ກ່ອນນີ້, ທ່ານຜ່ານເວີຍປິ່ນ,ຮອງນັກຄົ້ນຄວ້າຂອງສະຖາບັນຄົ້ວຄວ້າວັດຖຸບູຮານແລະບູຮານນະຄະດີແຂວງເຫີນານແມ່ນດຳເນີນການຂຸດຄົ້ນຂຸມສົບແຫ່ງອື່ນຢູ່ເມືອງອ່ານຢາງຕະຫລອດມາ,ເຈົ້າຫນ້າທີ່ແຫ່ງນັ້ນບອກເພິ່ນວ່າ, ຢູ່ບ້ານຊີກ່າວເຊ້ຍມີຂຸມຝັງສົບແຫ່ງຫນຶ່ງຖືກຂຸດຈົນບໍ່ເປັນຕາເອົາແລ້ວ. ສະນັ້ນ, ທ່ານຜ່ານເວີຍປິ່ນກໍ່ໄປສຳຫລວດແລ້ວລາຍງານຕໍ່ຂັ້ນເທິງວ່າ, ແຫ່ງນີ້ຕ້ອງໄປຂຸດຄົ້ນແບບກອບກູ້ເອົາເຄື່ອງທີ່ລ້ຳຄ່າ,ສະນັ້ນ, ທ່ານກໍ່ເປັນຜູ່ນຳພາການຂຸດຄົ້ນຂຸມຝັງສົບໃຫຍ່ແຫ່ງນີ້.ທ່ານບອກວ່າ:
ແຕ່ປີ 2006 ຫາປີ 2008, ຂຸມຝັງສົບແຫ່ງນີ້ໄດ້ຖືກລັກຂຸດຫລາຍເທື່ອ,ເພື່ອກອບກູ້ເອົາວັດຖຸບູຮານຢູ່ແຫ່ງນີ້ບໍ່ໃຫ້ເສຍຫາຍອີກ, ເມື່ອໄດ້ຮັບການອະນຸຍາດຈາກກົມວັດຖຸບູຮານແຫ່ງຊາດຈີນແລ້ວ, ເດືອນທັນວາປີ 2008, ສະຖາບັນວັດຖຸບູຮານແລະບູຮານນະຄະດີແຂວງເຫີນານກໍ່ເລີ່ມຂຸດຄົ້ນຂຸມ ຝັງສົບແຫ່ງນີ້ເພື່ອກອບກູ້.ຮອດທ້າຍເດືອນທັນວາປີ 2009,ວຽກງານຂຸດຄົ້ນໄດ້ຢຸດໄລຍະຫນຶ່ງ,ເຊິ່ງໄດ້ແກ່ຍາວມາເປັນເວລາປີຫນຶ່ງເຕັມໆ, ປັດຈຸບັນ, ໄດ້ຮັບຫມາກຜົນສຳຄັນທີ່ເປັນຂັ້ນຕອນ.
ຫມາກຜົນທີ່ເປັນຂັ້ນຕອນທີ່ທ່ານຜ່ານເວີຍປິ່ນກ່າວມານັ້ນກໍ່ແມ່ນໄດ້ຢືນຢັນໃນເບື້ອງຕົ້ນວ່າ,ຜູ່ທີ່ຝັງຢູ່ໃນຂຸມຝັງສົບແຫ່ງນີ້ແມ່ນໂຈໂສ.ໂຈໂສແມ່ນຄົນສະໄຫມສາມກົກທີ່ເປັນສະໄຫມທີ່ເກີດສົງຄາມເລື້ອຍໆແຕ່ໃຫ້ກຳເນີດຜູ່ຍິ່ງໃຫຍ່ຢ່າງຫລວງຫລາຍໃນສະໄຫມລົບເລວກັນໃນປະຫວັດສາດຈີນ,ໃນບົດປະພັນວັນນະຄະດີ, ກາບກອນແລະລະຄອນຢ່າງຫລວງຫລາຍສະແດງເຖິງປະຫວັດສາດຕອນນີ້.ແຕ່ອີງໃສ່ແນວຄິດຈົງຮັກພັກດີຕໍ່ເຈົ້າຊີວິດໃນແນວຄິດຂົງຈື້,ບົດປະພັນເຫລົ່ານີ້ສ່ວນຫລາຍໄດ້ວາດພາບໂຈໂສເປັນຂຸນນາງທີ່ບໍ່ດີມັກຫລິ້ນພັກຫລິ້ນພວກ.ສະນັ້ນ ຢູ່ຕາມທ້ອງຖິ່ນ, ປະຊາຊົນກໍ່ມີການເລົ່າລືກັນວ່າ: ກ່ອນຕາຍ, ໂຈໂສໄດ້ກໍ່ຂຸມຝັງສົບຂອງຕົນ 72 ແຫ່ງຢູ່ຕາມແຫ່ງຕ່າງໆ, ເພື່ອບໍ່ຢາກໃຫ້ຄົນຮຸ້ນຫລັງໄປລັກເອົາເຄື່ອງມີຄ່າໃນຂຸມຝັງສົບຂອງເພິ່ນ.
1 2 3 4 5
