ການຮ່ວມມືຈີນ-ອາຊຽນ2012
(GMT+08:00) 2012-11-23 10:14:33 cri
ສິບ, ການແລກປ່ຽນລະຫວ່າງຊາວໜຸ່ມ
ປີ 2012 ຈະຈັດຊຸດອົບຮົມພະນັກງານຊາວໜຸ່ມອາຊຽນ 4 ຊຸດ, ເພື່ອອົບຮົມພະນັກງານຊາວໜຸ່ມ 200 ຄົນໃຫ້ແກ່ 10 ປະເທດອາຊຽນ. ປະຈຸບັນໄດ້ຈັດຊຸດອົບຮົມ 3 ຊຸດແລ້ວ.
ເດືອນພຶດສະພາ, ກິດຈະກຳແລກປ່ຽນມິດຕະພາບຂອງຊາວໜຸ່ມແມ່ນ້ຳລ້ານຊ້າງ-ແມ່ນ້ຳຂອງຄັ້ງທີ 8 ໄດ້ຈັດຂຶ້ນຢູ່ຈີນ, ໄທແລະກຳປູເຈຍ, ຜູ້ແທນຊາວໜຸ່ມ 68 ຄົນ ທີ່ມາຈາກ 6 ປະເທດອະນຸພາກພື້ນແມ່ນ້ຳຂອງຍັງລວມທັງຜູ້ແທນຈີນ 11 ຄົນໄດ້ເຂົ້າຮ່ວມກິດຈະກຳດັ່ງກ່າວ. ມາຮອດປະຈຸບັນ, ກິດຈະກຳດັ່ງກ່າວໄດ້ຈັດຂຶ້ນ 8 ເທື່ອແລ້ວ, 6 ປະເທດອະນຸພາກພື້ນແມ່ນ້ຳຂອງລວມທັງໝົດແລ້ວໄດ້ສົ່ງຊາວໜຸ່ມດີເດັ່ນ 519 ຄົນເຂົ້າຮ່ວມ.
ຈີນກຽມຈະຈັດ"ຄ້າຍຊາວໜຸ່ມຈີນ-ອາຊຽນ"ຄັ້ງທີ 7 ໃນເດືອນພະຈິກ, ຈະເຊີນຊວນຊາວໜຸ່ມອາຊຽນ 100 ຄົນມາຢ້ຽມຢາມຈີນ.
ຈີນອາຊຽນໄດ້ຈັດ"ຄ້າຍພັກແຮມຍາມລະດູຮ້ອນ(ຫຼືລະດູໜາວ) ຂອງນັກຮຽນຈີນ-ອາຊຽນ"ແລະ"ຂົວພາສາຈີນ"ຫຼາຍເທື່ອແລ້ວ, ຈີນສົ່ງເສີມໂຮງຮຽນຊັ້ນສູງຢູ່ແຂວງຊາຍແດນດຳເນີນກິດຈະກຳແລກປ່ຽນກັບຊາວໜຸ່ມເຍົາວະຊົນຂອງປະເທດອາຊຽນຢ່າງກວ້າງຂວາງ, ຊາວໜຸ່ມເຍົາວະຊົນຂອງອາຊຽນມາຢ້ຽມຢາມຈີນມີເກືອບ 1 ພັນຄົນຕໍ່ປີ, ໄດ້ເພີ່ມຄວາມເຂົ້າໃຈແລະມິດຕະພາບລະຫວ່າງຊາວໜຸ່ມຂອງສອງຝ່າຍເປັນຢ່າງດີ.
