ບັນດາສະຫາຍ ແລະເພື່ອມິດ!
ບູຮານພາສິດກ່າວໄວ້ວ່າ: "ແວ່ນໃສເພື່ອເຫັນຮູບ, ອະດີດບົ່ງບອກອະນາຄົດ". ມື້ນີ້ ພວກເຮົາມາຫວນຄືນປະຫວັດສາດ ບໍ່ແມ່ນເພື່ອຊອກຫາການປອບໃຈຕົນເອງຈາກຜົນງານຕ່າງໆ ທັງບໍ່ແມ່ນພໍໃຈນຳສິ່ງທີ່ມີ, ຫາຂໍ້ອ້າງເພື່ອຫຼີກເວັ້ນຄວາມຫຍຸ້ງຍາກ ແລະບັນຫາທີ່ພວກເຮົາຜະເຊີນໜ້າໃນປັດຈຸບັນ, ຫາກແມ່ນເພື່ອສະຫຼຸບເອົາບົດຮຽນຈາກປະຫວັດສາດ, ກຳກັບກົດເກນປະຫວັດສາດ, ເພີ່ມທະວີຄວາມກ້າຫານ ແລະພະລັງແຮງໃນການສືບຕໍ່ກ້າວໄປໜ້າ.
ກອງປະຊຸມໃຫຍ່ຄັ້ງທີ 18 ຂອງພັກກອມມູນິດຈີນໄດ້ສະເໜີອອກມາວ່າ, ການທີ່ຍຶດໝັ້ນ ແລະພັດທະນາສັງຄົມນິຍົມທີ່ມີສີສັນພິເສດຂອງຈີນແມ່ນໜ້າທີ່ປະຫວັດສາດທີ່ຍາວນານ ແລະໜັກໜ່ວງ, ຕ້ອງກຽມດຳເນີນການສູ້ຊົນອັນຍິ່ງໃຫຍ່ທີ່ມີຈຸດພິເສດທາງປະຫວັດສາດອັນໃໝ່ຫຼາຍຄັ້ງ. ນີ້ກໍຄືເຕືອນໃຫ້ທົ່ວພັກຮູ້ໄວ້ວ່າ, ຕ້ອງກຽມພ້ອມ ທຸກເວລາເພື່ອຮັບມືກັບສິ່ງທ້າທາຍໃຫຍ່, ຕ້ານກັບຄວາມສ່ຽງໃຫຍ່, ຜ່ານຜ່າຄວາມຂັດແຍ້ງໃຫຍ່ ແລະແກ້ໄຂບັນຫາໃຫຍ່, ຍຶດໝັ້ນ ແລະພັດທະນາສັງຄົມນິຍົມທີ່ມີສີສັນພິເສດຂອງຈີນ, ຍຶດໝັ້ນ ແລະປັບປຸງບົດບາດນຳພາ ແລະການກຳອຳນາດຂອງພັກກອມມູນິດຈີນ ເຮັດໃຫ້ພັກຂອງພວກເຮົາ, ປະເທດຂອງພວກເຮົາ ແລະປະຊາຊົນຂອງພວກເຮົາຢູ່ໃນຖານະທີ່ບໍ່ເສຍໄຊຕາມເທົ່າໃດໆ.
ປະຫວັດສາດແມ່ນຈະຂະຫຍາຍໄປໜ້າເລື້ອຍໆ, ປະຫວັດສາດຈະບໍ່ລໍຄອຍຜູ້ທີ່ລັ່ງເລ, ຜູ້ທີ່ຄອງຄອຍ, ຜູ້ທີ່ລະເຫຼີງແລະອ່ອນແອ. ມີແຕ່ຄົນທີ່ກ້າວທັນຈັງຫວະຂອງປະຫວັດສາດ ແລະມີຄວາມຜູກພັນກັບຍຸກສະໄໝນັ້ນ ຈິ່ງສາມາດຍາດໄດ້ອະນາຄົດທີ່ສະຫວ່າງສະໄຫວ.
ພັກຂອງພວກເຮົາຜ່ານຜ່າມາໄດ້ 95 ປີແລ້ວ, ແຕ່ພວກເຮົາຕ້ອງຮັກສານ້ຳໃຈສູ້ຊົນຂອງສະມາຊິກພັກກອມມູນິດຈີນໃນສະໄໝຫາກໍ່ສ້າງຕັ້ງພັກ, ຕ້ອງຮັກສາຈິດໃຈທີ່ຮັກແພງປະຊາຊົນຕາມເທົ່າໃດໆ. ທຸກສິ່ງທຸກຢ່າງຕ້ອງກ້າວໄປໜ້າ, ແຕ່ບໍ່ຄວນຫຼົງລືມເສັ້ນທາງທີ່ເຄີຍກ້າວຜ່ານ; ຍ່າງໄປໄກປານໃດ, ໄດ້ປະສົບກັບອະນາຄົດທີ່ຮຸ່ງເຮືອງປານໃດ ກໍບໍ່ຄວນລືມອະດີດທີ່ຜ່ານມາ, ບໍ່ຄວນລືມສິ່ງທຳອິດວ່າແມ່ນຍ້ອນຫຍັງຈິ່ງເດີນຕາມເສັ້ນທາງຍາວໄກ. ອວ່າຍໜ້າໄປສູ່ອະນາຄົດ, ອວ່າຍໜ້າໄປສູ່ສິ່ງທ້າທາຍ, ສະຫາຍຂອງທົ່ວພັກບໍ່ຄວນລືມຈຸດປະສົງແຕ່ຫົວທີ, ສືບຕໍ່ກ້າວໄປທາງໜ້າ.
---- ຍຶດໝັ້ນການບໍ່ລືມຈຸດປະສົງແຕ່ຫົວທີ, ສືບຕໍ່ກ້າວໄປທາງໜ້າ, ກໍຄືຕ້ອງຍຶດ ໝັ້ນຖານະຊີ້ນຳຂອງລັດທິມາກເລນິນ, ຍຶດໝັ້ນເອົາທິດສະດີພື້ນຖານຂອງລັດທິມາກເລນິນປະສົມປະສານກັບສະພາບຕົວຈິງຂອງຈີນ ແລະຈຸດພິເສດແຫ່ງຍຸກສະໄໝຢ່າງແໜ້ນແຟ້ນ, ຊຸກຍູ້ການປະດິດສ້າງໃໝ່ທາງທິດສະດີ, ການປະດິດສ້າງໃໝ່ທາງພຶດຕິກຳ, ເພື່ອຊຸກຍູ້ໃຫ້ລັດທິມາກເລນິນຫັນເປັນແບບຈີນນັ້ນກ້າວໄປໜ້າເລື້ອຍໆ.
ແນວຄິດຊີ້ນຳຖືເປັນທຸງໃບດ້ານຈິດໃຈຂອງພັກການເມືອງພັກໜຶ່ງ. ໃນໄລຍະ 95 ປີມານີ້, ພັກກອມມູນິດຈີນໄດ້ສຳເລັດໜ້າທີ່ທີ່ໜັກໜ່ວງ, ແຕ່ກຳລັງການເມືອງຕ່າງໆໃນໄລຍະຫຼັງໆບໍ່ສາມາດເຮັດຫຼ້ອນນັ້ນ ກໍຍ້ອນວ່າໄດ້ຖືລັດທິມາກເປັນການຊີ້ນຳການເຄື່ອນໄຫວຂອງຕົນເອງ ແລະຍຶດໝັ້ນການໃຫ້ລັດທິມາກເລນິນມີເນື້ອໃນອຸດົມສົມບຸນ ແລະມີການພັດທະນາຂຶ້ນໃນພຶດຕິກຳຕ່າງໆ. ອັນໄດ້ເຮັດໃຫ້ພັກພວກເຮົາຫຼຸດພົ້ນອອກຈາກສະພາບການທີ່ພັກການເມືອງອື່ນໆສະແຫວງຫາແຕ່ຜົນປະໂຫຍດແກ່ຕົວ, ແລ້ວນຳພາແລະຊຸກຍູ້ການປະຕິວັດ, ການສ້າງສາ ແລະການປະຕິຮູບຂອງຈີນດ້ວຍນ້ຳໃຈວິທະ ຍາສາດ ແລະບໍ່ເຫັນແກ່ຕົວ, ຍຶດໝັ້ນຄວາມເປັນສັດຈະ, ແກ້ໄຂຄວາມຜິດພາດເລື້ອຍໆ. ບໍ່ວ່າຢູ່ໃນສະພາບທີ່ດີ ຫຼື ບໍ່ດີ, ພັກຂອງພວກເຮົາບໍ່ເຄີຍປະລະການຍຶດໝັ້ນລັດທິມາກ.
ລັດທິມາກພັດທະນາຢູ່ຈີນ ໄດ້ຕອບສະໜອງການຊີ້ນຳທິດສະດີຕາມຫຼັກວິທະຍາ ສາດທີ່ກ້າວໜ້າຕາມຍຸກສະໄໝໃຫ້ແກ່ວຽກງານພັດທະນາຂອງພັກແລະປະຊາຊົນ, ໄດ້ເປັນພື້ນຖານແນວຄິດທີ່ໜັກແໜ້ນໃຫ້ແກ່ການເພີ່ມທະວີຄວາມສາມັກຄີແລະເອກະພາບກັນຂອງທົ່ວພັກ ແລະປະຊາຊົນບັນດາເຜົ່າໃນທົ່ວປະເທດ.
ລັດທິມາກແມ່ນແນວຄິດຊີ້ນຳທີ່ເປັນພື້ນຖານທີ່ສຸດທີ່ ເຮັດໃຫ້ພັກແລະປະເທດພວກເຮົາດຳລົງຄົງຢູ່. ຖ້າວ່າຝ່າຝືນ ຫຼື ລະເມີດລັດທິມາກ, ພັກຂອງພວກເຮົາກໍຈະເສຍວິນ ຍານ, ເສຍທິດກ້າວໄປໜ້າ. ໃນບັນຫາກົກຮາກທີ່ຍຶດໝັ້ນຖານະຊີ້ນຳຂອງລັດທິມາກ ພວກເຮົາຕ້ອງມີທ່າທີໝັ້ນໜຽວບໍ່ປ່ຽນແປງ, ບໍ່ໃຫ້ຫວັ່ນໄຫວຄອນແຄນແມ່ນແຕ່ໜ້ອຍ ດຽວບໍ່ວ່າຈະໃນໂອກາດໃດແລະສະພາບການໃດ.
ຂະນະດຽວກັນ ໂດຍຜະເຊີນກັບຈຸດພິເສດໃໝ່ແຫ່ງຍຸກສະໄໝ ແລະຄວາມຕ້ອງການໃໝ່ຂອງພຶດຕິກຳ, ລັດທິມາກກໍຜະເຊີນກັບບັນຫາທີ່ຫັນເປັນແບບຈີນ, ຫັນເປັນແບບທັນສະໄໝ ແລະຫັນເປັນແບບປະຊາຊົນຕື່ມອີກ. ລັດທິມາກບໍ່ເຄີຍເຮັດໃຫ້ຄວາມສັະຈະນັ້ນສິ້ນສຸດລົງ ແຕ່ຫາກແມ່ນໄດ້ໄຂເສັ້ນທາງພາໃຫ້ໄປສູ່ຄວາມສັດຈະ. ທ່ານອັງແກນເຄີຍກ່າວວ່າ: "ທັດສະນະຂອງທ່ານມາກຕໍ່ທົ່ວໂລກບໍ່ແມ່ນທັດສະນະໃດໜຶ່ງ, ຫາກແມ່ນວິທີການ ເຊິ່ງສິ່ງທີ່ສະໜອງນັ້ນບໍ່ແມ່ນທິດສະດີທີ່ມີຢູ່, ຫາກແມ່ນຈຸດເລີ່ມຕົ້ນທີ່ດຳເນີນການຄົ້ນຄວ້າຕໍ່ໄປ ແລະວິທີການໃນການດຳເນີນການຄົ້ນຄວ້າ."
ຍຸກສະໄໝຖືເປັນມານດາແຫ່ງແນວຄິດ, ພຶດຕິກຳກໍແມ່ນແຫຼ່ງທີ່ມາຂອງທິດສະດີ. ພຶດຕິກຳແມ່ນບໍ່ມີຈຸດຈົບ, ການທີ່ພວກເຮົາຊອກຮູ້ກ່ຽວກັບຄວາມເປັນສັດຈະ ແລະດຳເນີນການປະດິດສ້າງໃໝ່ທາງທິດສະດີນັ້ນກໍບໍ່ມີບ່ອນສິ້ນສຸດລົງ. ໃນສູ່ມື້ນີ້, ການປ່ຽນແປງແຫ່ງຍຸກສະໄໝ, ຄວາມກວ້າງແລະຄວາມເລິກເຊິ່ງແຫ່ງການພັດທະນາຂອງປະເທດພວກເຮົາແມ່ນລື່ນ ການຄາດໄວ້ຂອງພວກນັກລັດທິມາກໃນສະໄໝກ່ອນແລ້ວ. ພ້ອມກັນນັ້ນ, ສັງຄົມນິຍົມຢູ່ຈີນພຽງແຕ່ມີພຶດຕິກຳເປັນເວລາຫຼາຍສິບປີທໍ່ນັ້ນ, ຍັງຢູ່ໃນໄລຍະຕົ້ນ, ໄປຄຽງຄູ່ກັບການຂະຫຍາຍຕົວຂອງວຽກງານຕ່າງໆກໍຈະເກີດມີສະພາບການໃໝ່ ແລະບັນຫາໃໝ່ຫຼາຍຂຶ້ນ ແລະຍິ່ງຕ້ອງການໃຫ້ພວກເຮົາດຳເນີນການຊອກຄົ້ນຢ່າງກ້າຫານທັງພຶດຕິກຳທັງບຸກທະລຸດ້ານທິດສະດີ.
ຖ້າວ່າບໍ່ຮູ້ທິດສະດີທີ່ສິ້ນເຊິ່ງ, ຜູ້ອື່ນກໍຍ່ອມຮັບບໍ່ໄດ້.ພວກເຮົາຄວນເບິ່ງພື້ນຖານຕົວຈິງ ແລະ ຄວາມຕ້ອງການດ້ານພຶດຕິກຳຂອງລັດທິມາກທີ່ພັດທະນາໃນສະໄໝປັດຈຸບັນດ້ວຍສາຍຕາທີ່ກວ້າງໄກກວ່າເກົ່າ, ຍຶດໝັ້ນສຸມ ໃສ່ການແກ້ໄຂບັນຫາຕ່າງໆ, ຍຶດໝັ້ນວຽກທີ່ພວກເຮົາກຳລັງເຮັດນັ້ນເປັນໃຈກາງ, ຟັງຫາງສຽງຂອງຍຸກສະໄໝ, ລົງເລິກຊຸກຍູ້ໃຫ້ລັດທິມາກເຊື່ອມໂຍງກັບສະພາບຕົວຈິງອັນລະອຽດຂອງຈີນໃນສະໄໝປັດຈຸບັນ, ສ້າງສະພາບ ການໃໝ່ແຫ່ງການພັດທະນາລັດທິມາກໃນສະຕະວັດທີ 21 ຢ່າງບໍ່ຢຸດຢັ້ງ, ເຮັດໃຫ້ລັດທິມາກຂອງຈີນໃນສະໄໝປັດຈຸບັນເປັ່ງປະກາຍແສງສະຫວ່າງແຫ່ງ ສັດຈະທຳຫຼາຍກວ່າເກົ່າ.
