ທ່ານວາງເວີ້ຍ, ຫົວຫນ້າສະຖາບັນຄົ້ນຄວ້າບູຮານນະຄະດີຂອງສະພາບັນດິດວິທະຍາສາດສັງຄົມຈີນກ່າວວ່າ, ເພື່ອຕອບຄຳຖາມຂອງປະຊາຊົນ,ຕໍ່ໄປ, ຍັງຈະເຮັດວຽກຫລາຍຢ່າງ,ແລ້ວນັກວິທະຍາສາດໃນດ້ານຕ່າງໆຈິ່ງຈະສາມາດໃຫ້ຄວາມເຫັນທີ່ເປັນຂໍ້ສະຫລຸບສົມບູນໄດ້.ທ່ານເວົ້າວ່າ:
ໃນຕໍ່ຫນ້ານີ້, ກ່ອນອື່ນ, ຕ້ອງຂຸດຄົ້ນຂຸມຝັງສົບເລກຫນຶ່ງຢ່າງລະອຽດ,ວັດຖຸບູຮານທີ່ຂຸດພົບຢູ່ຂຸມຝັງສົບເລກຫນຶ່ງເລກສອງນັ້ນ, ລວມທັງລັກສະນະຮູບຮ່າງ, ກະດູກຄົນ,ເຄື່ອງຂອງຕ່າງໆໆທີ່ຝັງຢູ່ໃນຂຸມສົບຕ້ອງເອົາສົມທຽບກັນຢ່າງລະອຽດ,ຍັງຕ້ອງໃຊ້ເຕັກນິກວິທະຍາສາດທຳມະຊາດມາວັດແທກວິເຄາະໄຈ້ແຍກຢ່າງຮອບດ້ານ;ແລະຍັງຄົ້ນຄວ້າເອກະສານປະຫວັດສາດທີ່ກ່ຽວຂ້ອງ.ຕ້ອງໃຫ້ຊ່ຽວຊານທີ່ຄົ້ນຄວ້າບູຮານນະຄະດີແລະຊ່ຽວຊານຄົ້ນຄວ້າເອກະສານປະຫວັດສາດສະໄຫມລາດຊະວົງຮ້ານແລະລາດຊະວົງເວີ້ຍ, ດຳເນີນການຄົ້ນຄວ້າແບບສັງລວມຕໍ່ສິ່ງທີ່ຂຸດພົບໃນຂຸມຝັງສົບແຫ່ງນີ້, ສຸດທ້າຍໃຫ້ໄດ້ຂໍ້ສະຫລຸບຄວາມເຫັນຂອງຜູ່ຊ່ຽວຊານ.ຂ້າພະເຈົ້າຮູ້ສຶກວ່າ,ແຕ່ນີ້ ໄປຮອດການສະຫລຸບເປັນຄວາມເຫັນລະອຽດຍັງຕ້ອງເຮັດວຍກອີກຫລາຍ.
ທ່ານວາງເວີ້ຍເຫັນວ່າ,ການຢັ້ງຢືນວ່າຜູ່ຝັງຢູ່ໃນຂຸມສົບແຫ່ງນີ້ແມ່ນໂຈໂສຫລືບໍ່ພຽງແຕ່ແມ່ນພາກສ່ວນຫນຶ່ງຂອງການສຳຫລວດບູຮານນະຄະດີເທື່ອນີ້,ນັກບູຮານນະຄະດີຫວັງຢ່າງຍິ່ງວ່າຜ່ານການຄົ້ນຄວ້າຂຸມຝັງສົບນີ້ມາຄົ້ນຄວ້າສັງຄົມ, ວັດທະນະທຳແລະຮີດຄອງປະເພນີໃນສະໄຫມນັ້ນ. ອົງການປົກຄອງເມືອງອ່ານຢາງແຂວງເຫີນານກໍ່ກ່າວວ່າ, ຈະສ້າງເຂດປ້ອງກັນຢູ່ອ້ອມຂ້າງຂຸມຝັງສົບ, ແລະຈະພິຈາລະນາໃຫ້ພັດທະນາເປັນເຂດທ່ອງທ່ຽວຢູ່ແຫ່ງນີ້ໃນເວລາທີ່ເຫມາະສົມ.
1 2 3 4 5 
