ນາງຊູໃຈ ປັນຍານຸວົງ ພະນັກງານໃນສະຖານທູດອົສຕຼາລີປະຈຳລາວເວົ້າວ່າ:"ງານກິລາໂອລິມປິກປັກກິ່ງແມ່ນງານກິລາທີ່ຄຶກຄື້ນຄັ້ງໜຶ່ງ,ຂຶ້ນກັບປະຊາຊົນທົ່ວໂລກ.ຖ້າມີໂອກາດ,ຂ້າພະເຈົ້າກໍຢາກໄປຊົມງານກິລາໂອລິມປິກ.ແຕ່ດຽວນີ້ຄືຊິມີໂອກາດອ່າວນ້ອຍ.ຂ້າພະເຈົ້າຈະຊົມເບິ່ງການແຂ່ງຂັນທຸກລາຍຈາກໂທລະພາບ. ຫວັງວ່ານັກກິລາໝົດທຸກຄົນທີ່ໄດ້ທຳການກະກຽມເພື່ອເຂົ້າຮ່ວມງານກິລາໂອລິມ ປິກຈະໄດ້ເຂົ້າຮ່ວມງານກິລາໂອລິມປິກປັກກິ່ງ,ຂໍອວຍພອນໃຫ້ພວກເຂົາເຈົ້າຈົ່ງບັນລຸຄວາມຫວັງຂອງຕົນ,ແລະໄດ້ຮັບຄະແນນດີ."
ເມື່ອໄດ້ຟັງຄຳອວຍພອນຈາກເພື່ອນລາວທັງຫລາຍທີ່ມີຕໍ່ງານກິລາໂອລິມປິກປັກກິ່ງ,ພວກເຮົາກໍ່ຮູ້ສຶກອົບອຸ່ນຫລາຍ.
ວັນນີຄິດວ່າ, ເຖິງວ່າເພື່ອນລາວສ່ວນຫລາຍຈະມາຊົມການແຂ່ງຂັນຢູ່ປັກກິ່ງບໍ່ໄດ້ກໍ່ຕາມ, ແຕ່ພະນັກງານທັງຫມົດໃນພະແນກພາສາລາວຂອງ cri ຈະພະຍາຍາມລາຍງານຂ່າວງານກິລາໂອລິມປິກປັກກິ່ງນີ້ໃຫ້ລະອຽດແລະທັນການໂດຍຜ່ານວິທະຍຸແລະແວັບໄຊ.
ຖືວ່າພະແນກພາສາລາວພວກເຮົາກໍ່ຄືກັບນັກກິລາປະເທດຕ່າງໆໄດ້ກະກຽມເປັນຢ່າງດີແລ້ວ.
ເອົາລະທ່ານຜູ່ຟັງ,ລາຍການພິເສດກ່ຽວກັບການນັບເວລາຄືນ100ມື້ຂອງການຈັດງານກິລາໂອລິມປິກປັກກິ່ງໃນມື້ນີ້ກໍ່ສິ້ນສຸດລົງແລ້ວ,ຂອບໃຈທ່ານຮັບຟັງ,ສະບາຍດີ.
1 2 3 4 5 6
|
