ການຮ່ວມມືຈີນ-ອາຊຽນ2012
(GMT+08:00) 2012-11-23 10:14:33 cri
ການທ່ອງທ່ຽວ
ໃນຫຼາຍປີມານີ້, ອົງການທ່ອງທ່ຽວແຫ່ງຊາດຈີນໄດ້ສະໜອງບູລິມະສິດໃຫ້ແກ່ປະເທດອາຊຽນແລະກອງເລຂາອາຊຽນໃນການເຂົ້າຮ່ວມງານຊື້ຂາຍການທ່ອງທ່ຽວສາກົນຈີນໃນແຕ່ລະປີ. ປີ 2012, ອົງການທ່ອງທ່ຽວແຫ່ງຊາດຈີນສືບຕໍ່ສະໜອງຮ້ານວາງສະແດງແບບມາດຖານ 2 ຮ້ານໂດຍບໍ່ເກັບຄ່າໃຫ້ແກ່ທຸກປະເທດອາຊຽນແລະກອງເລຂາອາຊຽນ, ແລະຈັດວາງບ່ອນວາງສະແດງຂອງເຂົາເຈົ້າໃຫ້ຢູ່ຮ່ວມກັນ, ໃຫ້ຄວາມສະໜັບສະໜູນແລະຊ່ອຍເຫຼືອແກ່ກິດຈະກຳໂຄສະນາພິເສດຂອງປະເທດອາຊຽນທີ່ຈັດຂຶ້ນໃນໄລຍະງານວາງສະແດງຢ່າງຕັ້ງໜ້າ.
ເດືອນກຸມພາປີນີ້, ຄະນະກຳມະການພັດທະນາແລະປະຕິຮູບແຫ່ງລັດຈີນ, ສູນຈີນ-ອາຊຽນແລະອົງການທ່ອງທ່ຽວແຫ່ງຊາດຈີນໄດ້ຮ່ວມກັນຈັດເວທີປຶກສາຫາລືການທ່ອງທ່ຽວສີຂຽວຈີນ-ອາຊຽນຄັ້ງທຳອິດຢູ່ປັກກິ່ງ. ແລະເດືອນເມສາ, ພາຍໃຕ້ການຊ່ອຍເຫຼືອຂອງອົງການທ່ອງທ່ຽວແຫ່ງຊາດຈີນ, ສູນຈີນ-ອາຊຽນໄດ້ພາໜ່ວຍງານຂອງສະຖານີໂທລະພາບສູນກາງຈີນໄປຖ່າຍຊັບພະຍາກອນທ່ອງທ່ຽວຢູ່ກຳປູເຈຍ, ແລະອອກອາກາດຢູ່ສະຖານີໂທລະພາບສູນກາງຈີນ.
ເຈັດ, ດ້ານສາທາລະນະສຸກ, ດ່ານພາສີແລະການກວດກາຄຸນນະພາບ
ສາທາລະນະສຸກ
ວັນທີ 29 ມີນາ 2012, ກອງປະຊຸມເຈົ້າໜ້າທີ່ອາວຸໂສການພັດທະນາສາທາລະນະສຸກຈີນ-ອາຊຽນຄັ້ງທີ 2 ໄດ້ຈັດຂຶ້ນຢູ່ເຊບຸຂອງຟີລິບປີນ. ວັນທີ 6 ກໍລະກົດ, ກອງປະຊຸມລັດຖະມົນຕີສາທາລະນະສຸກຈີນ-ອາຊຽນຄັ້ງທີ 4 ຈັດຂຶ້ນຢູ່ເກາະພູເກັດຂອງໄທ. ທີ່ປະຊຸມໄດ້ຕົກລົງຂົງເຂດບູລິມະສິດໃນການຮ່ວມມືທາງດ້ານສາທາລະນະສຸກລະຫວ່າງສອງຝ່າຍ, ໄດ້ແລກປ່ຽນບົດຮຽນກ່ຽວກັບການຄຸ້ມຄອງຢາສູບຂອງປະເທດຕ່າງໆ, ແລະໄດ້ເຊັນ"ບົດບັນທຶກຄວາມເຂົ້າໃຈກ່ຽວກັບການຮ່ວມມືທາງດ້ານສາທາລະນະສຸກລະຫວ່າງລັດຖະບານສ.ປ.ຈີນກັບລັດຖະບານປະເທດສະມາຊິກສະມາຄົມບັນດາປະເທດອາຊີຕາເວັນອອກສຽງໃຕ້"
ເດືອນເມສາ, ກອງປະຊຸມສຳມະນາແພດພື້ນເມືອງຈີນ-ອາຊຽນທີ່ມີຫົວຂໍ້ວ່າ"ຈັດເອົາແພດ ພື້ນເມືອງເຂົ້າໃນລະບົບສາທາລະນະສຸກແຫ່ງລັດ"ໄດ້ຈັດຂຶ້ນຢູ່ປັກກິ່ງ.
ເດືອນສິງຫາ, ຈີນໄດ້ເຊື້ອເຊີນປະເທດອາຊຽນເຂົ້າຮ່ວມເວທີປຶກສາຫາລືສາທາລະນະສຸກຈີນທີ່ຈັດຂຶ້ນຢູ່ປັກກິ່ງ, ເພື່ອແລກປ່ຽນບົດຮຽນກ່ຽວກັບການປະຕິຮູບສາທາລະນະສຸກ.
ໃນປີ 2012, ສອງຝ່າຍຈີນອາຊຽນໄດ້ປະຕິບັດໂຄງການກ່ຽວກັບພະຍາດເອດຢູ່ເຂດຊາຍແດນລະຫວ່າງຈີນກັບມຽນມາ, ຈີນກັບຫວຽດນາມແລະຈີນກັບລາວ, ໂຄງການທົດລອງການຮ່ວມກັນປ້ອງກັນພະຍາດໄຂ້ຍູງ/ໄຂ້ເລືອດອອກລະຫວ່າງອະນຸພາກພື້ນແມ່ນ້ຳຂອງກັບແຂວງຢຸນນານພ້ອມດ້ວຍໂຄງການທົດລອງປ້ອງກັນຄວບຄຸມພະຍາດໄຂ້ເລືອດອອກຢູ່ເຂດຊາຍແດນອະນຸພາກພື້ນແມ່ນ້ຳຂອງ.
ດ່ານພາສີ
ວັນທີ 5 ຫາວັນທີ 9 ມິຖຸນາປີ 2012, ກອງປະຊຸມປຶກສາຫາລືລະດັບຫົວໜ້າດ່ານພາສີຈີນ-ອາຊຽນຄັ້ງທີ 10 ໄດ້ຈັດຂຶ້ນຢູ່ມານິລາຂອງຟີລິບປີນ, ໂດຍໄດ້ແລກປ່ຽນຄວາມເຫັນກ່ຽວກັບການເພີ່ມທະວີການກໍ່ສ້າງຄວາມສາມາດ, ຊຸກຍູ້ຄວາມປອດໄພແລະຄວາມສະດວກຂອງການຕອບສະໜອງສາກົນ, ຂອງວຽກງານອົງການດ່ານພາສີສາກົນແລະອົງການການຄ້າໂລກເປັນຕົ້ນ.
ເດືອນມິຖຸນາ, ກອງປະຊຸມສຳມະນາຂອງນັກທຸລະກິດທີ່ໄດ້ຜ່ານການຮັບຮອງຫຼື AEOຂອງດ່ານພາສີຈີນ-ອາຊຽນໄດ້ຈັດຂຶ້ນຢູ່ນະຄອນກຸ້ຍລິນເຂດກວາງຊີຂອງຈີນ.
ເດືອນກັນຍາ, ຊຸດອົບຮົມການກວດກາຫຼັງຂອງດ່ານພາສີໄດ້ໄຂຈັດຢູ່ນະຄອນຊຽນໄຮຂອງຈີນ, ເຈົ້າໜ້າທີ່ດ່ານພາສີລະດັບກາງແລະລະດັບສູງ 20 ຄົນຂອງ 4 ປະເທດໄດ້ເຂົ້າຮ່ວມ.
