----ຍຶດໝັ້ນການບໍ່ລືມຈຸດປະສົງແຕ່ຫົວທີ, ສືບຕໍ່ກ້າວໄປທາງໜ້າຕ້ອງເດັດດ່ຽວຊູທຸງແຫ່ງການດຳເນີນການປະຕິຮູບແລະໄຂປະຕູສູ່ພາຍນອກ, ມີຄວາມກ້າຫານລົງເລິກການປະຕິຮູບຢ່າງຮອບດ້ານ, ປົດປ່ອຍແນວຄວາມຄິດຕື່ມອີກ, ປົດປ່ອຍແລະພັດທະນາກຳລັງການຜະລິດສັງຄົມ, ປົດປ່ອຍແລະເພີ່ມຕື່ມພະລັງຊີວິດຂອງສັງຄົມ, ຊຸກຍູ້ໃຫ້ການປະຕິຮູບແລະໄຂປະຕູສູ່ ພາຍນອກໄດ້ຮັບການພັດທະນາໄປໜ້າຢ່າງຕໍ່ເນື່ອງ.
ການປະຕິຮູບແລະໄຂປະຕູສູ່ພາຍນອກແມ່ນລັກສະນະທີ່ມີສີສັນພິເສດທີ່ສຸດຂອງຈີນໃນປັດຈຸບັນນີ້, ແມ່ນທຸງໃບທີ່ມີໃດເດັ່ນທີ່ສຸດໃນໄລຍະປະຫວັດສາດອັນໃໝ່ຂອງພັກພວກເຮົາ. ການປະຕິຮູບແລະໄຂປະຕູສູ່ພາຍ ນອກແມ່ນການຄັດເລືອກທີ່ສຳຄັນຕໍ່ໂຊກຊະຕາຂອງຈີນໃນປັດຈຸບັນນີ້, ແມ່ນວິທີສຳຄັນທີ່ເຮັດໃຫ້ພາລະກິດຂອງພັກແລະປະຊາ ຊົນພັດທະນາໄປທັນຍຸກສະໄໝນຳ.
ການປະຕິຮູບຕ້ອງຍຶດຖືທິດທາງຢ່າງຖືກຕ້ອງ, ບໍ່ໃຫ້ເດີນຕາມເສັ້ນທາງເກົ່າທີ່ປິດ ປະຕູແລະຕາຍຕົວ, ແລະຂໍໃຫ້ເດີນໄປສູ່ທິດທາງຢ່າງພິດພາດທີ່ປ່ຽນລັດທິຂອງຕົນ. ພວກເຮົາຕ້ອງເອົາການປັບປຸງແລະພັດທະນາລະບອບ ສັງຄົມນິຍົມທີ່ມີສີສັນພິເສດຂອງຈີນ, ແລະຊຸກຍູ້ການສ້າງໃຫ້ລະບົບຄຸ້ມຄອງປະເທດແລະຫັນຄວາມສາມາດການຄຸ້ມຄອງປະເທດໃຫ້ເປັນແບບທັນສະໄໝເປັນເປົ້າໝາຍສັງລວມຂອງການລົງເລິກການປະຕິຮູບຢ່າງຮອບດ້ານ, ມີຄວາມກ້າຫານໃນການຊຸກຍູ້ປະດິດສ້າງໃໝ່ດ້ານທິດສະດີ, ມີການປະ ດິດສ້າງ ໃໝ່ດ້ານພຶດຕິກຳ, ມີການປະດິດສ້າງໃໝ່ດ້ານລະບຽບການແລະການປະດິດສ້າງໃໝ່ໃນດ້ານອື່ນໆ, ເຮັດໃຫ້ລະບຽບການຕ່າງໆສົມບູນແບບກວ່າເກົ່າ, ເຮັດໃຫ້ການພັດທະນາມີຄຸນນະພາບດີຂຶ້ນກວ່າເກົ່າ, ເຮັດໃຫ້ການປົກຄອງມີລະດັບສູງກວ່າເກົ່າ. ເຮັດໃຫ້ປະຊາຊົນມີຄວາມຮູ້ສຶກວ່າໄດ້ຮັບຜົນຫຼາຍກວ່າເກົ່າ.
ພວກເຮົາຕ້ອງຍຶດຖືການປະຕິຮູບດ້ານລະບຽບການເສດຖະກິດເປັນຈຸດໜັກ, ຍຶດໝັ້ນທິດທາງການປະຕິຮູບເສດຖະກິດຕະຫຼາດສັງຄົມນິຍົມ, ລົງເລິກການປະຕິຮູບລະບຽບການເສດຖະກິດ, ລະບອບການເມືອງ, ລະບຽບການວັດທະນະທຳ, ລະບຽບການສັງ ຄົມ, ລະບຽບການສິ່ງແວດລ້ອມທຳມະຊາດແລະລະບຽບການສ້າງສາຂອງພັກ.
ການປະຕິຮູບສ່ວນຫຼາຍແມ່ນດຳເນີນຈາກງ່າຍຫາຍາກ. ການປະຕິຮູບຂອງພວກເຮົາຕ້ອງເອົາໃຈໃສ່ນຳລັກສະນະລະບົບ, ລັກສະນະລວມສູນ ແລະລັກສະນະປະສານງານ, ຕ້ອງກ້າລົງເລິກຄວາມຫຍຸ້ງຍາກ, ກ້າແກ້ໄຂຄວາມຫຍຸ້ງຍາກ. ພວກເຮົາຕ້ອງມີຄວາມກ້າຫານໃນການປະຕິຮູບຕົນເອງ, ມີມານະຈິດອັນໃຈາງກ້າລົງເລິກຄວາມຫຍຸ້ງຍາກ, ກ້າແກ້ໄຂເດັດດ່ຽວໜຽວແໜ້ນເພື່ອຊຸກຍູ້ ການປະຕິຮູບ, ຕ້ອງກ້າຜ່າຕັດເພື່ອປົວພະຍາດທີ່ເປັນມາຫຼາຍປີ, ກ້າແກ້ໄຂການພົວພັນ ແລະຄວາມຂັດແຍ້ງທີ່ກະທົບເຖິງຜົນປະໂຫຍດເລິກເຊິ່ງ, ເດັດດ່ຽວທັບມ້າງການຜູກມັດຕໍ່ແນວຄິດແລະທັດສະນະ, ເດັດດ່ຽວທັບມ້າງກຳແພງຜົນປະໂຫຍດ, ເດັດດ່ຽວລົບລ້າງສິ່ງກີດຂວາງລະບຽບການກົນໄກທີ່ກົດໜ່ວງຖ່ວງດຶງການພັດທະນາກຳລັງການຜະລິດຂອງສັງຄົມ.
ການປະຕິຮູບແລະການປົກຄອງຕາມກົດໝາຍເໝືອນດັ່ງປີກນົກ 2 ເບື້ອງ, ລົດ 2 ກົງ. ພວກເຮົາຕ້ອງຍຶດໝັ້ນພັດທະນາຕາມເສັ້ນທາງປົກຄອງປະເທດຕາມກົດໝາຍຂອງສັງຄົມນິຍົມທີ່ມີສີສັນພິເສດຂອງຈີນ, ເລັ່ງລັດປະກອບສ້າງລະບຽບການປົກຄອງປະເທດຕາມກົດໝາຍຂອງສັງຄົມນິຍົມທີ່ມີສີສັນພິເສດຂອງຈີນ, ສ້າງສາປະເທດສັງຄົມນິຍົມທີ່ປົກຄອງດ້ວຍກົດໝາຍ. ປົກຄອງປະເທດດ້ວຍກົດໝາຍຢ່າງຮອບດ້ານ, ເຊິ່ງໝັ້ນແກ່ນແມ່ນເອົາການ ຍຶດໝັ້ນການນໍາພາຂອງພັກ, ໃຫ້ປະຊາຊົນເປັນເຈົ້າແລະການປົກຄອງປະເທດດ້ວຍກົດໝາຍໃຫ້ເປັນເອກະພາບກັນ, ຂໍກະແຈແມ່ນຍຶດໝັ້ນການສ້າງກົດໝາຍໂດຍພັກ, ຮັບປະກັນການປະຕິບັດຕາມກົດໝາຍ, ສະໜັບສະໜູນຍຸຕິທໍາ, ນໍາໜ້າປະຕິບັດຕາມກົດໝາຍ. ຕ້ອງສ້າງອິດທິພົນຂອງລັດຖະທໍາມະນູນແລະກົດໝາຍຕ່າງໆ ຢ່າງໝັ້ນຄົງໃນທົ່ວສັງຄົມ, ສົ່ງເສີມຈິດໃຈຂອງລັດຖະທໍາມະນູນ, ບໍ່ວ່າອົງການຈັດຕັ້ງແລະບຸກຄົນໃດໆລ້ວນແຕ່ຕ້ອງປະພຶດໃນຂອບລັດຖະທໍາມະນູນ ແລະກົດໝາຍຕ່າງໆໂດຍບໍ່ໃຫ້ມີສິດພິເສດຢູ່ເໜືອຂອບຂອງລັດຖະທໍາມະນູນແລະກົດໝາຍຕ່າງໆ.