ໝີແພນດາທີ່ຫາກໍ່ເກີດໃໝ່ໆ
ເມື່ອທ່ຽວຢູ່ໃນສູນໝີແພນດາ,ຖ້າຜູ່ໃດໂຊກດີກໍ່ຈະໄດ້ເຫັນໝີແພນດາທີ່ຢູ່ໃນໄລຍະເຕີບໂຕທີ່ຕ່າງກັນ.ນາງລິວອີ້ຈຸ່ນ ຜູ່ນຳທ່ຽວຂອງສູນໝີແພນດາບອກວ່າ:"ໝີແພນດາສ່ວນຫຼາຍເກີດໃນລະຫວ່າງເດືອນກໍລະກົດຫາເດືອນສິງຫາ,ພາຍຫຼັງເກີດແລ້ວກໍ່ຢູ່ໃນຫ້ອງກຳເນີດ.ແມ່ໝີແພນດາບາງໂຕບໍ່ຮູ້ເບິ່ງແຍງດູແລລູກເກີດໃໝ່,ພວກເຮົາກໍ່ເອົາໝີແດນດາທີ່ຫາກໍ່ເກີດໃໝ່ໆໃສ່ໃນຕູ້ປັບອຸນຫະພູມລ້ຽງເປັນເວລາ4ເດືອນແລ້ວຈິ່ງເອົາອອກມາ,ໝີແພນດານ້ອຍເຫັນແສງຕາເວັນເທື່ອທຳອິດກໍ່ແມ່ນຫຼັງຈາກເກີດໄດ້4ເດືອນແລ້ວ.ເມື່ອມັນໃຫຍ່ຂຶ້ນອີກນ້ອຍໜຶ່ງແລ້ວກໍ່ເອົາໄປເຂົ້າໂຮງອະນຸບານໝີແພນດາ.ເມື່ອອາຍຸໄດ້2ປີຈິ່ງຍ້າຍໄປຢູ່ຫ້ອງວິນລາໝີແພນດານ້ອຍເພື່ອຫຼິ້ນນຳໝູ່ເພື່ອນຂອງມັນ.ຫຼັງຈາກນັ້ນຈະຍ້າຍໄປຫ້ອງວິນລາໝີແພນດາທີ່ໃກ້ຈະໃຫຍ່ເຕັມທີ່,ສຸດທ້າຍຈິ່ງໄປຫ້ອງວິນລາໝີແພນດາທີ່ໃຫຍ່ເຕັມທີ່ແລ້ວ,ຢູ່ໃນຫ້ອງວິນລານີ້ພວກໝີແພນດາກໍ່ຈະເກີດຄວາມຮັກຄວາມຜູກພັນຕໍ່ກັນແລະແຜ່ພັນເກີດລູກເກີດຫຼານອອກມາ."
1 2 3 4 5
