ການຮ່ວມມືຈີນ-ອາຊຽນ2012
(GMT+08:00) 2012-11-23 10:14:33 cri
ສາມ:ການຮ່ວມມືທາງດ້ານການທະນາຄານ
ວັນທີ17ພຶດສະພາ2012,ຢູ່ທີ່ນະຄອນຫຼວງປັກກິ່ງ,ທະນາຄານການພັດທະນາແຫ່ງຊາດຈີນໄດ້ຈັດກອງປະຊຸມສະພາຢູນຽນເພ (Unionpay) ຈີນອາຊຽນຄັ້ງທີ2,ບັນດາທະນາຄານທີ່ເປັນສະມາຊິກໄດ້ເຊັນ"ສັນຍາເພີ່ມຕື່ມຂອງສັນຍາການຮ່ວມມືຢູນຽນເພຈີນອາຊຽນ,ທີ່ປະຊຸມຍັງໄດ້ລົງເລິກການແລກປ່ຽນກ່ຽວກັບການຮ່ວມມືທີ່ຕິດແທດຕົວຈິງ,ຄົ້ນຄວ້າຫາລືກັນກ່ຽວກັບການໃຫ້ການສະຫນັບສະຫນູນທາງດ້ານການລະດົມທຶນໃຫ້ແກ່ໂຄງການສຳຄັນ ຂອງບັນດາປະເທດອາຊຽນໃນຂົງເຂດຕ່າງໆເຊັ່ນ:ພື້ນຖານໂຄງລ່າງ,ພະລັງງານໄຟຟ້າ,ກະສິກຳ,ວິສາຫະກິດຂະຫນາດກາງແລະນ້ອຍ,ຊັບພະ ຍາກອນພະລັງງານເປັນຕົ້ນພ້ອມດ້ວຍຄວາມເປັນໄປໄດ້ຂອງການຮ່ວມມືໃນຂົງເຂດການຊຳລະບັນຊີດ້ວຍເງິນຕາສະກຸນຕົນແລະການຄ້າເງິນທຶນເປັນຕົ້ນ,ໄດ້ສ້າງພື້ນຖານໃຫ້ແກ່ການລົງເລິກການຮ່ວມມືຕື່ມອີກໃນພາຍຫນ້າ.
ສີ່:ວິທະຍາສາດເຕັກໂນໂລຊີ ການອະນຸລັກສິ່ງແວດລ້ອມແລະສິດຊັບສິນທາງປັນຍາ
ວິທະຍາສາດເຕັກໂນໂລຊີ
ປີ2012ແມ່ນປີການຮ່ວມມືທາງດ້ານວິທະຍາສາດເຕັກໂນໂລຊີລະຫວ່າງຈີນກັບອາຊຽນ,ສອງຝ່າຍໄດ້ຈັດກິດຈະກຳຕ່າງໆໂດຍປີ່ນອ້ອມຫົວຂໍ້ການຮ່ວມມືທາງດ້ານວິທະຍາສາດເຕັກໂນໂລຊີ.
ວັນທີ18ພຶດສະພາ,ກອງປະຊຸມຄະນະກຳມະການປະສົມທາງດ້ານວິທະຍາສາດເຕັກໂນໂລຊີຈີນ-ອາຊຽນຄັ້ງທີ7 ໄດ້ຈັດຂຶ້ນຢູ່ນະຄອນ ຫຼວງເນປີດໍຂອງມຽນມາ.ວັນທີ22 ກັນຍາປີນີ້,ກອງປະຊຸມລະດັບລັດຖະມົນຕີກະຊວງວິທະຍາສາດເຕັກໂນໂລຊີຈີນ-ອາຊຽນຄັ້ງທຳອິດໄດ້ຈັດຂຶ້ນຢູ່ເມືອງນານນິງຂອງເຂດກວາງຊີຈີນ,ທ່ານວ້ານກັ່ງ,ລັດຖະມົນຕີວ່າການກະຊວງວິທະຍາສາດເຕັກໂນໂລຊີຈີນກັບລັດຖະມົນຕີກະຊວງວິທະຍາ ສາດເຕັກໂນໂລຊີ ຂອງ10ປະເທດອາຊຽນ,ເຈົ້າຫນ້າທີ່ອາວຸໂສຂອງກອງເລຂາອາຊຽນໄດ້ເຂົ້າຮ່ວມກອງປະຊຸມເທື່ອນີ້.ມື້ດຽວກັນ,"ແຜນການ ຄູ່ຮ່ວມມືທາງດ້ານວິທະຍາສາດເຕັກໂນໂລຊີຈີນ-ອາຊຽນ"ໄດ້ເລີ່ມລົງມືປະຕິບັດຢ່າງເປັນທາງການຢູ່ເມືອງນານນິງ.ການຮ່ວມສ້າງຕັ້ງເວທີຮ່ວມແບ່ງປັນຊັບພະຍາກອນຂໍ້ມູນດາວທຽມທີ່ເປັນໂຄງການທຳອິດໃນຂອບແຜນການປະເທດຄູ່ຮ່ວມມືໃນດ້ານວິທະຍາສາດເຕັກໂນໂລຊີໄດ້ເລີ່ມດຳເນີນໃນເວລາດຽວກັນ.ເດືອນຕຸລາແລະເດືອນພະຈິກ,ຊຸດສຳມະນານະໂຍບາຍແລະການຄຸ້ມຄອງດ້ານວິທະຍາສາດເຕັກໂນໂລຊີທີ່ອວ່າຍຫນ້າໄປສູ່ປະເທດອາຊຽນແລະເວທີປຶກສາຫາລືຈີນ-ອາຊຽນໄດ້ຈັດຂຶ້ນຕາມລຳດັບຢູ່ຈີນ.
ການອະນຸລັກສິ່ງແວດລ້ອມ
ປີ2012,ຈີນກັບອາຊຽນໄດ້ຕັ້ງຫນ້າຜັນຂະຫຍາຍ＂ຍຸດທະສາດການຮ່ວມມືການອະນຸລັກສິ່ງແວດລ້ອມຈີນ－ອາຊຽນ,ວາງ＂ແຜນການປະຕິບັດງານກ່ຽວກັບການຮ່ວມມືດ້ານສິ່ງແວດລ້ອມຈີນ-ອາຊຽນ＂,ແລະໄດ້ດຳເນີນກິດຈະກຳຕ່າງໆເຊັ່ນ:ການສົນທະນາທາງດ້ານນະໂຍບາຍ, ການສ້າງສາຄວາມສາມາດ ການຮ່ວມກັນຄົ້ນຄວ້າກ່ຽວກັບບັນຫາສິ່ງແວດລ້ອມໃນພາກພື້ນເປັນຕົ້ນ.
――ການປະຕິບັດແຜນການທູດສີຂຽວຈີນ－ອາຊຽນ
ແຜນການດັ່ງກ່າວມີຈຸດປະສົງເພື່ອນຳໃຊ້ທຸກຮູບການເຊັ່ນ:ການຄົ້ນຄວ້າຫາລືແລະແລກປ່ຽນຄວາມຄິດຄວາມເຫັນ,ເພື່ອເພີ່ມທະວີຄວາມສາມາດໃນການຄຸ້ມຄອງສິ່ງແວດລ້ອມຂອງເຈົ້າຫນ້າທີ່ຜູ່ຕັດສິນນະໂຍບາຍຂອງລັດຖະບານໃຫ້ຫຼາຍຂຶ້ນ,ຍົກສະຕິສິ່ງແວດລ້ອມຂອງມວນຊົນໃຫ້ສູງຂຶ້ນ,ແລະຊຸກຍູ້ການແລກປ່ຽນດ້ານວັດທະນະທຳໃນຂົງເຂດການອະນຸລັກສິ່ງແວດລ້ອມລະຫວ່າງຊາວຫນຸ່ມຂອງສອງຝ່າຍ,ຊຸກຍູ້ການປະດິດສ້າງເຕັກນິກທາງດ້ານການເປັນມິດຕໍ່ສິ່ງແວດລ້ອມ.
ນັບແຕ່ວັນທີ22ຮອດວັນທີ24ພຶດສະພາ2012,ກອງປະຊຸມສຳມະນາຊາວຫນຸ່ມກັບການພັດທະນາສີຂຽວຈີນອາຊຽນໄດ້ຈັດຂຶ້ນຢູ່ປັກກິ່ງ. ນັບແຕ່ວັນທີ15 ຫາວັນທີ21 ກໍລະກົດປີນີ້,ຊຸດສຳມະນາກ່ຽວກັບເສດຖະກິດສີຂຽວແລະການຄຸ້ມຄອງສິ່ງແວດລ້ອມຈີນອາຊຽນໄດ້ຈັດຂຶ້ນຢູ່ປັກກິ່ງ. ――ການປະຕິບັດແຜນການຮ່ວມມືອະນຸລັກຄວາມຫຼາກຫຼາຍເຊັ່ນກັນທາງດ້ານຊີວະນານາພັນແລະຊີວະພາບຈີນ-ອາຊຽນ
ວັນທີ18ກັນຍາ2012,ກອງປະຊຸມສຳມະນາພຶດຕິກຳການປົກປ້ອງຊີຄວາມຫຼາກຫຼາຍທາງດ້ານຂອງຊີວະນານາພັນຈີນ-ອາຊຽນໄດ້ຈັດຂຶ້ນຢູ່ປັກກິ່ງ,ເພື່ອແລກປ່ຽນຄວາມຄິດຄວາມເຫັນແລະບົດຮຽນທີ່ດີກ່ຽວກັບພຶດຕິກຳໃນການປົກປ້ອງຄວາມຫຼາກຫຼາຍທາງດ້ານຂອງຊີວະນາໆພັນຢ່າງສຳເລັດຜົນ.
