ການຮ່ວມມືຈີນ-ອາຊຽນ2012
(GMT+08:00) 2012-11-23 10:14:33 cri
ສິດຊັບສິນທາງປັນຍາ
ປີ2012,ຈີນກັບອາຊຽນໄດ້ລົງເລິກແລກປ່ຽນແລະຮ່ວມມືຢ່າງກວ້າງຂວາງໃນຂົງເຂດສິດຊັບສິນທາງປັນຍາ.
ເພື່ອຊຸກຍູ້ການສົນທະນາຈີນອາຊຽນກ່ຽວກັບສະພາບການພັດທະນາຂອງສາກົນ ພາກພື້ນແລະປະເທດ,ຈັດຕັ້ງປະຕິບັດເນື້ອໃນການຮ່ວມມືທີ່ກ່ຽວຂ້ອງໃນ＂ບົດບັນທຶກຄວາມເຂົ້າໃຈກ່ຽວກັບການຮ່ວມມືທາງດ້ານສິດຊັບສິນທາງປັນຍາລະຫວ່າງລັດຖະບານຂອງສາທາລະນະລັດປະຊາຊົນຈີນກັບລັດຖະບານຂອງປະເທດສະມາຊິກສະມາຄົມບັນດາປະເທດອາຊີຕາເວັນອອກສຽງໃຕ້＂,ນັບແຕ່ວັນທີ10 ຮອດວັນທີ12 ກັນຍາ,ຈີນໄດ້ຈັດກອງປະຊຸມສຳມະນາຈີນອາຊຽນກ່ຽວກັບການປົກປ້ອງສິດຊັບສິນທາງປັນຍາກັບຄວາມຮູ້ດັ້ງເດີມພ້ອມດ້ວຍຊັບພະຍາກອນທີ່ສືບທອດກັນມາ,ຈັດຕັ້ງເຈົ້າຫນ້າທີ່ພະແນກຄຸ້ມຄອງຊັບສິນທາງປັນຍາຂອງຈີນກັບປະເທດສະມາຊິກອາຊຽນພ້ອມດ້ວຍຜູ່ຊ່ຽວຊານ ນັກວິຊາການໃນວົງການສິນຊັບສິນທາງປັນຍາເພື່ອປຶກສາຫາລືກ່ຽວກັບການປົກປ້ອງຄວາມຮູ້ດັ້ງເດີມແລະຊັບພະຍາກອນທີ່ສືບທອດກັນມາຢ່າງຕັ້ງຫນ້າ,ແລະຊອກຫາການຮ່ວມມືພ້ອມກັນ.
ຫ້າ:ຂໍ້ມູນຂ່າວສານແລະການສື່ສານແລະການບິນ
ຂໍ້ມູນຂ່າວສານແລະການສື່ສານ
ນັບແຕ່ຕົ້ນປີນີ້ມາ,ຈີນກັບອາຊຽນໄດ້ພັດທະນາຢ່າງຫມັ້ນທ່ຽງໃນການແລກປ່ຽນແລະຮ່ວມມືໃນຂົງເຂດຂໍ້ມູນຂ່າວສານແລະການສື່ສານ.
ຈີນໄດ້ເຂົ້າຮ່ວມກອງປະຊຸມຫນ່ວຍງານ,ກອງປະຊຸມເຈົ້າຫນ້າທີ່ອາວຸໂສດ້ານຂໍ້ມູນຂ່າວສານແລະການສື່ສານຂອງຈີນອາຊຽນທີ່ຈັດຂຶ້ນໃນເດືອນມີນາແລະກອງປະຊຸມໂຕະມົນຂອງສະພາຕິດຕາມກວດກາໂທລະຄົມຈີນອາຊຽນທີ່ຈັດຂຶ້ນໃນເດືອນກໍລະດົດປີນີ້,ໂດຍໄດ້ແລກປ່ຽນຄຳຄິດຄຳເຫັນກ່ຽວກັບສະພາບການພັດທະນາແລະນະໂຍບາຍການຕິດຕາມກວດກາຂະແຫນງການໂທລະຄົມພ້ອມດ້ວຍໂຄງການຮ່ວມມືທາງດ້ານໂທລະຄົມຂໍ້ມູນຂ່າວສານຈີນ-ອາຊຽນ.
ເດືອນມັງກອນປີນີ້,ຊຸດອົບຮົມເຕັກນິກແລະການນຳໃຊ້ການສື່ສານຜ່ານອິນເຕີເນັດສາຍກວ້າງຈີນອາຊຽນໄດ້ຈັດຂຶ້ນຢູ່ນະຄອນເຊິ່ນເຈີ້ນ.ໃນເດືອນມິຖຸນາ, ເດືອນກັນຍາ, ກອງປະຊຸມກ່ຽວກັບການຫັນເປັນຂໍ້ມູນຂ່າວສານຂອງວິສາຫະກິດຂະແຫນງກາງແລະນ້ອຍຈີນອາຊຽນໄດ້ຈັດຂຶ້ນຢູ່ນະຄອນລຽນຢູນກາງຂອງຈີນ,ກອງປະຊຸມສຳມະນາການສຶກສາທາງໄກຈີນອາຊຽນໄດ້ຈັດຂຶ້ນຢູ່ນານນິງແລະຊຸດສຳມະນາເຕັກນິກແລະການນຳໃຊ້ການນສື່ສານຜ່ານອິນເຕີເນັດສາຍກວ້າງແບບເຄື່ອນທີ່ແລະບໍ່ມີສາຍຈີນອາຊຽນໄດ້ຈັດຂຶ້ນຢູ່ປັກກິ່ງ.
ຈີນຈະຈັດຊຸດອົບຮົມເຕັກນິກແລະການນຳໃຊ້ກ່ຽວກັບຄຼາວດ(cloud)ຈີນອາຊຽນແລະກອງປະຊຸມສຳມະນາຄວາມປອດໄພຂອງອິນເຕີເນັດຈີນອາຊຽນໃນທ້າຍປີນີ້,ເຊື້ອເຊີນຜູ່ຕາງຫນ້າຂອງພາກສ່ວນຂໍ້ມູນຂ່າວສານແລະການສື່ສານຂອງບັນດາປະເທດອາຊຽນແລະກອງເລຂາອາຊຽນເຂົ້າຮ່ວມກອງປະຊຸມເທື່ອນີ້.ກິດຈະກຳເຫຼົ່ານີ້ໄດ້ເພີ່ມທະວີການແລກປ່ຽນບົດຮຽນແລະການສ້າງສາຄວາມສາມາດລະຫວ່າງສອງຝ່າຍໃນການພັດທະນາການຫັນເປັນຂໍ້ມູນຂ່າວສານ ຄວາມປອດໄພດ້ານອິນເຕີເນັດແລະອື່ນໆ.
ການບິນ
ໃນປີນີ້,ສອງຝ່າຍໄດ້ຈັດກອງປະຊຸມຫນ່ວຍງານການຈັດຕັ້ງການບິນພາກພື້ນຈີນອາຊຽນຄັ້ງທີ6,ເພື່ອສືບຕໍ່ປຶກສາຫາລືກ່ຽວກັບການເປີດກວ້າງການຈັດຕັ້ງການຂົນສົ່ງທາງອາກາດໃນພາກພື້ນລະຫວ່າງຈີນກັບອາຊຽນຕື່ມອີກ.
ກອງປະຊຸມຫນ່ວຍງານຂອງກົມການບິນພົນລະເຮືອນຂອງຈີນກັບຫນ່ວຍງານຈັດຕັ້ງການຂົນສົ່ງທາງອາກາດພາກພື້ນອາຊຽນຄັ້ງທີ6ໄດ້ຈັດຂຶ້ນຢູ່ເມືອງຄຸນມິງແຂວງຢຸນນານແຕ່ວັນທີ10 ຮອດວັນທີ14 ກັນຍາ2012,ກອງປະຊຸມເທື່ອນີ້ໄດ້ເປິກສາຫາລືກັນກ່ຽວກັບອະນຸສັນຍາທີສອງຂອງ"ສັນຍາວ່າດ້ວຍການຂົນສົ່ງທາງາາດຈີນອາຊຽນລະຫວ່າງຈີນກັບອາຊຽນ"ເຊິ່ງກ່ຽວຂ້ອງກັບສິດທຸລະກິດທີ5ລະຫວ່າງຈີນກັບອາຊຽນແລະປະເທດທີສາມ.
ຈີນຈະຈັດຊຸດສຳມະນາການຄຸ້ມຄອງຄວາມປອດໄພທາງດ້ານການບິນພົນລະເຮືອນຈີນຊຽນຢູ່ແຂວງຢຸນນານໃນເດືອນພະຈິກນີ້,ເພື່ອສຶກສາອົບຮົມພະນັກງານວິຊາສະເພາະໃນການຄຸ້ມຄອງຄວາມປອດໄພດ້ານການບິນພົນລະເຮືອນ20 ຄົນໃຫ້ແກ່ປະເທດອາຊຽນ.ໃນ ປີນີ້ຍັງຈະຈັດຊຸດສຳມະນາກ່ຽວກັບການປະເມີນບໍລິມາດຂອງເຂດສະຫນາມບິນຈີນອາຊຽນຢູ່ນະຄອນທຽນສິນ,ເພື່ອອົບຮົມບົ່ມເພາະພະນັກງານວິຊາສະເພາະທາງດ້ານການຄຸ້ມຄອງຄົມມະນາຄົມແລະການຂົນສົ່ງທາງອາກາດ20 ຄົນໃຫ້ແກ່ປະເທດອາຊຽນ.
ກອງປະຊຸມເຈົ້າຫນ້າທີ່ອາວຸໂສແລະກອງປະຊຸມລະດັບລັດຖະມົນຕີກ່ຽວກັບຄົມມະນາຄົມຂົນສົ່ງຈີນອາຊຽນຄັ້ງທີ11ຈະຈັດຂຶ້ນຢູ່ອິນໂດເນເຊຍໃນເດືອນພະຈິກ2012,ກົມການບິນພົນລະເຮືອນຈີນຈະສົ່ງເຈົ້າຫນ້າທີ່ເຂົ້າຮ່ວມ,ເພື່ອລາຍງານສະພາບການຮ່ວມມືແລະຄວາມຄືບຫນ້າຫຼ້າສຸດຂອງຈີນອາຊຽນໃນຂົງເຂດການບິນພົນລະເຮືອນໃນ1ປີມານີ້ໃຫ້ກອງປະຊຸມເທື່ອນີ້.
