ສປປ ລາວປະຈຳສປ ຈີນ. ນັບແຕ່ວິທະຍຸ CRI FM 93.0 MHz ໄດ້ອອກອາກາດແຕ່ປີ 2006 ເປັນຕົ້ນມາ, ລາຍການວິທະຍຸໄດ້ຮັບຄວາມນິຍົມຊົມຊອບຈາກຜູ້ຟັງ ແລະ ມິດຮັກແຟນລາຍການໃນທົ່ວ ປະເທດຢ່າງກວ້າງຂວາງ, ລາຍການວິທະຍຸໄດ້ແນະນຳ ສປປ ລາວ ໄປສູ່ ສປ ຈີນ ແລະ ສາກົນກໍ່ຄືໄດ້ແນະນຳ ສປ ຈີນ ແລະ ສາກົນມາສູ່ ສປປ ລາວ, ເຮັດໃຫ້ລາວ-ຈີນ ແລະ ສາກົນ ມີຄວາມເຂົ້າອົກເຂົ້າໃຈ ແລະ ໃກ້ຊິດກັນຫຼາຍຂື້ນຕື່ມ |
ການລັດຖະບານ, ປະທານສະມາຄົມມິດຕະພາບລາວ-ຈີນຂັ້ນສູນກາງ ກ່າວອວຍພອນ ໃນໂອກາດທີ່ວິທະຍຸສາກົນແຫ່ງປະເທດຈີນ CRI FM 93.0 MHz ອອກອາກາດຢູ່ ສປປ ລາວ ຄອບຮອບ 7 ປີ. ເປັນທີ່ຮູ້ດີວ່າໃນວັນທີ 19 ພະຈິກ2006 ຜູ້ນຳສູງສຸດຂອງທັງສອງປະເທດຄື:ທ່ານ ຈູມມະລີ ໄຊຍະສອນປະທານ ປະເທດແຫ່ງສປປ ລາວ ແລະທ່ານຫູຈິນທາວ ປະທານປະເທດ ສປ. ຈີນ ໄດ້ຮ່ວມກັນກົດປຸ່ມອອກອາກາດໃຫ້ແກ່ ສະຖານນີວິທະຍຸສາກົມແຫ່ງປະເທດຈີນ CRI ຄື້ນ 93.0 MHz. ມາຮອດປີນີ້, ພໍດີໄດ້ 7 ປີແລ້ວ. |
ເນື່ອງໃນກາລະໂອກາດຄົບຮອບ 7 ປີ ຂອງການອອກອາກາດຄື້ນວິທະຍຸ CRI FM 93.0 MHz ທີ່ ສປປ ລາວ, ໃນນາມສະພາການຄ້າ ແລະ ອຸດສາຫະກຳແຫ່ງຊາດລາວ, ຂ້າພະເຈົ້າຮູ້ສຶກດີໃຈແລະຂໍສະແດງຄວາມຊົມເຊີຍຢ່າງສຸດໃຈຕໍ່ກັບຜົນສຳເລັດໃນໄລຍະ ຜ່ານມາຂອງຄື້ນວິທະຍຸ CRI FM 93.0 MHz ທີ່ໄດ້ໃຫ້ການບໍລິການສັງຄົມລາວ ແລະ ເສີມສ້າງສາຍພົວພັນ ລາວ-ຈີນ ໃຫ້ນັບມື້ນັບແໜ້ນແຟ້ນຂື້ນເລື້ອຍໆ |
ໃນນາມສ່ວນຕົວ ແລະ ໃນນາມຂອງພະນັກງານຫ້ອງການຄະນະກຳມາທິການຮ່ວມມືລາວ-ຈີນ ທັງໝົດ, ຂ້າພະເຈົ້າ ຂໍອວຍພອນໃຫ້ບັນດາສະຫາຍ ໄດ້ຮັບຜົນສຳເລັດຫຼາຍຂື້ນຕື່ມໃນ 7 ປີ ຕໍ່ໜ້າ ແລະ ຍາວກວ່ານັ້ນ, ປະກອບສ່ວນແນະນຳລາວໃຫ້ຈີນ, ແນະນຳຈີນໃຫ້ລາວ ແລະ ແນະນຳລາວ, ຈີນ ໃຫ້ໂລກໄດ້ຫຼາຍ ແລະ ດີຂື້ນຕື່ມ. ຂໍອວຍພອນໃຫ້ພະນັງງານ CRI ພາກພາສາລາວທຸກຄົນ ລວມທັງພວກສະຫາຍ ທີ່ປະຈຳຢູ່ວຽງຈັນ ຈົ່ງມີສຸຂະພາບແຂງແຮງ, ມີຄວາມສຸກຕະຫຼອດໄປ. |
ເນື່ອງໃນໂອກາດທີ່ວິທະຍຸ CRI FM 93.0 MHz ຄົບຮອບ 7 ປີ(2006-2013), ຂ້າພະເຈົ້າຕາງໜ້າໃຫ້ກະຊວງຖະແຫຼງຂ່າວ, ວັດທະນະທຳແລະທ່ອງທ່ຽວ, ຂໍສະແດງຄວາມຊົມເຊີຍຕໍ່ຜົນງານການມີສ່ວນຮ່ວມໃນວົງການສື່ມວນຊົນລາວແລະເປີດເສັ້ນທາງເລືອກໃໝ່ໃຫ້ແກ່ຜູ້ຟັງຄົນລາວທັງຫຼາຍ. |
ຂ້າພະເຈົ້າມີຄວາມຊົມຊື່ນຍິນດີຕໍ່ການຂະຫຍາຍເວລາອອກອາກາດຂອງວິທະຍຸສາກົນຂອງ ສປ.ຈີນໃນຄັ້ງນີ້ ອັນຈະເປັນການປະກອບສ່ວນເພີ່ມເວລາຂອງການສື່ສານອອກອາກາດ ເພື່ອໃຫ້ປະຊາຊົນສອງຊາດລາວ-ຈີນໄດ້ເພີ່ມທະວີຄວາມຮັບຮູ້ ແລະ ເຂົ້າໃຈຕໍ່ສະພາບການພັດທະນາເສດຖະກິດ-ສັງຄົມຂອງແຕ່ລະປະເທດໄດ້ດີຂຶ້ນກວ່າເກົ່າ, ທັງເປັນການເສີມສ້າງສາຍພົວພັນມິດຕະພາບ ແລະ ການຮ່ວມມືຊ່ວຍເຫຼືອເຊິ່ງກັນ ແລະ ກັນລະຫວ່າງລາວ-ຈີນ ໃຫ້ມີຄວາມໃກ້ຊິດ ແລະ ໜັກແໜ້ນຍິ່ງໆຂຶ້ນ |
ໃນໂອກາດ ( CRI ) FM 93.0 MHz ຄົບຮອບ 7 ປີ, ຂ້າພະເຈົ້າ ມີຄວາມພາກພູມໃຈໃນນາມຜູ້ຟັງ ຜູ້ໜື່ງຂໍອວຍພອນໃຫ້ທີມວິທະຍຸ ( CRI ) FM 93.0 MHz ໄດ້ຮັບຜົນສຳເລັດອັນຍິ່ງໃຫຍ່ແລະຂໍໃຫ້ ວິທະຍຸ( CRI ) ຈົ່ງຢືນຢົງຄົງຕົວຢູ່ກັບຄັນລາວຕະຫຼອດໄປ. |
ເປັນທີ່ຮູ້ຈັກກັນດີແລ້ວວ່າ: CRI FM 93.0 MHz ຊື່ງແມ່ນເຄືອຄ່າຍສົ່ງສັນຍານຕໍ່ ແຫ່ງທຳອິດຂອງ CRI ແຫ່ງປະເທດຈີນໃນຂົງເຂດອາຊຽນ ໄດ້ສ້າງຕັ້ງຂື້ນແລະເປີດການນຳໃຊ້ໃນ ສປປ ລາວ ໃນວັນທີ 19 ພະຈິກ 2006, ໂດຍໃຫ້ກຽດເຂົ້າຮ່ວມ ກົດປຸ່ມການນຳໃຊ້ຂອງທ່ານ ຈູມມາລີ ໄຊຍະສອນ ປະທານປະເທດລາວເຮົາ ແລະ ທ່ານ ຫູຈິນທ່າວ ປະທາດປະເທດຈີນ. |
ຂ້າພະເຈົ້າໃນນາມສ່ວນຕົວແລະໃນນາມໂທລະພາບແຫ່ງຊາດລາວ, ຂໍອວຍໄຊໃຫ້ພອນແດ່ຄະນະບັນນາ ທິການ. ຜູ້ຈັດທຳລາຍການທຸກໆທ່ານຂອງ CRI FM93MHz ຈົ່ງມີແຕ່ຄວາມສຸກຄວາມຈະເລີນແລະນໍາ ເອົາຂໍ້ມູນຂ່າວສານຕ່າງໆມອບໃຫ້ກັບປະຊາຊົນລາວເຊິ່ງເປັນແຟນລາຍການຂອງCRI FM 93.0 MHz ນັບມື້ນັບດີຂື້ນຢ່າງບໍ່ຢຸດຢັ້ງ. |
