອາແຕນໃນປີ 2004.ນາງບອກນັກຂ່າວວ່າ, ນາງຈະເຂົ້າຮ່ວມການແຂ່ງຂັນໃນງານກິລາໂອລິມປິກປັກກິ່ງອີກ.ນາງເວົ້າວ່າ:"ເນື່ອງໃນໂອກາດທີ່ວັນນັບຖອຍຫຼັງງານກິລາໂອລິມປິກປັກກິ່ງຍັງເຫຼືອ100ມື້,ຂ້າ ພະເຈົ້າຢາກບອກໃຫ້ພີ່ນ້ອງລາວແລະປະຊາຊົນຈີນວ່າ,ຂ້າພະເຈົ້າຄອງຄອຍງານກິລາໂອລິມປິກວຽນມາເຖິງ,ຂ້າພະເຈົ້າຈະສຸດຄວາມສາມາດ,ບາກບັ່ນສູ້ຊົນ, ບໍ່ວ່າຈະໄດ້ຜົນຫຍັງ."
ນາງວິໄລພອນ ວົງພະຈັນ ເຄີຍຊິງໄດ້ແຊມສີ່ເທື່ອໃນການແຂ່ງຂັນລອຍນ້ຳໃນງານກິລາທົ່ວປະເທດລາວຄັ້ງທີ 7 ທີ່ຈັດຂຶ້ນໃນປີ 2005,ລາວບອກວ່າ, ນັກກິລາລາວໄດ້ກະກຽມເປັນເວລາ 5 ເດືອນແລ້ວເພື່ອເຂົ້າຮ່ວມງານກິລາໂອລິມປິກປັກກິ່ງ."ກິລາແມ່ນເພື່ອເພີ່ມຄວາມສາມັກຄີລະຫວ່າງປະຊາຊົນທົ່ວໂລກ.ໃນຖານະເປັນນັກກິລາລາວ,ຂ້າພະເຈົ້າຮູ້ສຶກພາກພູມໃຈຫຼາຍທີ່ສາມາດຕາງໜ້າປະເທດເຂົ້າ ຮ່ວມງານກິລາໂອລິມປິກຄັ້ງນີ້.ເຖິງວ່າບໍ່ມີຫວັງຈະໄດ້ຫຼຽນຫຍັງກໍຕາມ,ແຕ່ພວກຂ້າພະເຈົ້າຈະຖອດຖອນບົດຮຽນທີ່ດີ,ຍົກລະດັບການແຂ່ງຂັນ.ດີໃຈຫຼາຍທີ່ໄດ້ມີໂອກາດແລກປ່ຽນບົດຮຽນກັບນັກກິລາຈີນແລະນັກກິລາປະເທດຕ່າງໆຂອງໂລກ,ຂ້ອບໃຈປະເທດຊາດ,ຂ້ອຍໃຈຈີນ."
ທ່ານພູວັນ ວົງສຸທິ ຮອງເລຂາທິການຄະນະກຳມະການໂອລິມປິກລາວກ່າວວ່າ:"ຂ້າພະເຈົ້າແມ່ນຮອງຫົວໜ້າຄະນະກິລາລາວທີ່ເຂົ້າຮ່ວມງານກິລາໂອລິມປິກປັກກິ່ງ,ລາວຈະເຂົ້າຮ່ວມສອງລາຍການຂ ຄືການລອຍນ້ຳແລະການແລ່ນ.ພວກຂ້າພະເຈົ້າຄອງຄອຍເຂົ້າຮ່ວມງານກິລາໂອລິມປິກຄັ້ງນີ້ຫຼາຍ, ຫວັງວ່າ ຄະນະກິລາລາວຈະໄດ້ຜົນດີກວ່າເກົ່າໃນງານກິລາໂອລິມປິກຄັ້ງນີ້.ກ່ອນ ໜ້ານີ້,ຂ້າພະເຈົ້າເຄີຍເຂົ້າຮ່ວມກອງປະຊຸມສອງເທື່ອກ່ຽວກັບງານກິລາໂອລິມປິກຢູ່ປັກກິ່ງ,ໄດ້ເຫັນປະຊາຊົນຈີນເປັນຈິດໜຶ່ງໃຈດຽວກັນກະກຽມງານກິລາໂອລິມປິກ.ຂ້າພະເຈົ້າຄິດວ່າ,ງານກິລາໂອລິມປິກປັກກິ່ງຈະໄດ້ຮັບຜົນສຳເລັດຢ່າງແນ່ນອນ."
ທ່ານໝູແຊງ ນວນຮຸ່ນ ຄູຝຶກລອຍນ້ຳຂອງລາວອາຍຸ 51 ປີເວົ້າວ່າ:"ເຂົ້າຮ່ວມງານກິລາໂອລິມປິກປັກກິ່ງ,ພວກເຮົາໄດ້ກຽມພ້ອມແລ້ວ."
ທ່ານຜູ່ຟັງ, ຄຽງຄູ່ກັບງານກິລາໂອລິມປິກປັກກິ່ງນັບມື້ນັບໃກ້ເຂົ້າ, ເພື່ອນລາວຫຼາຍຄົນໄດ້ສົ່ງຄຳອວຍພອນມາໃຫ້ພວກເຮົາໃນເວລາໂທລະສັບລົມກັບພວກເຮົາຫລືໃຫ້ສຳພາດຕໍ່ພວກເຮົາ.
ນາງກະແຕ(ນິດາພອນ) ເທບສຸວັນ ນັກຮຽນມັດທະຍົມຂອງລາວເວົ້າວ່າ:"ຍັງມີເວລາຕອນໜຶ່ງງານກິລາໂອລິມປິກກໍຈະຈັດຂຶ້ນແລ້ວ,ຈີນແມ່ນປະເທດເຈົ້າພາບຂອງງານກິລາໂອລິມປິກຄັ້ງນີ້,ຫວັງໃຫ້ການກະກຽມຂອງງານກິລາໂອລິມປິກປັກກິ່ງສະດວກ."
1 2 3 4 5 6
|
