ມີຂ່າວແຈ້ງວ່າ, ສູນຖະແຫລງຂ່າວແລະສູນກະຈາຍສຽງສາກົນຂອງງານກິລາໂອລິມປິປັກກິ່ງແມ່ນໃຫຍ່ກວ່າທຸກຄັ້ງທີ່ຜ່ານມາ.ແລະໄດ້ສ້າງສົ່ງໃໝ່ຫລາຍຢ່າງເຊັ່ນ:ເປັນເທື່ອທຳອິດທີ່ສະຫນອງການບໍລິການເຂົ້າເນັດແບບໄຮ້ສາຍໃຫ້ນັກຂ່າວໃນງານກິລາໂອລິມ ປິກລະດູຮ້ອນ, ເທື່ອທຳອິດທີ່ຖ່າຍທອດການແຂ່ງຂັນດ້ວຍອຸປະກອນລະບົບ HDTVທີ່ມີຄວາມຊັດເຈນສຽງ, ເທື່ອທຳອິດທີ່ສ້າງໂຮງແຮມລະດັບດາວໃຫ້ສື່ມວນຊົນຢູ່ບ້ານສື່ມວນຊົນ.
ຢູ່ຕໍ່ຫນ້າສິ່ງກໍ່ສ້າງບໍລິການສື່ມວນຊົນທີ່ຄົບຖ້ວນບໍລິບູນປານນີ້, ທ່ານມາມູນ ຊາອັດດາ ນັກຂ່າວກິລາຂອງໂທລະພາອານຈາຊີລາຂອງກາຕາເວົ້າວ່າ:"ວຽກງານຈັດວາງທັງຫມົດເຮັດໄດ້ດີຫລາຍ, ການບໍລິການກໍ່ຮອບຄອບ, ຂ້ອຍບໍ່ເປັນຫ່ວງຈັກດີ້ຕໍ່ການລາຍງານຂ່າວ."
ທ່ານບຸນຈອມ ວົງເພັດ ຫົວຫນ້າໂທລະພາບແຫ່ງຊາດລາວໃຫ້ສຳພາດຕໍ່ນັກຂ່າວCRIວ່າ:"ພວກຂ້າພະເຈົ້າໄດ້ຮັບສິດຖ່າຍທອດສົດຂອງການແຂ່ງຂັນງານກິລາໂອລິມປິກປັກກິ່ງ,ດຽວນີ້ພວກຂ້າພະເຈົ້າກຳລັງຮ່ວມມືກັບໂທລະພາບສູນກາງຈີນ,ຍາດແຍ່ງສ້າງຕັ້ງສະຖານີຖ່າຍທອດລາຍການຊ່ອງ4ແລະຊ່ອງ9ຂອງCCTVຢູ່ລາວກ່ອນງານກິລາໂອລິມປິກ."
ຕົ້ນເດືອນເມສາປີນີ້, ສະມາຄົມໂອລິມປິກສາກົນທີ່ປະກອບດ້ວຍຄະນະກຳມະການໂອລິມປິກ 205 ປະເທດແລະເຂດແຄວ້ນທີ່ຂຶ້ນກັບຄະນະກຳມະການໂອລິມປີກສາກົນໄດ້ຈັດກອງປະຊຸມຄັ້ງທີ 16 ຢູ່ປັກກິ່ງ.ໃນໄລຍະປະຊຸມ, ຄະນະກຳມະການໂອລິມປີກຂອງທຸກປະເທດແລະເຂດແຄວ້ນລ້ວນແຕ່ໄດ້ສະແດງຢ່າງຈະແຈ້ງວ່າສະຫນັບສະຫນູແລະຈະເຂົ້າຮ່ວມງານກິລາໂອລິມປິກປັກກິ່ງ.ນີ້ສະແດງໃຫ້ເຫັນວ່າ, ງານກິລາໂອລິມປິກປັກກິ່ງຈະກາຍເປັນງານກິລາໂອລິມປິກຄັ້ງຫນຶ່ງທີ່ມີປະເທດແລະເຂດແຄວ້ນເຂົ້າຮ່ວມຫລາຍກວ່າທຸກຄັ້ງທີ່ຜ່ານມາ.
ເພງ we are ready ຜ່ານໄປແລ້ວ,ທ່ານຜູ່ຟັງ, ຄືກັບຊື່ເພງນີ້ແຫລະ,ປັກກິ່ງກໍ່ໄດ້ທຳການກະກຽມໃຫ້ດີແລ້ວ.ຄິດວ່ານັກກິລາທີ່ເຂົ້າຮ່ວມງານກິລາໂອລິມປິກຄັ້ງນີ້ຂອງປະເທດຕ່າງໆກໍ່ຄົງຈະກະກຽມເປັນຢ່າງດີແລ້ວເນາະ.
ບັດນີ້ ພວກເຮົາຈະໂທລະສັບໄປທາງວຽງຈັນ,ເພື່ອເບິ່ງວ່ານັກກິລາລາວທີ່ຈະຮ່ວມງານກິລາໂອລິມປິກຄັ້ງນີ້ໄດ້ທຳການກະກຽມເປັນແນວໃດແລ້ວ?
1 2 3 4 5 6
|
