|
|
 |
| (GMT+08:00)
2008-05-20 15:53:31
|
 |
|
ລາຍການພິເສດກ່ຽວກັບການກູ້ໄພແຜ່ນດິນໄຫວເວີ້ນຊວນ:ຄວາມຮັກທີ່ນິລັນດອນ
cri
ຊາຍ:ໄພພິບັດທີ່ເກີດຂຶ້ນກະທັນຫັນອາດຈະເຮັດໃຫ້ຄົນທີ່ຮັກກັນເກີດຄວາມໂສກເສົ້າ, ແຕ່ຄວາມຕາຍທີ່ເຂົ້າມາຫາຢ່າງບັງເອີນນັ້ນຊ້ຳພັດບໍ່ສາມາດສະກັດກັ້ນບໍ່ໃຫ້ດອກໄມ້ແຫ່ງຄວາມຮັກເຜີຍກີບແຍ້ມບານ.
ຍິງ: ສົ່ງດອກກຸຫລາບໃຫ້ຜູ່ອື່ນ, ມືຕົນເອງກໍ່ຈະມີກິ່ນຫອມຂອງກຸຫລາບເຫລືອໄວ້.ຢູ່ຕໍ່ຫນ້າໄພພິບັດ, ຄົນຮັກສ່ວນຫລາຍໄດ້ປະລະຄວາມໂລແມນຕິກລະຫວ່າງສອຄົນ, ເພື່ອອຸທິດຄວາມຮັກໃຫ້ແກ່ມະນຸດ.
ຊາຍ:ນັກຂ່າວສອງຄົນທີ່ເປັນຄູ່ຮັກກັນ,ຈາກນະຄອນຊຽງໄຮ້ໄປເອົາຂ່າວຢູ່ເຂດປະສົບໄພດແລະໄດ້ມີການລາຍງານຂ່າວດັ່ງນີ້:
ຍິງ:ວັນທີ 13 ພຶດສະພານີ້ ໃນນາມເປັນນັກຂ່າວຂອງຫນັງສືພິມ ຊິນເວີນຫວ້ານປ້າວ ຂອງນະຄອນຊຽງໄຮ້, ຂ້ອຍຖືກສົ່ງໄປເອົາຂ່າວຢູ່ເຂດປະສົບໄພທີ່ແຂວງເສສວນ.ວັນທີ 14, ແຟນຂອງຂ້ອຍກໍ່ໄດ້ໄປເຂດປະສົບໄພຄືກັນໃນນາມເປັນນັກຂ່າວຂອງຫນັງສືພິມ ເຊີນປ້າວ ຂອງນະຄອນຊຽງໄຮ້.
ຊາຍ:ສອງຄົນທີ່ຮັກກັນຫນຶ່ງປີ,ເມື່ອໄດ້ແຍກກັນເປັນເວລາສັ້ນແລ້ວ, ກໍ່ໄດ້ໄປເຖິງບ່ອນດຽວກັນໃນໄລຍະພິເສດນີ້.
ຍິງ:ເຖິງວ່າຢູ່ບ່ອນດຽວກັນ, ແຕ່ພວກເຮົາສອງຄົນຍັງຢູ່ຫ່າງກັນເກືອບ 100 ກິໂລແມັດ. ແຕ່ເດີມແມ່ນຂ້ອຍສົ່ງຂໍ້ຄວາມສັ້ນໃຫ້ລາວທຸກມື້ເພື່ອລາຍງານຄວາມປອດໄພ.ດຽວນີ້ກາຍເປັນວ່າສອງຄົນເຮົາຕ່າງກໍ່ລາຍງານຄວາມປອດໄພແກ່ກັນ.
"ບ່ອນຂ້ອຍຢູ່ມີນ້ຳປະປາແລ້ວ" "ອາຫານທ່ຽງໄດ້ກິນຂະຫນົມປັງ" "ຄົນທ້ອງຖີ່ນນີ້ຜູ່ຫນຶ່ງໄດ້ສ່ຽງໄພກັບເມືອບ້ານແຕ່ງເຂົ້າໃຫ້ພວກເຮົາກິນ" "ໄດ້ຍິນວ່າບ່ອນເຈົ້າຢູ່ນັນເກີດແຮງສັ່ນສະເທືອນຕາມມາທີ່ອ່າວແຮງ,ຂໍໃຫ້ດູແລຕົນເອງໃຫ້ດີເດີ້"
ຊາຍ:"ຂ້ອຍໄປກັບຫນ່ວຍແພດທະຫານ,ການກິນການຢູ່ມີການຮັບປະກັນ,ສ່ວນລາວໄປກັບຫນ່ວຍກູ້ໄພ,ໄດ້ຂ່າວຫລາຍແລະປອດໄພແດ່.ຂ້ອຍສົນໃຈທີ່ສຸດແມ່ນການກິນການຢູ່ຂອງລາວ, ລາວເປັນຫ່ວງທີ່ສຸດແມ່ນຄວາມປອດໄພຂອງຂ້ອຍ"
ຍິງ:"ແຕ່ລະມື້,ລາວກໍ່ຈະລາຍງານສະພາບຂອງພວກເຮົາໃຫ້ພໍ່ແມ່ລາວ, ຈົນຮອດມື້ນີ້ ຂ້ອຍກໍ່ບອກພໍ່ຂ້ອຍວ່າ ພວກເຮົາຢູ່ຊຽງໄຮ້ປອດໄພດີ, ພໍ່ບໍ່ຕ້ອງເປັນຫ່ວງ"
ຊາຍ:"ມື້ໃດຊິກັບ,ພວກເຮົາຍັງບໍ່ຮູ້ເທື່ອ,ດຽວນີ້ຍັງຈະສືບຕໍ່ກ້າວໄປສູ່ບ່ອນກູ້ໄພ.ເຖິງວ່າພວກເຮົາຢູ່ແຫ່ງນີ້ຍັງບໍ່ສາມາດຊ່ວຍເຫລືອປະຊາຊົນຢູ່ແຫ່ງນີ້ໂດຍກົງກໍ່ຕາມ,ແຕ່ພວກເຮົາເຊື່ອຫມັ້ນວ່າເມື່ອພວກເຮົາໄດ້ຂຽນຂ່າວນີ້, ທົ່ວໂລກກໍ່ຈະມີການປ່ຽນແປງໄປນຳ"
1 2 3 4 5 6
|
|
|
