ບັນດາສະຫາຍ ແລະເພື່ອນມິດ!
ຕະຫຼອດໄລຍະ 95 ປີມານີ້, ຜົນງານທຸກຢ່າງທີ່ພວກເຮົາຍາດມາໄດ້ນັ້ນແມ່ນຍ້ອນມີການບຸກບືນສູ້ຊົນຢ່າງຕໍ່ເນື່ອງຂອງພັກກອມມູນິດຈີນ ແລະປະຊາຊົນຈີນທຸກເຊັ່ນຄົນ. ຄະນະນຳສູນກາງພັກທີ່ມີສະຫາຍເໝົາເຈີຕົງ, ສະຫາຍເຕິ້ງສຽງຜິງ ແລະສະຫາຍຈ່ຽງເຈີມິນເປັນໃຈກາງ, ສູນກາງພັກກອມມູນິດຈີນທີ່ມີສະຫາຍຫູຈິນທາວເປັນເລາຂາທິການໃຫຍ່ນັ້ນໄດ້ສາມັກຄີ ແລະນຳພາທົ່ວພັກ ແລະປະຊາຊົນບັນດາເຜົ່າໃນທົ່ວປະເທດຍາດເອົາຊະນະຄວາມຫຍຸ້ງຍາກ ແລະສິ່ງທ້າທາຍຕ່າງໆນາໆ ເຮັດໃຫ້ປະຊາຊາດຈີນໄດ້ຊື່ນຊົມກັບອະນາຄົດອັນຮຸ່ງເຮືອງແຫ່ງການຟື້ນຕົວຄືນຄັ້ງຍິ່ງໃຫຍ່.
ໃນໂອກາດອັນສະຫງ່າລາສີ ແລະເຄັ່ງຂຶມນີ້, ພວກເຮົາຂໍສະແດງຄວາມຮູ້ບຸນຄຸນ ຢ່າງເລິກເຊິ່ງຕໍ່ສະຫາຍເໝົາເຈີຕົງ, ສະຫາຍໂຈ່ວເອີນຫຼາຍ, ສະຫາຍຫຼິວຊ້າວຊີ, ສະຫາຍຈູເຕີ, ສະຫາຍເຕິ້ງສ້ຽວຜິງ, ສະຫາຍເສີນຢຸນ ແລະນັກປະຕິວັດຮຸ່ນອາວຸໂສທີ່ໄດ້ປະກອບສ່ວນສຳຄັນເຂົ້າໃນການປະຕິວັດ, ການສ້າງສາ ແລະການປະຕິຮູບຂອງຈີນ ກໍຄືການສ້າງຕັ້ງ, ປັບປຸງ ແລະພັດທະນາພັກກອມມູນິດຈີນ ແລະຂໍສະແດງຄວາມຮູ້ບຸນຄຸນ ຢ່າງເລິກເຊິ່ງຕໍ່ວິລະຊົນຜູ້ເສຍຊີວິດເພື່ອສ້າງຕັ້ງ, ປ້ອງກັນແລະສ້າງສາປະເທດຈີນໃຫມ່, ຂໍສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ປະຊາຊົນບັນດາເຜົ່າທີ່ໄດ້ຕໍ່ສູ້ ຢ່າງພິລະອາດຫານເພື່ອຍາດເອົາຄວາມເປັນເອກະລາດແຫ່ງຊາດແລະປົດປ່ອຍປະຊາຊົນຈີນນັບແຕ່ສະໄໝຫຼັງໆເປັນຕົ້ນມາ ເຊິ່ງຄຸນງາມຄວາມດີຂອງພວກທ່ານໄດ້ບັນທຶກໄວ້ໃນປະຫວັດ ສາດ! ນ້ຳໃຈອັນສູງສົ່ງຂອງພວກທ່ານໄດ້ຝັງໄວ້ຢູ່ໃນດວງໃຈຂອງປະຊາຊົນນັບເປັນຮ້ອຍລ້ານຄົນ!
ປະຊາຊົນເປັນຜູ້ສ້າງປະຫວັດສາດຂຶ້ນຈິ່ງ ແມ່ນວິລະຊົນທີ່ແທ້ຈິງ. ໃນໂອກາດນີ້, ຂ້າພະເຈົ້າຂໍຕາງໜ້າສູນກາງພັກກອມມູນິດຈີນ ສະແດງຄວາມເຄົາລົບນັບຖືຢ່າງສູງມາຍັງກຳມະກອນ, ກະສິກອນ ແລະປັນຍາຊົນ, ພັກຝ່າຍປະຊາທິປະໄຕຕ່າງໆ ອົງການຈັດຕັ້ງປະຊາຊົນຕ່າງໆ ແລະຜູ້ຮັກຊາດທຸກຄົນ, ນັກຮົບກອງທັບປົດປ່ອຍປະຊາຊົນຈີນ, ນາຍແລະພົນທະຫານກອງຕຳຫຼວດ ແລະຕຳຫຼວດປ້ອງກັນຄວາມສະຫງົບທັງຫຼາຍ! ຂໍຝາກຄຳຢື້ຢາມຖາມຂ່າວດ້ວຍຄວາມຈິງໃຈມາຍັງພີ່ນ້ອງຮ່ວມຊາດເຂດບໍລິຫານພິເສດຮົງກົງ, ມາກາວ, ພີ່ນ້ອງໄຕ້ຫວັນ ພ້ອມກັບຊາວຈີນຕ່າງດ້າວທີ່ມະຫາສານ! ຂໍສະແດງຄວາມຂອບອົກຂອບໃຈຢ່າງຈິງໃຈມາຍັງປະຊາຊົນ ແລະເພື່ອນມິດບັນດາປະເທດໃນໂລກນີ້ທີ່ມີມິດຕະພາບຕໍ່ປະຊາຊົນຈີນ, ໃຫ້ຄວາມສົນໃຈແລະສະໜັບສະໜູນການປະຕິວັດ, ການສ້າງສາ ແລະການປະຕິຮູບຂອງຈີນ!
ຕະຫຼອດໄລຍະ 95 ປີມານີ້, ສະມາຊິກພັກກອມມູນິດຈີນຜູ້ດີເດັ່ນທຸກເຊັ່ນຄົນໄດ້ອຸທິດໂດຍບໍ່ເຫັນແກ່ຕົວເພື່ອປະເທດຊາດ ແລະປະຊາຊົນ ອັນໄດ້ສະແດງໃຫ້ເຫັນເຖິງນ້ຳໃຈອັນສູງສົ່ງທີ່ເພື່ອປະຊາຊົນ ເຊິ່ງສະມາຊິກພັກຜູ້ດີເດັ່ນ, ພະນັກງານເຮັດວຽກກ່ຽວກັບພັກຜູ້ດີເດັ່ນ ແລະອົງການຈັດຕັ້ງພັກຂັ້ນຮາກຖານທີ່ກ້າວໜ້າທີ່ໄດ້ຮັບການຍ້ອງຍໍສັນລະເສີນໃນຄັ້ງນີ້ ກໍແມ່ນແບບຢ່າງທີ່ພົ້ນເດັ່ນຂອງທຸກຂະແໜງການ. ຂ້າພະເຈົ້າຂໍຕາງໜ້າສູນກາງພັກຂໍສະແດງຄວາມເຄົາລົບນັບຖືຢ່າງສູງມາປຍັງບັນດາສະຫາຍທີ່ໄດ້ຮັບການຍ້ອງຍໍສັນລະເສີນໃນຄັ້ງນີ້!
