ສູນລ້ຽງໝີແພນດາເສິງຕູ່

(GMT+08:00) 2010-07-02 10:22:58 cri

ບໍ່ພຽງແຕ່ກິນ ດີເທົ່ານັ້ນ,ເງື່ອນໄຂດຳລົງຊີວິດຂອງໝີແພນດາຢູ່ໃນສູນກໍ່ດີ,ບໍ່ພຽງແຕ່ມີຫ້ອງດ່ຽວ,ຍັງມີຫ້ອງເຄື່ອນໄຫວແລະເຮືອນຊຸດວິນລາອີກ.ນາງລິວອີ້ຈຸ່ນບອກວ່າ,ໝີແພນດາແຕ່ເດີມແມ່ນອາໄສຢູ່ເຂດທີ່ມີລະດັບສູງກວ່າໜ້ານ້ຳທະເລຫຼາຍ,ມັນລຶ້ງກັບອາກາດໜາວ,ຢ້ານຮ້ອນມາແຕ່ເກີດ,ເພື່ອອຳນວຍເງື່ອນໄຂດຳລົງຊີວິດທີ່ສຸກສະບາຍໃຫ້ພວກມັນ,ຫ້ອງໝີແພນດາແຕ່ລະຫ້ອງລ້ວນແຕ່ໄດ້ຕິດຕັ້ງເຄື່ອງປັບອາກາດ.ນາງບອກວ່າ:"ຄັນອາກາດຮ້ອນຫຼາຍ,ອຸນຫະພູມສູງກວ່າ26ອົງສາ,ມັນກໍ່ແລ່ນໄປເຂົ້າຫ້ອງແອ,ເຮືອນວິນລາຂອງໝີແພນດາແບ່ງເປັນສອງພາກສ່ວນ,ໜຶ່ງແມ່ນເດີ່ນອ້ອມເຮືອນ,ອີກອັນໜຶ່ງກໍ່ແມ່ນຫ້ອງຂອງມັນ,ມີແອ,ມີຕູ້ເຢັນ,ມີສອງປະຕູ,ປ່ອງໜຶ່ງແມ່ນເພື່ອເຂົ້າອອກ,ອີກປ່ອງໜຶ່ງແມ່ນເພື່ອສ້າງຄວາມສະດວກໃຫ້ມັນຫຼິ້ນນຳໝີແພນດາທີ່ຢູ່ຂ້າງເຮືອນ."

ທິດສະດີ ສະແດງໃຫ້ເຫັນວ່າ,ເມື່ອສິ່ງທີ່ມີຊີວິດພັນໜຶ່ງມີຈຳນວນບໍ່ຮອດ1000ໂຕກໍ່ຕ້ອງໄດ້ອະນຸລັກມັນຢູ່ຕ່າງຖິ່ນ,ສູນລ້ຽງໝີແພນດາເສິງຕູ່ກໍ່ມີໜ້າທີ່ອັນນີ້ລະ.ນາງລິວອີ້ຈຸ່ນ ຜູ່ນຳທ່ຽວບອກວ່າ,ຈຸດປະສົງທີ່ລ້ຽງແບບອະນຸລັກກໍ່ແມ່ນເພື່ອເຮັດໃຫ້ໝີແພນດາກັບຄືນສູ່ທຳມະຊາດໃນທີ່ສຸດ.

ການຊ່ວຍໝີແພນດາທີ່ເປັນສັດເກົ່າແກ່ຫາຍາກຟື້ນຟູຄວາມມີຊີວິດຊີວາແມ່ນຄວາມຝັນຂອງພະນັກງານທັງໝົດຂອງສູນໝີແພນດາເສິງຕູ່.ສູ່ມື້ນີ້,ຢາກເຫັນໝີແພນດາປ່າຍາກຫຼາຍ,ແຕ່ວ່າໄປທ່ຽວສູນຄົ້ນຄວ້າປະສົມພັນໝີແພນດາເສິງຕູ່ແມ່ນທາງເລືອກທີ່ດີອັນໜຶ່ງເພື່ອຈະໄດ້ເຂົ້າໃກ້ຊິດກັບໝີແພນດາ,ພວກເຮົາກໍ່ຫວັງວ່າພາຍໃຕ້ຄວາມເອົາໃຈໃສ່ເບິ່ງແຍງດູແລອະນຸລັກຮ່ວມກັນຂອງພະນັກງານຄົ້ນຄວ້າແລະທົ່ວສັງຄົມ,ໝວດພັນໝີແພນດາທີ່ຖືກເອີ້ນເປັນຊາກຫີນ ບາງສາຍພັນທີ່ເກືອບຈະສູນພັນນັ້ນໃຫ້ສາມາດກັບມາມີຊີວິດຊີວາຄືນໃໝ່.

<< 1 2 3 4 5 >>

ຂ່າວ-ບົດທີ່ກ່ຽວຂ້ອງ

ຄຳເຫັນ

ວັນຈັນ	ວັນອັງຄານ
ວັນພຸດ	ວັນພະຫັດ
ວັນສຸກ	ວັນເສົາ
ວັນອາທິດ

ສູນ​ລ້ຽງ​ໝີ​ແພນ​ດາ​ເສິງ​ຕູ່

ສູນລ້ຽງໝີແພນດາເສິງຕູ່