|
|
 |
| (GMT+08:00)
2008-05-20 15:53:31
|
 |
|
ລາຍການພິເສດກ່ຽວກັບການກູ້ໄພແຜ່ນດິນໄຫວເວີ້ນຊວນ:ຄວາມຮັກທີ່ນິລັນດອນ
cri
ຍິງ:ຖ້າວ່າມີຊາດຫນ້າ, ຂ້ອຍຍັງຈະເປັນແຟນຂອງເຈົ້າ.
ຊາຍ:ທີ່ຮັກ,ອ້າຍຄິດເຖິງນ້ອງຫລາຍ, ອ້າຍຢາກແຕ່ງງານກັບນ້ອງ.
ຍິງ: ສັງຂານເວົ້າມານັ້ນແມ່ນຂໍ້ຄວາມສັ້ນຂໍ້ສຸດທ້າຍທີ່ຜູ່ສາວປັກກິ່ງທີ່ມີຊື້ຫລິ້ນວ່າ ຊີ້ໂຫວ ໄດ້ຮັບຈາກແຟນຂອງລາວໃນວັນທີ 12 ພຶດສະພານີ້. ເວລາສົ່ງຂໍ້ຄວາມສັ້ນແມ່ນ 15 ໂມງ 7 ນາທີ.ຫລັງຈາກເມືອງເວີ້ນຊວນແຂວງເສສວນເກີດແຜ່ນດິນໄຫວແຮງ 39 ນາທີ, ແຟນຂອງ ຊີ້ໂຫວ ຕອນນັ້ນຢູ່ເວີ້ນ ຊວນ. ຫລັງຈາກນັ້ນມາ, ຊີ້ໂຫວ ກໍ່ບໍ່ໄດ້ຮັບຂ່າວຈາກແຟນຂອງນາງອີກ.
ຊາຍ:ເວລາ 14 ໂມງ 29 ນາທີຂອງວັນທີ 12 ພຶດສະພານີ້, ເຊິ່ງແມ່ນນາທີທີ 2 ຫລັງເກີດແຜ່ນດິນໄຫວ, ຊີ້ໂຫວກໍ່ໄດ້ຮັບໂທລະສັບຂອງແຟນທີ່ໂທຈາກເວີ້ນຊວນ, ແຟນເວົ້າວ່າ: ທີ່ຮັກ, ແຫ່ງນີ້ເກີດແຜ່ນດິນໄຫວແລ້ວ.ຕອນນັ້ນຊີ້ໂຫວຍັງບໍ່ຮູ້ເມື່ອເທື່ອ,ມີແຕ່ຮ້ອງຊື່ຂອງແຟນ, ເຖິງວ່າຄຳຕອບໃນອີກເບື້ອງຫນຶ່ງຂອງໂທລະສັບຟັງບໍ່ແຈ້ງປານໃດເພາະວ່າມີສຽງນັນແຊວແຮງຫລາຍ, ແຕ່ລາວບໍ່ກ້າວາງສາຍລົງ, ໃນເວລານັ້ນ ລາວມີຄວາມຮູ້ສຶກວ່າຖ້າວາງສາຍອາດຈະບໍ່ໄດ້ຍິນສຽງແຟນອີກແລ້ວ.
ຍິງ:ຫລັງຈາກນັ້ນບໍ່ດົນ, ໄດ້ຍິນສຽງຂອງແຟນອີກ, ແຟນກໍ່ບໍ່ໄດ້ວາງສາຍ,ແຟນບອກລາວວ່າມີຄົນຖືກບາດເຈັບແລ້ວ, ໃຫ້ລາວດູແລຕົນເອງໃຫ້ດີ.ຊີ້ໂຫວຕົກໃຈຫລາຍຖາມດ້ວຍສຽງແຮງໆວ່າ:ເກີດເລື່ອງຫຍັງຂຶ້ນ?ແຕ່ສຽງທີ່ລາວໄດ້ຍິນນັ້ນແມ່ນສຽງວາງສາຍໂທລະສັບ.ລາວກໍ່ຟ້າວໂທຄືນອີກ, ເທື່ອນີ້ບໍ່ມີຄົນຮັບສາຍອີກ.ລາວຮູ້ວ່າເກີດເລື່ອງອັນຕະລາຍໃຫຍ່ແລ້ວ, ກໍ່ຟ້າວໂທລະສັບໄປຫາຫມູ່ຂອງແຟນທີ່ຢູ່ເມືອງເວີ້ນຊວນ, ແຕ່ບໍ່ມີຄົນຮັບສາຍຄືກັນ. ໃນຂະນະນັ້ນ, ລາວຮູ້ແລ້ວວ່າແຫ່ງນັ້ນເກີດແຜ່ນດິນໄຫວຫນັກ.
ຊາຍ:ຫລັງຈາກນັ້ນຫລາຍມື້, ຊີ້ໂຫວໄດ້ເຝົ້າຢູ່ຕໍ່ຫນ້າຈໍໂທລະພາບເພື່ອຢາກຮູ້ຂ່າວທັງຫມົດທີ່ສົ່ງມາຈາກເສສວນ.1 ຫມື່ນ 2 ພັນຄົນ 1ຫມື່ນ 9ພັນຄົນ 3ຫມື່ນຄົນ, ຕົວເລກສີດຳເຫລົ່ານີ້ຈະມີເງົາຂອງແຟນຫລືບໍ່?ລາວຫວັງວ່າແຟນຈະເປັນຄົນເຂັ້ມແຂງກວ່າຫມູ່.
ຍິງ:ຊີ້ໂຫວເວົ້າຕໍ່ຕົນເອງຕະຫລອດວ່າ:ໃນນາທີສຸດທ້າຍ,ລາວຍັງຄິດເຖິງຂ້ອຍຢູ່,ຍັງຂໍຫມັ້ນກັບຂ້ອຍ.ທີ່ຮັກ, ຖ້າວ່າມີຊາດຫນ້າ, ນ້ອງຍັງຈະຂໍເປັນແຟນຂອງອ້າຍ.
1 2 3 4 5 6
|
|
|
