ຫລັກຖານອ້າງອີງຂອງນັກບູຮານນະຄະດີທີ່ມີການສະຫລຸບໃນເບື້ອງຕົ້ນແມ່ນອີງໃສ່ຮູບການ,ຂະຫນາດຂອງຂຸມຝັງສົບແລະວັດຖຸທີ່ຂຸດພົບຈາກຂຸມສົບ,ພ້ອມດ້ວຍເອກະສານທີ່ກ່ຽວຂ້ອງທີ່\ບັນທຶກທີ່ຕັ້ງຂອງຂຸມຝັງສົບຂອງໂຈໂສ.ແຕ່ປະຊາຊົນພັດຢາກຮູ້ລາຍລະອຽດຫລາຍກວ່ານີ້ອີກ,ເຊັ່ນວ່າ: ຂຸມຝັງສົບແຫ່ງນີ້ມີຮູບລັກສະນະແນວໃດ, ໄດ້ຊອກເຫັນວັດຖຸບູຮານຫຍັງແດ່? ຢືນຢັນຂຸມຝັງສົບສ້າງໃນປີໃດແລະຜູ່ທີ່ຝັງໃນຂຸມມີຖານະແນວໃດ?ມີຫລັກຖານພຽງພໍຫລືບໍ່? ສາມາດຈຳແນກຖານະຂອງຜູ່ຕາຍໂດຍຜ່ານການວິເຄາະ DNA ໄດ້ຫລືບໍ່?
ບັນຫາເຫລົ່ານີ້, ທ່ານຜ່ານເວີຍປິ່ນໄດ້ເຜີຍແຜ່ຮູບຖ່າຍຂຸດຄົ້ນຂຸມຝັງສົບແຫ່ງນີ້ໃນກອງປະຊຸມວິຊາການເທື່ອຫນຶ່ງ, ທ່ານເວົ້າວ່າ,ໃນຊີວິດດຳເນີນວຽກງານສຳຫລວດບູຮານນະຄະດີ 20 ກວ່າປີ,ເທື່ອນີ້ແມ່ນເທື່ອທຳອິດທີ່ໄດ້ເຫັນຂຸມຝັງສົບທີ່ມີຂະຫນາດໃຫຍ່ຊ່ຳນີ້.ໂຄງສ້າງຂອງຂຸມຝັງສົບນີ້ສັບສົນຫລາຍ, ເຊິ່ງມີທາງເຂົ້າ, ສອງຫ້ອງຫ້ອງຫນ້າຫ້ອງຫລັງແລະສີ່ຫ້ອງຢູ່ສອງຂ້າງ.ເມື່ອສັງເກດຈາກແຜ່ນແຕກຂອງປະຕູຂຸມຝັງສົບແລ້ວສາມາດວິເຄາະໄດ້ວ່າ, ແຕ່ຕາມປະຕູຂຸມຝັງສົບຄວນມີຮູບຄວັດທີ່ງົດງາມ,ແລະຝີມືຄວັດທີ່ຊຳນານ.ທັງຫມົດເຫລົ່ານີ້ໄດ້ສະແດງໃຫ້ເຫັນວ່າຜູ່ຝັງໃນຂຸມສົບມີຖານະພິເສດ.
ທ່ານລີວເຈິ້ນຕົ່ງ,ນັກຄົ້ນຄວ້າຂອງສະຖາບັນຄົ້ນຄວ້າບູຮານນະຄະດີສະພາບັນດິດວິທະຍາສາດສັງຄົມຈີນໄດ້ຄົ້ນຄວ້າກ່ຽວກັບການປ່ຽນແປງຂອງທຳນຽມຝັງສົບໃນສະໄຫມບູຮານເປັນເວລາດົນານແລ້ວ,ວີ່ແວວຫລາຍຢ່າງເຮັດໃຫ້ທ່ານຢືນຢັນວ່າຂຸມຝັງສົບນີ້ແມ່ນສ້າງຂຶ້ນໃນທ້າຍສະໄຫມລາດຊະວົງຕົ່ງຮ້ານ,ແລະສິ່ງທີ່ຂຸດພົບນັ້ນກໍ່ເຫັນໄດ້ວ່າສອດຄ່ອງກັບການຝັງແບບປະຢັດທີ່ໂສສົ່ງເສີມທີ່ບັນທຶກໄວ້ໃນເອກະສານປະຫວັດສາດ.
1 2 3 4 5
