---- ຍຶດມັ້ນການບໍ່ລືມຈຸດປະສົງແຕ່ຫົວທີ, ສືບຕໍ່ກ້າວໄປທາງໜ້າ ກໍຄວນປະສານງານກັນຊຸກຍູ້ການຈັດສັນເຊື່ອມຕໍ່ "ການສ້າງເສດຖະກິດ, ການສ້າງການເມືອງ, ການສ້າງວັດທະນະທຳ, ການສ້າງສັງຄົມແລະການສ້າງສິ່ງແວດລ້ອມທາງທຳມະຊາດໃຫ້ເປັນເອກະພາບກັນ, ຊຸກຍູ້ການກຳນົດຍຸດທະສາດ "4 ຮອບດ້ານ", ພະຍາຍາມຊຸກຍູ້ຂະບວນການສ້າງສາສັງຄົມທີ່ອີ່ມໜໍາສໍາລານຢ່າງຮອບດ້ານ, ແລະຊຸກຍູ້ໃຫ້ເປົ້າໝາຍບຸກ ບືນສູ້ຊົນ "ຮ້ອຍປີ ສອງເຫດການ" ປະກົດຜົນເປັນຈິງ.
ໃນໄລຍະປັດຈຸບັນ, ໜ້າທີ່ຕົ້ນຕໍຂອງການສ້າງສາສັງຄົມນິຍົມທີ່ມີສີສັນພິເສດຂອງຈີນກໍແມ່ນບັນລຸເປົ້າໝາຍບຸກບືນສູ້ນຊົນຮ້ອຍປີອັນທີໜຶ່ງກໍຄືສ້າງເປັນສັງຄົມທີ່ອີ່ມໜໍາສໍາລານຮອບດ້ານເມື່ອຮອດປີ 2020 ທີ່ເປັນປີສ້າງຕັ້ງພັກກອມມູນິດຈີນຄົບຮອບ 100 ປີ, ເພື່ອສ້າງພື້ນຖານທີ່ໜັກແໜ້ນໃຫ້ແກ່ການບັນລຸເປົ້າໝາຍບຸກບືນສູ້ຊົນຮ້ອຍປີອັນທີສອງກໍຄືສ້າງເປັນປະເທດສັງຄົມນິຍົມທີ່ທັນສະໄໝທີ່ຮັ່ງມີ, ປະຊາທິປະໄຕ, ສີວິໄລແລະກົມກຽວກັນ ເມື່ອຮອດກາງສະຕະວັດນີ້ເຊິ່ງເປັນວັນສະຖາປະນາສາທາລະນະລັດປະຊາຊົນຈີນຄົບຮອບຮ້ອຍປີ.
ການສ້າງເປັນສັງຄົມທີ່ອີ່ມໜໍາສໍາລານຮອບດ້ານ ແມ່ນຄໍາໝັ້ນສັນຍາທີ່ງາມສະ ຫງ່າທີ່ພັກວາງອອກໃຫ້ແກ່ປະຊາຊົນແລະປະຫວັດສາດ, ແມ່ນຄວາມມຸ່ງມາດປາຖະໜາຮ່ວມກັນຂອງປະຊາຊົນຈີນຈຳນວນ 1 ຕື້ 300 ລ້ານກວ່າຄົນ. ເພື່ອບັນລຸເປົ້າໝາຍນີ້, ນັບແຕ່ກອງປະຊຸມໃຫຍ່ຄັ້ງທີ 18 ຂອງພັກກອມມູນິດຈີນເປັນຕົ້ນມາ, ພັກກອມມູນິດຈີນໄດ້ສ້າງແລະຕັ້ງໜ້າຊຸກຍູ້ໂຄງປະກອບປະສົມ 5 ພາກສ່ວນເປັນເອກະພາບກັນ ຄື ການສ້າງເສດຖະ ກິດ, ການສ້າງການເມືອງ, ການສ້າງສັງຄົມ ແລະ ການສ້າງສິ່ງແວດລ້ອມທາງທຳມະຊາດ ແລະໄດ້ສ້າງແລະຕັ້ງໜ້າຊຸກຍູ້ການພັດທະນາຍຸດທະສາດ "4 ຮອບດ້ານ" ຄື ການສ້າງເປັນສັງຄົມທີ່ອີ່ມໜໍາສໍາລານຮອບ ດ້ານ, ລົງເລິກດໍາເນີນການປະຕິຮູບຮອບ ດ້ານ, ປົກຄອງປະເທດຕາມກົດໝາຍຢ່າງຮອບດ້ານ ແລະປົກຄອງພັກຢ່າງເຂັ້ມງວດຢ່າງຮອບດ້ານ. "5 ພາກສ່ວນ"ແລະ "4 ຮອບດ້ານ"ດັ່ງກ່າວຕ່າງຊ່ວຍຍູ້ໜູນເຊິ່ງກັນແລະກັນ ທັງປະສານສົມທົບແລະພົວພັນເຊິ່ງກັນແລະກັນ, ຕ້ອງຈັດຕັ້ງປະຕິບັດເປັນຢ່າງດີ, ຕ້ອງຢູ່ບົນພື້ນຖານທີ່ຊຸກຍູ້ການພັດທະນາເສດຖະກິດ, ສ້າງເສດຖະກິດຕະຫຼາດສັງຄົມນິຍົມ, ການເມືອງປະຊາທິປະໄຕ, ວັດທະນະທຳທີ່ກ້າວໜ້າ, ຄວາມສີວິໄລດ້ານສິ່ງແວດລ້ອມທຳມະຊາດແລະສັງຄົມທີ່ກົມກຽວກັນ, ຮ່ວມກັນຊຸກຍູ້ໃຫ້ປະຊາຊົນຮັ່ງມີ, ປະເທດຊາດເຂັ້ມແຂງ ແລະຈີນມີຄວາມສວຍງາມ.
ການພັດທະນາແມ່ນໜ້າທີ່ສຳຄັນອັນດັບ 1 ຂອງພັກໃນການກຳອຳນາດແລະສ້າງຊາດໃຫ້ຈະເລີນ, ແມ່ນຂໍ້ກະແຈທີ່ແກ້ໄຂບັນຫາທັງໝົດຂອງຈີນ. ສະພາບແຫ່ງຊາດພື້ນ ຖານທີ່ປະເທດເຮົາຍັງຢູ່ໃນແລະຍັງຈະສືບຕໍ່ຢູ່ໃນໄລຍະຕົ້ນຂອງສັງຄົມນິຍົມເປັນໄລຍະຍາວນັ້ນບໍ່ມີການປ່ຽນແປງ, ຄວາມຂັດແຍ້ງກັນລະຫວ່າງຄວາມຕ້ອງການດ້ານວັດຖຸແລະວັດທະນະທຳຂອງປະຊາຊົນທີ່ນັບມື້ນັບເພີ່ມຂຶ້ນກັບການຜະລິດຂອງສັງຄົມທີ່ຫຼ້າຫຼັງ ເຊິ່ງເປັນຄວາມຂັດແຍ້ງຕົ້ນຕໍຂອງສັງຄົມບໍ່ມີການປ່ຽນແປງ, ຖານະໃນສາກົນກໍຄືປະເທດເຮົາແມ່ນປະເທດທີ່ພວມພັດທະນາໃຫຍ່ທີ່ສຸດໃນໂລກບໍ່ມີການປ່ຽນແປງ. ທັງໝົດເຫຼົ່ານີ້ນີ້ແມ່ນຫຼັກອ້າງອີ່ງທີ່ເປັນພື້ນຖານຂອງການວາງແຜນການພັດທະນາຂອງພວກເຮົາ.
ໂດຍຜະເຊີນກັບການພັດທະນາເສດຖະກິດຈີນກ້າວໄປສູ່ສະພາບການໃໝ່, ການພັດທະນາເສດຖະກິດໂລກກ້າວເຂົ້າສູ່ໄລຍະທັນປ່ຽນຮູບແບບ, ການພັດທະນາເຕັກໂນໂລຊີໂລກຄົ້ນຫາການປ່ຽນແປງໃໝ່, ພວກເຮົາຕ້ອງຍຶດໝັ້ນຖືເອົາການສ້າງສາເສດຖະ ກິດເປັນໃຈກາງ, ຍຶດໝັ້ນໃຫ້ທິດສະດີການພັດທະນາອັນໃໝ່ນຳພາການພັດທະນາເສດຖະກິດ, ເລັ່ງລັດຫັນປ່ຽນຮູບການພັດທະນາເສດຖະກິດ, ປັບປຸງໂຄງປະກອບການພັດທະ ນາເສດຖະກິດໃຫ້ດີຂຶ້ນ, ຍົກສູງຄຸນນະພາບແລະປະສິດທິພາບຂອງການພັດທະນາ, ອອກແຮງຊຸກຍູ້ການປະຕິຮູບໃນດ້ານຝ່າຍສະໜອງການຜະລິດ, ຊຸກຍູ້ໃຫ້ເສດຖະກິດພັດທະນາຢ່າງມີປະສິດທິຜົນ, ມີຄຸນນະພາບ, ສະເໝີພາບແລະຍືນຍົງຫຼາຍກວ່າ, ເລັ່ງລັດສ້າງກົນໄກແລະສະພາບແວດລ້ອມທີ່ເນັ້ນການປະດິດສ້າງໃໝ່, ເອົາໃຈໃສ່ການປະສານງານ, ສົ່ງເສີມການອະນຸລັກສິ່ງແວດລ້ອມ, ເນັ້ນໃສ່ການເປີດປະຕູສູ່ພາຍນອກແລະຊຸກຍູ້ການແບ່ງປັນຮ່ວມກັນ, ເພື່ອສ້າງໃຫ້ກຳລັງເສດຖະກິດແລະກຳລັງສິ່ງລວມແຫ່ງຊາດ ຂອງປະເທດຈີນເຕີບໃຫຍ່ຂຶ້ນຢ່າງບໍ່ຢຸດຢັ້ງ.
