ຢູ່ບໍລິເວນອ້ອມແອ້ມສູນລ້ຽງໝີແພນດາແມ່ນປ່າໄມ້ໄຜ່ທີ່ຂຽວງາມດີ,ແລະດອກໄມ້ທີ່ສວຍງາມ,ອາກາດສົດດີ,ທິວທັດທຳມະຊາດປະສານສົມທົບກັບທິວທັດທີ່ສ້າງຂຶ້ນຢ່າງກົມກຽວກັນ.ນອກຈາກມີໝີແພນດາປ່າແລ້ວ,ພະນັກງານຂອງສູນລ້ຽງໝີແພນດາຍັງພະຍາຍາມໃຊ້ວິທີຕ່າງໆແນະນຳຄວາມຮູ້ກ່ຽວກັບໝີແພນດາໃຫ້ນັກທ່ອງທ່ຽວຊາບຢ່າງລະອຽດ.ທ່ານອູຊຽນຈື້ ຫົວໜ້າພະແນກສຶກສາມວນຊົນຂອງສູນໝີແພນດາບອກວ່າ:
"ຢູ່ໃນສູນໝີແພນດາ,ບໍ່ວ່ານັກທ່ອງທ່ຽວໄປຮອດບ່ອນໃດກໍ່ລ້ວນແຕ່ໄດ້ເຫັນການໂຄສະນາແນວຄິດອະນຸລັກສິ່ງແວດລ້ອມທຳມະຊາດຂອງພວກເຮົາເຊິ່ງລວມທັງປ້າຍຊີ້ທາງ,ຄະຕິເຕືອນໃຈເພື່ອອະນຸລັກສິ່ງແວດລ້ອມ.ປ້າຍໂຄສະນາທີ່ຕັ້ງຢູ່ສະໜາມບ່ອນຫຼິ້ນຂອງໝີແພນດາຫຼືຢູ່ຂ້າງຄອກສັດ,ເຊິ່ງມີຫໍພິພິດທະພັນ,ໂຮງສາຍຮູບເງົາ,ຫໍຄວາມລັບຂອງໝີແພນດາ,ພວກເຮົາມີວິທີການສຶກສາແບບດັ້ງເດີມ,ແລະກໍ່ມີສາລະພັດສື່,ແລະຍັງມີການສາທິດແບບຢ່າງໃຫ້ນັກທ່ອງທ່ຽວມີສ່ວນຮ່ວມໃນການຫຼີ້ນເກມແບບມີແສງແລະສີ,ເຮັດໃຫ້ນັກທ່ອງທ່ຽວເມື່ອໄປຮອດສູນໝີແພນດາແລ້ວກໍ່ໄດ້ຮຽນຮູ້ຄືແນວນີ້ແບບງ່າຍໆແລະມີຄວາມເບີກບ່ານມ່ວນຊື່ນ."
1 2 3 4 5
