ບັນດາສະຫາຍແລະເພື່ອນມິດ!
ການສ້າງກຳລັງປ້ອງກັນປະເທດແລະກອງທັບທີ່ເຂັ້ມແຂງ, ສອດຄ່ອງກັບຖານະສາກົນ, ຜົນປະໂຫຍດດ້ານຄວາມໝັ້ນຄົງແຫ່ງຊາດແລະຜົນປະໂຫຍດດ້ານການພັດທະນາຂອງຈີນ,ເປັນໜ້າທີ່ຍຸດທະສາດໃນການສ້າງສາສັງຄົມນິຍົມທີ່ທັນສະໄໝ. ພວກເຮົາຕ້ອງວາງແຜນການພັດທະນາເສດຖະກິດແລະການປ້ອງກັນປະເທດຢ່າງເປັນເອກະພາບກັນ, ເພີ່ມທະວີການສ້າງກອງທັບໃຫ້ມີລັກສະນະປະຕິວັດ, ທັນສະໄໝແລະໄດ້ມາດຕະຖານຢ່າງຮອບດ້ານ.ຕ້ອງຍຶດໝັ້ນການນຳພາຂອງພັກຕໍ່ກອງທັບຢ່າງເດັດ ດ່ຽວໜຽວແໜ້ນ, ກຳແໜ້ນເປົ້າໝາຍຂອງພັກໃນການສ້າງກອງທັບທີ່ເຂັ້ມແຂງພາຍໃຕ້ສະຖານະການໃໝ່, ຈັດຕັ້ງປະຕິບັດການສ້າງກອງທັບດ້ວຍການເມືອງ,ສ້າງຄວາມເຂັ້ມແຂງໃຫ້ແກ່ກອງທັບດ້ວຍການປະຕິຮູບ, ແລະຄຸ້ມຄອງກອງທັບຕາມກົດໝາຍຢ່າງຮອບ ດ້ານ, ເປີດກວ້າງແລະລົງເລິກກະກຽມຕໍ່ສູ້ດ້ານການທະຫານ,ອອກແຮງບຳລຸງສ້າງທະ ຫານປະຕິວັດຮຸ່ນໃໝ່ທີ່ມີວິຍານ,ມີຄວາມເກັ່ງກ້າສາມາດ, ມີຄວາມກ້າຫານແລະມີຄຸນສົມບັດ, ພະຍາຍາມສ້າງກອງທັບປະຊາຊົນທີ່ປະຕິບັດຕາມການບັນຊາຂອງພັກ, ສາມາດເອົາຊະນະໃນການສູ້ຮົບແລະມີແບບແຜນທີ່ດີ. ຈີນປະຕິບັດຍຸດທະສາດການທະຫານທີ່ປ້ອງກັນຕົວຢ່າງຕັ້ງໜ້າ, ຈະບໍ່ຂົ່ມຂູ່ດ້ວຍກຳລັງອາວຸດ ກໍຈະບໍ່ໄປອວດກຳລັງອາວຸດຢູ່ໜ້າປະຕູຂອງຜູ້ອື່ນ. ການອວດກຳລັງອາວຸດນັ້ນຈະບໍ່ສາມາດສ່ອງແສງເຖິງຄວາມເຂັ້ມແຂງ ກໍບໍ່ສາມາດເຮັດໃຫ້ຜູ້ອື່ນຢ້ານກົວ. ຕ້ອງລົງເລິກຈັດຕັ້ງປະຕິບັດຍຸດທະສາດທີ່ໃຫ້ກອງທັບກັບປະຊາຊົນເຊື່ອມໂຍງກັນພັດທະນາ, ເລັ່ງລັດສ້າງກຳລັງປ້ອງກັນຄວາມສະຫງົບໃຫ້ມີຄວາມທັນສະໄໝ, ເພີ່ມທະວີການປຸກລະດົມການປ້ອງກັນປະເທດແລະກຳລັງສຳຮອງ, ປັບປຸງແລະຂະຫຍາຍຄວາມສາມັກຄີລະຫວ່າງກອງທັບກັບລັດຖະບານແລະປະຊາຊົນ.
ການຊຸກຍູ້ຂະບວນການທ້ອນໂຮມປະເທດຊາດເປັນເອກະພາບກັນໂດຍສັນຕິ, ສຳເລັດພາລະກິດທ້ອນໂຮມປະເທດຊາດ, ເປັນຄວາມຮຽກຮ້ອງທີ່ຕ້ອງເປັນໄປໃນການຟື້ນຟູຄວາມຈະເລີນອັນຍິ່ງໃຫຍ່ຂອງປະຊາຊາດຈີນ. ພຶດຕິກຳແຫ່ງ"ປະເທດດຽວ,ສອງລະ ບອບ"ໄດ້ຮັບຜົນສຳເລັດອັນຍິ່ງໃຫຍ່ໂດຍໄດ້ຮັບການຮັບຮູ້ຈາກທົ່ວໂລກ, ມີພະລັງຊີວິດຊີວາອັນເຂັ້ມແຂງ. ບໍ່ວ່າຈະປະສົບຄວາມຫຍຸ້ງຍາກແລະສິ່ງທ້າທາຍໃດໆ, ພວກເຮົາກໍຈະຮັກສາຄວາມໝັ້ນໃຈແລະຄວາມຕັດສິນໃຈຢ່າງບໍ່ຫວັ່ນໄຫວຄອນແຄນຕໍ່ "ປະເທດດຽວ, ສອງລະບອບ". ພວກເຮົາຈະຈັດຕັ້ງປະຕິບັດຕາມທິດທາງ "ປະເທດດຽວ, ສອງລະບອບ", "ຊາວຮົງກົງປົກຄອງຮົງກົງ", "ຊາວມາກາວປົກຄອງມາກາວ", ປົກຄອງຕົນເອງໃນລະດັບສູງຢ່າງຮອບດ້ານ, ເຮັດວຽກຕາມລັດຖະທຳມະນູນແລະກົດໝາຍພື້ນຖານຢ່າງເຂັ້ມງວດ, ສະໜັບສະໜູນຜູ້ວ່າການບໍລິຫານແລະອົງການປົກຄອງເຂດບໍລິຫານພິເສດປົກຄອງຕາມກົດໝາຍແລະປະຕິບັດໜ້າທີ່ວຽກງານ, ສະໜັບສະໜູນຮົງກົງແລະມາກາວພັດທະນາເສດຖະກິດ, ປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ,ຊຸກຍູ້ປະຊາທິປະໄຕແລະເສີມສ້າງຄວາມກົມກຽວກັນ.
ການທີ່ສາຍພົວພັນສອງຝັ່ງຊ່ອງແຄບໄຕ້ຫວັນຂະຫຍາຍຕົວໂດຍສັນຕິນັ້ນເປັນເສັ້ນ ທາງອັນຖືກຕ້ອງທີ່ປົກປ້ອງສັນຕິພາບລະຫວ່າງສອງຝັ່ງຊ່ອງແຄບ,ຊຸກຍູ້ການພັດທະນາພ້ອມກັນ, ສ້າງຄວາມສຸກໃຫ້ແກ່ພີ່ນ້ອງຮ່ວມຊາດຢູ່ສອງຝັ່ງຊ່ອງແຄບ ກໍເປັນເສັ້ນທາງອັນສົດໃສທີ່ກ້າວໄປສູ່ການທ້ອນໂຮມເປັນເອກະພາບໂດຍສັນຕິ.ການຍຶດໝັ້ນ "ຄວາມຮັບຮູ້ທີ່ເປັນເອກະສັນກັນປີ1992",ຄັດຄ້ານແນວຄິດ"ແບ່ງແຍກໄຕ້ຫວັນເປັນເອກະລາດ" ນັ້ນເປັນພື້ນຖານການເມືອງທີ່ໃຫ້ການພົວພັນສອງຝັ່ງຊ່ອງແຄບຂະຫຍາຍຕົວໂດຍສັນຕິ. ພວກເຮົາເດັດດ່ຽວຕໍ່ຕ້ານອິດທິກຳລັງທີ່ເຈຕະນາແບ່ງແຍກໄຕ້ຫວັນເປັນເອກະລາດ. ສຳລັບການກະທຳທີ່ແບ່ງແຍກປະເທດຊາດຂອງຜູ້ໃດ ໃນເວລາໃດ ແລະດ້ວຍຮູບການໃດນັ້ນ, ປະຊາຊົນຈີນ1ຕື້300ລ້ານຄົນ,ກໍຄືທົ່ວປະຊາຊາດຈີນຈະບໍ່ຍອມຮັບຢ່າງເດັດ ຂາດ! ພີ່ນ້ອງຮ່ວມຊາດຢູ່ສອງຝັ່ງຊ່ອງແຄບເປັນອ້າຍນ້ອງຮ່ວມຊາຕາກຳ, ເປັນຄອບ ຄົວເຊື້ອສາຍດຽວກັນ. ຄວາມເຂັ້ມແຂງຂອງຊົນຊາດເປັນຄວາມສຸກຂອງພີ່ນ້ອງຮ່ວມຊາດທັງປວງ; ຄວາມອ່ອນແອແລະຄວາມປັ່ນປ່ວນຂອງຊົນຊາດ ເປັນໄພພິບັດຂອງພີ່ນ້ອງຮ່ວມຊາດ. ສອງຝັ່ງຊ່ອງແຄບຄວນເອົາໃຈໃສ່ຜົນປະໂຫຍດຮ່ວມຂອງທົ່ວຊົນຊາດ, ຮ່ວມມືກັນສ້າງຄວາມພະຍາຍາມເພື່ອບັນລຸຄວາມມຸ່ງຫວັງຂອງຈີນທີ່ຟື້ນຟູຄວາມຈະເລີນອັນຍິ່ງໃຫຍ່ຂອງປະຊາຊາດຈີນ.
