|
|
 |
| (GMT+08:00)
2008-05-20 15:53:31
|
 |
|
ລາຍການພິເສດກ່ຽວກັບການກູ້ໄພແຜ່ນດິນໄຫວເວີ້ນຊວນ:ຄວາມຮັກທີ່ນິລັນດອນ
cri
ຊາຍ:ຕອນຄ່ຳວັນທີ 16 ພຶດສະພານີ້ ງານສົມລົດທີ່ມີເຈົ້າສາວເຂົາຮ່ວມໄດ້ຈັດຂຶ້ນຢູ່ເມືອງນານກິ່ງ.ນາງຊິວຢວນໆທີ່ເປັນເຈົ້າສາວພ້ອມກັບຍາດພີ່ນ້ອງຫມູ່ເພື່ອນໄດ້ຕ້ອນຮັບແຂກທີ່ມາອວຍພອນຢູ່ສະຖານທີ່ງານສົມລົດ,ຢູ່ຄຽງຂ້າງເຂົາເຈົ້າ,ແມ່ນຮູບຖ່າຍສົມລົດຂອງເຈົ້າບ່າວເຈົ້າສາວ.
ຍິງ:ເຈົ້າບ່າວຊື່ວ່າ 饶新 ແມ່ນນັກບິນຜູ່ຫນຶ່ງໃນຂອງກອງທັບບົກ.ຕອນເຊົາວັນທີ 15 ພຶດສະພານີ້, ລາວໄດ້ຮັບຄຳສັ່ງຂ້ຽວໄປກູ້ໄພຢູ່ເຂດປະສົບໄພແຜ່ນດິນໄຫວຢູ່ເມືອງເວີ້ນຊວນໂດຍດ່ວນ.
ຊາຍ:ເພື່ອລະລຶກການກູ້ໄພ, ເຮັດໃຫ້ງານສົມລົດມີຄວາມຫມາຍຫລາຍກວ່າເກົ່າ, ເຂົາເຈົ້າຕົກລົງຈັດງານສົມລົດຕາມແຜນການ, ແລະໃສ່ຊື່ໃຫ້ງານສົມລົດວ່າ:ເປັນຫ່ວງນຳເຂດປະສົບໄພ,ເຮັດໃຫ້ຄວາມຣັກນ້ອຍໆກາຍເປັນຄວາມຮັກແພງທີ່ຍິ່ງໃຫຍ່,ສ່ວນເນື້ອໃນຂອງງານສົມລົດທີ່ໂລແມນຕິກທີ່ໄດ້ວາງແຜນອອກລ່ວງຫນ້ານັ້ນກໍ່ກາຍເປັນການໃຫ້ເຈົ້າສາວບໍລິຈາກເງິນໃຫ້ເຂດປະສົບໄພ.
ຍິງ:ຍ້ອນປະທັບໃຈນຳການກະທຳຂອງເຈົ້າສາວ, ຍາດພີ່ນ້ອງຫມູ່ເພື່ອນກໍ່ທະຍອຍກັນບໍລິຈາກ,ບໍລິສັດຈັດງານສົມລົດກໍ່ໄດ້ບໍລິຈາກລາຍໄດ້ຈາກການຈັດງານໃຫ້,ພັດຕາຄານທີ່ຈັດງານລ້ຽງເທື່ອນີ້ກໍ່ໄດ້ບໍລິຈາກລາຍໄດ້ຈາກງານສົມລົດເທື່ອນີ້ທັງຫມົດ 8 ຫມື່ນຢວນໃຫ້ເຂດປະສົບໄພ.
ຊາຍ:ຍ້ອນມີຄວາມຮັກ,ໂລກມະນຸດນີ້ຈິ່ງອົບອຸ່ນຫລາຍ, ຍ້ອນມີຄວາມຮັກ, ໂລກຫນ່ວຍນີ້ຈິ່ງສວຍງາມຫນ້າຢູ່.
ຍິງ: ສັງຂານແລະວັນນີຂໍຖືໂອກາດນີ້ອ່ານຂໍ້ຄວາມສັ້ນຕອນຫນຶ່ງທີ່ທະຫານປົດປ່ອຍປະຊາຊົນທີ່ໄປກູ້ໄພຢູ່ເຂດປະສົບໄພນັ້ນສົ່ງໃຫ້ແຟນຂອງລາວ,ເພື່ອໃຫ້ພວກເຮົາຮູ້ສຶກເຖິງຄວາມຮັກທີ່ຊົ່ວນິລັນດອນໃນທ່າມກາງຄາມພັດພາກທີ່ບໍ່ມີຄວາມປານີ.
ຊາຍ: ຂ້ອຍໄປກູ້ໄພຢູ່ເຂດປະສົບໄພ,ບໍ່ຕ້ອງເປັນຫ່ວງນຳຂ້ອຍເດີ້.ເມື່ອເຫັນຄົນໄດ້ຮັບຄວາມທຸກທໍລະມານໃນໄພພິບັດຫລາຍປານນີ້,ໃນນາມເປັນທະຫານຜູ່ຫນຶ່ງ, ຂ້ອຍມີພັນທະທີ່ຫລີກລຽງບໍ່ໄດ້,ເຖິງວ່າຂ້ອຍບໍ່ໄປກໍ່ຄືຊິບໍ່ເປັນຫຍັງ.ຂ້ອຍບໍ່ໄດ້ບອກໃຫ້ຄອບຄົວຮູ້ຈັກຄົນ,ໄດ້ບອກແຕ່ເຈົ້າຄົນດຽວ. ສະພາບຢູ່ແຫ່ງນັ້ນຫນ້າສົງສານຫລາຍ,ການກູ້ໄພມີຄວາມອັນຕະລາຍຢູ່,ນ້ອງຈົ່ງຈື່ໄວ້ວ່າ, ຖ້າວ່າຂ້ອຍບໍ່ໄດ້ກັບມາ, ເຈົ້າບໍ່ຄວນໄຫ້,ເພາະວ່າເຈົາພຽງແຕ່ໄດ້ເສຍຄົນຮັກຜູ່ດຽວທໍ່ນັ້ນ, ສ່ວນຄົນຢູ່ແຫ່ງນັ້ນໄດ້ເສຍບໍ່ພຽງແຕ່ຄົນຜູ່ດຽວທໍ່ນັ້ນ,ເມື່ອແຫ່ງນັ້ນສ້າງສາຄືນໃຫມ່ແລ້ວ, ນ້ອງກໍ່ໄປຢາມແຫ່ງນັ້ນ,ຢ່າຖາມວ່າຂ້ອຍຖືກຝັງໄວ້ບ່ອນໃດ!
1 2 3 4 5 6
|
|
|
