---- ຍຶດໝັ້ນການບໍ່ລືມຈຸດປະສົງແຕ່ຫົວທີ,ສືບຕໍ່ກ້າວໄປທາງໜ້າ ຕ້ອງຮັກສາລັກ ສະນະຄວາມກ້າວໜ້າແລະຄວາມບໍລິສຸດຜຸດຜ່ອງຂອງພັກ, ສຸມໃສ່ການຍົກສູງຄວາມສາມາດໃນການປົກຄອງປະເທດແລະລະດັບການນຳພາ, ສຸມໃສ່ການເພີ່ມຄວາມສາມາດໃນການຕ້ານຄວາມສ່ຽງທັງປະຕິເສດແລະປ້ອງກັນການສໍ້ລາດບັງຫຼວງ, ຊຸກຍູ້ການກໍ່ ສ້າງໂຄງການໃໝ່ອັນຍິ່ງໃຫຍ່ຂອງພັກໃຫ້ຂະຫຍາຍຕົວກ້າວໄປທາງໜ້າຢ່າງບໍ່ຢຸດຢັ້ງ.
ຖ້າຢາກເຮັດເລື່ອງຂອງຈີນໃຫ້ປະສົບຜົນສຳເລັດ, ຂໍກະແຈແມ່ນຢູ່ນຳພັກ. ເອກະລັກທີ່ເປັນທາດແທ້ທີ່ສຸດຂອງສັງຄົມນິຍົມທີ່ມີສີສັນພິເສດຂອງຈີນແມ່ນການນຳພາຂອງພັກກອມມູນິດຈີນ, ທ່າແຮງທີ່ໃຫຍ່ທີ່ສຸດຂອງລະບອບສັງຄົມນິຍົມທີ່ມີສີສັນພິເສດຂອງຈີນແມ່ນການນຳພາຂອງພັກກອມມູນິດຈີນ.ການຍຶດໝັ້ນແລະປັບປຸງການນຳພາຂອງພັກໃຫ້ສົມບູນນັ້ນເປັນພື້ນຖານ, ເປັນຊີວິດຈິດໃຈແລະເສັ້ນເລືອດຂອງພັກແລະຊາດ,ເປັນບ່ອນອີງຂອງຜົນປະໂຫຍດແລະຄວາມຜາສຸກຂອງປະຊາຊົນບັນດາເຜົ່າທົ່ວປະເທດ.
ພັກກອມມູນິດຈີນໃນຖານະເປັນພັກທີ່ມີສະມາຊິກພັກ 88 ລ້ານກວ່າຄົນແລະອົງ ການຈັດຕັ້ງພັກຂັ້ນຮາກຖານ 4 ລ້ານ 4 ແສນກວ່າອົງການເປັນພັກກຳອຳນາດຂອງປະເທດໃຫຍ່ທີ່ມີປະຊາກອນ 1 ຕື້ 300 ລ້ານກວ່າຄົນເປັນເວລາຍາວນານ, ການກໍ່ສ້າງພັກມີຄວາມສຳຄັນຫຼາຍແລະມີຜົນສະທ້ອນຕໍ່ສະຖານະການໃຫຍ່. ພາລະກິດຂອງພັກແລະປະຊາຊົນໄດ້ພັດທະນາເຖິງຂັ້ນໃດ, ການກໍ່ສ້າງພັກກໍຄວນໃຫ້ເຖິງຂັ້ນນັ້ນ ນີ້ແມ່ນກົດເກນພື້ນຖານທີ່ຕ້ອງກຳແໜ້ນໃນການເພີ່ມທະວີການກໍ່ສ້າງຂອງພັກ.
ລັກສະນະຄວາມກ້າວໜ້າແລະຄວາມບໍລິສຸດເປັນລັກສະນະທາດແທ້ຂອງພັກການເມືອງລັດທິມາກ, ພວກເຮົາເພີ່ມທະວີການກໍ່ສ້າງຂອງພັກກໍຕ້ອງສູ້ຊົນກັບທຸກໆບັນຫາທີ່ບັ່ນທອນຄວາມກ້າວໜ້າແລະຄວາມບໍລິສຸດເພື່ອຕ້ານການທຸດຈະລິດ ແລະສົ່ງເສີມຄວາມບໍລິສຸດຜຸດຜ່ອງ. ທົ່ວພັກຕ້ອງສຸມໃສ່ແກ້ໄຂບັນຫາພົ້ນເດັ່ນຂອງຕົນດ້ວຍຄວາມກ້າຫານທາງການເມືອງທີ່ປະຕິວັດຕໍ່ຕົນເອງ, ເສີມສ້າງຄວາມສາມາດໃນການທຳຄວາມປອດໃສດ້ວຍຕົນເອງ, ການປັບປຸງດ້ວຍຕົນເອງ, ການປະຕິຮູບໃໝ່ດ້ວຍຕົນເອງແລະການຍົກລະດັບໃຫ້ຕົນເອງ, ຜະເຊີນກັບ "ການທົດສອບ 4 ຂໍ້" ແລະຜ່ານຜ່າ "ຄວາມອັນຕະລາຍ 4 ຢ່າງ" ເພື່ອຮັບປະກັນໃຫ້ພັກກອມມູນິດຈີນເປັນແກນກາງນຳພາໃນພາລະ ກິດສັງຄົມນິຍົມສີສັນພິເສດຂອງຈີນທີ່ເຂັ້ມແຂງຢ່າງສະເໝີຕົ້ນສະເໝີປາຍ.
ການປົກຄອງປະເທດຕ້ອງປົກຄອງພັກກ່ອນ. ການປົກຄອງພັກຕ້ອງມີຄວາມເຂັ້ມງວດ. ຖ້າວ່າບໍ່ໄດ້ຄຸ້ມຄອງພັກຢ່າງແຂງແຮງ, ບໍ່ໄດ້ປົກຄອງພັກຢ່າງເຂັ້ມງວດເຮັດໃຫ້ບັນຫາພົ້ນເດັ່ນພາຍໃນພັກທີ່ປະຊາຊົນສ່ອງແສງນັ້ນບໍ່ສາມາດແກ້ໄຂໄດ້, ພວກເຮົາກໍຈະເສຍສິດກຳອຳກາດບໍ່ໄວກໍຊ້າຈົນຖືກຂ້າຊື່ອອກຈາກປະຫວັດສາດ. ການຄຸ້ມຄອງແລະປົກຄອງພັກຕ້ອງເນັ້ນໃສ່ "ຄວາມເຂັ້ມງວດ", ຕ້ອງເຂັ້ມງວດຕະຫຼອດໄປ, ຕ້ອງເຮັດເຖິງຂັ້ນປົກຄອງພັກຢ່າງເຂັ້ມງວດແທ້ຈິງ, ກ້າປົກຄອງຢ່າງເຂັ້ມງວດແລະປົກຄອງພັກຢ່າງເຂັ້ມງວດເປັນເວລາຍາວນານ.
ການເຮັດໃຫ້ຊີວິການເມືອງພາຍໃນພັກມີຄວາມເຂັ້ມງວດເປັນພື້ນຖານຂອງການປົກຄອງພັກຢ່າງເຂັ້ມງວດ. ພັກປົກຄອງພັກ, ກ່ອນອື່ນຕ້ອງຄຸ້ມຄອງຊີວິດການເມືອງ ພາຍໃນພັກ; ການປົກຄອງພັກຢ່າງເຂັ້ມງວດກ່ອນອື່ນຕ້ອງເຮັດໃຫ້ຊີວິດການເມືອງມີຄວາມເຂັ້ມງວດຂຶ້ນ. ພວກເຮົາຕ້ອງເພີ່ມທະວີຊີວິດການເມືອງພາຍໃນພັກໃຫ້ມີຄວາມເຂັ້ມແຂງແລະເປັນລະບຽບຮຽບຮ້ອຍ, ເຮັດໃຫ້ລະບຽບວິໄນແລະຂໍ້ກຳນົດທາງການເມືອງຂອງພັກມີຄວາມເຂັ້ມແຂງທັງເສີມສ້າງລັກສະນະການເມືອງ, ລັກສະນະຍຸກປັດຈຸບັນ, ລັກສະນະຫຼັກການແລະລັກສະນະສູ້ຮົບຂອງຊີວິດການເມືອງພາຍໃນພັກໃຫ້ເຂັ້ມແຂງ ຂຶ້ນ, ເພື່ອສ້າງສະພາບແວດລ້ອມທາງການເມືອງພາຍໃນພັກໃຫ້ມີຄວາມປ່ອດໃສຢ່າງ ຮອບດ້ານ. ສະຫາຍໃນທົ່ວພັກຕ້ອງເພີ່ມສະຕິການເມືອງ, ສະຕິຕໍ່ສະຖານະການລວມ, ສະຕິທີ່ເປັນແກນກາງ, ສະຕິເຂົ້າໃກ້ຊິດກັບສູນກາງພັກ, ຈົງຮັກພັກດີຕໍ່ພັກ, ຫຼຸດຄວາມເປັນຫ່ວງຂອງພັກ, ແບກຫາບໜ້າທີ່ໃຫ້ແກ້ພັກແລະມີຄວາມຮັບຜິດຊອບຕໍ່ພັກຢ່າງແທ້ຈິງ.
ແບບແຜນວິທີເຮັດວຽກຂອງພັກເປັນພາບພົດຂອງພັກ, ກໍເປັນເຄື່ອງວັດແທກ ສາຍພົວພັນລະຫວ່າງສະມາຊິກພັກແລະປະຊາຊົນກໍຄືເຄື່ອງວັດແທກຄວາມເຫັນທີ່ວ່າ ປະຊາຊົນສະໜັບສະໜູນຫຼືບໍ່. ຖ້າວ່າພັກມີແບບແຜນວິທີເຮັດວຽກທີ່ດີແລະຖືກໃຈປະ ຊາຊົນ, ພັກແລະປະຊາຊົນກໍສາມາດຮ່ວມສຸກຮ່ວມທຸກໄດ້. ພຶດຕິກຳໄດ້ຢັ້ງຢືນວ່າ, ຂໍພຽງແຕ່ປົກຄອງຢ່າງເຂັ້ມງວດຢ່າງແທ້ໆຈິງ, ກ້າປົກຄອງພັກຢ່າງເຂັ້ມງວດ, ການກໍ່ສ້າງແບບແຜນວິທີເຮັດວຽກຂອງພັກກໍຈະບໍ່ມີບັນຫາໃດທີ່ແກ້ໄຂບໍ່ໄດ້. ການກໍ່ສ້າງແບບແຜນທີ່ດີ ແມ່ນຕ້ອງດຳເນີນໄປຕະຫຼອດ "ຕົນເອງບໍ່ດີ, ກໍບໍ່ສາມາດໃຫ້ຄົນອື່ນເຮັດດີ" ພວກເຮົາຕ້ອງປະຕິບັດເລີ່ມແຕ່ຂັ້ນຄະນະປະຈຳກົມການເມືອງສູນກາງພັກ, ກົມການເມືອງສູນກາງພັກແລະຄະນະກຳມະການສູນກາງພັກ, ປະຕິບັດຈາກເຈົ້າໜ້າທີ່ອາວຸໂສ, ເພີ່ມທະວີການກໍ່ສ້າງແບບແຜນວິທີເຮັດວຽກຢ່າງຕໍ່ເນື່ອງ, ຍຶດໝັ້ນແລະເສີມຂະຫຍາຍມູນເຊື້ອແລະແບບແຜນວິທີເຮັດວຽກທີ່ດີຂອງພັກ, ຍຶດໝັ້ນປັບປຸງເປັນປະຈຳ, ປັບປຸງຢ່າງລະອຽດແລະປັບປຸງເປັນເວລາຍາວນານ ເພື່ອເຮັດໃຫ້ແບບແຜນວິທີເຮັດວຽກຂອງພັກດີຂຶ້ນຢ່າງຮອບດ້ານ, ຮັບປະກັນໃຫ້ພັກແລະປະຊາຊົນຮ່ວມຫາຍໃຈ, ຮ່ວມຊາຕາກຳແລະຮ່ວມໃຈກັນຕະຫຼອດໄປ.
ພັກກອມມູນິດຈີນໃນຖານະເປັນພັກກຳອຳນາດ, ໄດ້ຜະເຊີນກັບໄພຂົ່ມຂູ່ໃຫຍ່ທີ່ສຸດກໍຄືບັນຫາສໍ້ລາດບັງຫຼວງ. ນັບແຕ່ກອງປະຊຸມໃຫຍ່ຄັ້ງທີ 18 ຂອງພັກກອມມູນິດຈີນເປັນຕົ້ນມາ, ພວກເຮົາໄດ້ຍຶດໝັ້ນຕໍ່ຕ້ານທັງເສືອແລະແມງວັນຈົນເກີດຄວາມສັ່ນສະເທືອນເຮັດໃຫ້ສະພາບບໍ່ກ້າສໍ້ລາດບັງຫຼວງເກີດຂຶ້ນ, ບໍ່ສາມາດສໍ້ລາດບັງຫຼວງແລະບໍ່ມີເຈຕະ ນາສໍ້ລາດບັງຫຼວງໂດຍການສູ້ຮົບຕ້ານການສໍ້ລາດບັງຫຼວງພວມມີທ່າໄດ້ປຽບແລະເປັນຮູບເປັນຮ່າງຂຶ້ນ. ການຕໍ່ຕ້ານການສໍ້ລາດບັງຫຼວງແລະສ້າງຄວາມບໍລິສຸດຜຸດຜ່ອງ, ການປະຕິເສດການສໍ້ລາດບັງຫຼວງແລະສະກັດກັ້ນການເສື່ອມທາດຕ້ອງມີສະຕິລະມັດລະວັງໃນເວລາຍາວນານ. ການນຳທຸກຂັ້ນຕ້ອງສ້າງທັດສະນະຕໍ່ສິດອຳນາດທີ່ຖືກຕ້ອງຢ່າງໜັກແໜ້ນ, ຮັກສາສິ່ງສະແຫວງຫາທາງຈິດໃຈອັນສູງສົ່ງ, ເຄົາລົບປະຊາຊົນ, ເຄົາລົບ ອົງການຈັດຕັ້ງພັກແລະເຄົາລົບລະບຽບວິໄນ, ເພື່ອໃຊ້ອຳນາດຢ່າງຍຸຕິທຳ, ໃຊ້ອຳນາດຕາມກົດໝາຍ, ໃຊ້ອຳນາດເພື່ອປະຊາຊົນແລະໃຊ້ອຳນາດຢ່າງມີຂອບເຂດ, ຮັກສາທາດແທ້ທາງການເມືອງຂອງສະມາຊິກພັກກອມມູນິດທີ່ປະຕິເສດການເສື່ອມທາດແລະບໍ່ພົວ ພັນກັບສໍ້ລາດບັງຫຼວງຢ່າງເດັດຂາດ. ແນວໃດກໍດີ, ພວກເຮົາຕ້ອງຍຶດ ໝັ້ນມານະຈິດ ອັນເດັດດ່ຽວໜຽວແໜ້ນ, ຍຶດໝັ້ນທ່າທີທີ່ບໍ່ອົດກັ້ນຕໍ່ບັນຫາສໍ້ລາດບັງຫຼວງແຕ່ຢ່າງໃດ, ເຮັດເຖິງຂັ້ນທີ່ເກີດຄະດີກໍຕ້ອງໄດ້ສືບສວນ, ມີບັນຫານສໍ້ລາດບັງຫຼວງກໍຕ້ອງໄດ້ລົງໂທດຢ່າງເຂັ້ມງວດ ເພື່ອບໍ່ໃຫ້ຜູ້ຕິດບັນຫາດັ່ງກ່າວມີບ່ອນລີ້ຊ້ອນໃນພັກແຕ່ຢ່າງໃດ.
ການຕໍ່ສູ້ອັນຍິ່ງໃຫຍ່, ພາລະກິດອັນສູງສົ່ງຕ້ອງການມີພະນັກງານທີ່ຄຸນທາດສູງ. ພວກເຮົາຕ້ອງຍຶດໝັ້ນໃຫ້ພະນັກງານມີທັງຄຸນສົມບັດແລະຄວາມສາມາດໂດຍຖືຄຸນສົມ ບັດເປັນປັດໄຈທຳອິດ; ຍຶດໝັ້ນການຄັດເລືອກພະນັກງານໂດຍອີງໃສ່ຄຸນສົມບັດ, ຍຶດ ໝັ້ນພາລະກິດເປັນສິ່ງສຳຄັນແລະມີຄວາມຍຸຕິທຳເປັນທ່ຽງທຳ, ສະກັດກັ້ນແລະປັບປຸງການຄັດເລືອກພະນັກງານທີ່ບໍ່ຖືກຕ້ອງ, ຄົ້ນຫາ, ອົບຮົມແລະນຳໃຊ້ພະນັກງານທີ່ດີທີ່ພັກແລະປະຊາຊົນຕ້ອງການ.
ປັບປຸງຕົນເອງດ້ວຍຄຸນສົມບັດ, ສ້າງອິດທິພົນດ້ວຍຄຸນສົມບັດແລະສ້າງຄວາມໄວ້ເນື້ອເຊື່ອໃຈໃຫ້ແກ່ປະຊາຊົນດ້ວຍຄຸນສົມບັດເປັນປັດໄຈສຳຄັນໃນການເຕີບໂຕຂອງພະນັກງານ. ພະນັກງານສະມາຊິກພັກທຸກຄົນຕ້ອງປະຕິບັດຕາມ "ສາມເຂັ້ມງວດສາມຮອບດ້ານ" ໃຫ້ມີທັດສະນະຕໍ່ໂລກ, ຕໍ່ຊີວິດແລະຕໍ່ຄ່ານິຍົມທີ່ຖືກຕ້ອງ, ເພື່ອໃຫ້ມີພັກ, ມີປະຊາຊົນ, ມີໜ້າທີ່ຮັບຜິດຊອບແລະມີລະບຽບວິໄນຢູ່ໃນໃຈ, ເອົາການອຸທິດຕົນເອງເພື່ອພາລະກິດຂອງພັກແລະປະຊາຊົນເປັນຍອດປະຖະໜາ. ພະນັກງານທຸກຂັ້ນຕ້ອງຮຽນເອົາຄວາມຮູ້ໃໝ່ແລະເພີ່ມທະວີພຶດຕິກຳເພື່ອໃຫ້ລະດັບວິຊາການແລະຄວາມສາມາດໃນການເຮັດວຽກງານໄປທັນກັບຈັງຫວະຂອງຍຸກສະໄໝ, ຫຼີກເວັ້ນບໍ່ໃຫ້ເກີດ ກໍລະນີບໍ່ຮູ້ບໍ່ເຂົ້າໃຈຍ້ອນຄວາມຮູ້ໜ້ອຍ, ວູ້ນວາຍຍ້ອນຂາດຄວາມຮູ້, ພະຍາຍາມກາຍເປັນຜູ້ຊຳນານໃນວຽກງານ.