ຍ້ອນເຫດນີ້, ເຮັດໃຫ້ສະຖາບັນຄົ້ນຄວ້າວັດຖຸບູຮານແລະບູຮານນະຄະດີແຂວງເຫີນານທີ່ທ່ານຜ່ານເວີຍປິ່ນເຮັດວຽກຢູ່ນັ້ນເມື່ອປະກາດຜົນການຄົ້ນພົບດັ່ງກ່າວໃນທ້າຍເດືອນທັນວາຜ່ານມານີ້ແລ້ວ, ກໍ່ມີຫລາຍໆຄົນສະແດງຄວາມສົງໃສ,ນັກວິຊາການຈາກພາກສ່ວນຕ່າງໆເຂົ້າຮ່ວມການປຶກສາຫາລືຢ່າງຟົດຟື້ນເຊິ່ງບໍ່ເຄີຍມີມາກ່ອນ.
ທ່ານວາງເວີ້ຍ, ຫົວຫນ້າສະຖາບັນຄົ້ນຄວ້າບູຮານນະຄະດີຂອງສະພາບັນດິດວິທະຍາສາດສັງຄົມທັງເປັນນັກບູຮານນະຄະດີທີ່ມີຊື່ສຽງຂອງຈີນກ່າວວ່າ, ຄວາມຟົດຟື້ນຂອງກະແສປຶກສາຫາລືກັນກ່ຽວກັບເລື່ອງນີ້ໄດ້ລື່ນກາຍການຄາດຫມາຍຂອງຜູ່ຊ່ຽວຊານຕ່າງໆ.ທ່ານກ່າວວ່າ:
ເທື່ອນີ້ຕ່າງກັບທຸກເທື່ອທີ່ຜ່ານມາ, ສາເຫດທີ່ສຳຄັນທີ່ສຸດກໍ່ແມ່ນ:ເທື່ອນີ້ພວກເຮົາໄດ້ວິເຄາະວ່າຜູ່ທີ່ຝັງຢູ່ແຫ່ງນີ້ແມ່ນໂຈໂສທີ່ມີຊື່ສຽງດົ່ງດັງທີ່ສຸດໃນສະໄຫມສາມກົກແລະຕະຫລອດປະຫວັດສາດບູຮານຂອງຈີນ.ວົງການວິຊາການ, ບຸກຄົນສຳຄັນທີ່ກ່ຽວຂ້ອງໃນສັງຄົມຈົນເຖິງຜູ່ໃຊ້ອິນເຕີເນັດ ລ້ວນແຕ່ມີຄວາມເຫັນຕ່າງໆຂອງໃຜລາວກ່ຽວກັບການຄົ້ນພົບຂຸມຝັງສົບແຫ່ງນີ້,ເວົ້າລວມແລ້ວ,ນີ້ແມ່ນເລື່ອງທີ່ປະຊາຊົນໃຫ້ຄວາມສົນໃຈນຳວັດທະນະທຳປະຫວັດສາດຂອງພວກເຮົາ, ໃນຖານະເປັນຜູ່ສຳຫລວດບູຮານນະຄະດີ, ພວກເຮົາຮູ້ສຶກພູມໃຈທີ່ສຸດ.
1 2 3 4 5
