----ຍຶດໝັ້ນການບໍ່ລືມຈຸດປະສົງແຕ່ຫົວທີ, ສືບຕໍ່ກ້າວໄປທາງໜ້າ. ກໍຕ້ອງເຊື່ອໝັ້ນວ່າຮາກຖານຂອງພັກແມ່ນປະຊາຊົນ, ກຳລັງຂອງພັກແມ່ນປະຊາຊົນ, ຍຶດໝັ້ນທຸກສິ່ງທຸກຢ່າງເພື່ອປະຊາຊົນ, ທຸກສິ່ງທຸກຢ່າງອາໄສປະຊາຊົນ, ເສີມຂະຫຍາຍຄວາມຫ້າວຫັນ, ຄວາມເປັນເຈົ້າຕົນເອງ, ແລະລັກສະນະປະດິດສ້າງໃໝ່ຂອງປະຊາຊົນອັນກວ້າງໃຫຍ່ໄພສານຢ່າງເຕັມທີ, ຊຸກຍູ້ໃຫ້ພາລະກິດສ້າງຄວາມຜາສຸກແກ່ປະຊາຊົນຂະຫຍາຍຕົວໄປໜ້າຢ່າງຕໍ່ເນື່ອງ.
ຫຼັກໝັ້ນປະຊາຊົນແມ່ນຫຼັກໝັ້ນທາງການເມືອງພື້ນຖານທີ່ສຸດຂອງພັກກອມມູນິດຈີນ, ແມ່ນສັນຍະລັກອັນພົ້ນເດັ່ນທີ່ພັກການເມືອງຂອງລັດທິກາກ ມາກຕ່າງກັນກັບພັກການເມືອງອື່ນໆ. ພັກກັບປະຊາຊົນຂີ່ເຮືອລຳດຽວບໍ່ວ່າຝົນຈະຕົກລົມຈະແຮງ, ຢູ່ນຳກັນບໍ່ວ່າຈະມີຊີວິດຢູ່ຫຼືເສຍຊີວິດ, ໄດ້ຮັກສາການພົວພັນຢ່າງໝັ້ນໜຽວມາໂດຍຕະຫຼອດ, ແມ່ນການຮັບປະກັນຮາກຖານທີ່ໃຫ້ພັກເອົາຊະນະຕໍ່ຄວາມຫຍຸ້ງຍາກແລະຄວາມສ່ຽງທັງໝົດເໝືອນດັ່ງຄຳວ່າ"ໄດ້ຮັບການສະໜັບສະໜູນຈາກປະຊາຊົນຈຶ່ງມີປະເທດ, ເສຍການສະໜັບສະໜູນຂອງປະຊາຊົນກໍເສຍປະເທດ."
ສະມາຊິກພັກທຸກຖ້ວນໜ້າຕ້ອງເອົາປະຊາຊົນໄວ້ຢູ່ບ່ອນສູງທີ່ສຸດໃນຫົວໃຈ, ຍຶດ ໝັ້ນວັດຖຸປະສົງທີ່ຮັບໃຊ້ປະຊາຊົນຢ່າງສຸດອົກສຸດໃຈ, ເຮັດໃຫ້ຜົນປະໂຫຍດຂອງປະ ຊາຊົນບັນລຸຜົນເປັນຈິງໄດ້ຮັບການປົກປັກຮັກສາ, ແລະພັດທະນາເປັນຢ່າງດີ, ຕ້ອງຖືການສະໜັບສະໜູນຫຼືບໍ່, ເຫັນດີຫຼືບໍ່, ດີໃຈຫຼືບໍ່, ຍອມຮັບຫຼືບໍ່ຂອງປະຊາຊົນເປັນມາດຕະ ຖານໃນການຕີລາຄາຄວາມໄດ້ຄວາມເສຍຂອງວຽກງານທັງໝົດ, ເຮັດໃຫ້ພັກພວກເຮົາມີກຳລັງແຮງຢ່າງບໍ່ຂາດ.
ການນຳພາປະຊາຊົນສ້າງຊີວິດການເປັນຢູ່ໃຫ້ຄວາມສຸກ, ແມ່ນເປົ້າໝາຍສູ້ຊົນຂອງພັກພວກເຮົາມາໂດຍຕະຫຼອດ. ພວກເຮົາຕ້ອງອີງຕາມຄວາມມຸ່ງມາດປະຖະໜາຕໍ່ຊີວິດການເປັນຢູ່ທີ່ດີຂອງປະຊາຊົນ, ຍຶດໝັ້ນແນວຄິດພັດທະນາທີ່ຖືປະຊາຊົນເປັນໃຈກາງ, ຖືການຄ້ຳປະກັນແລະການປັບປຸງຊີວິດການເປັນຢູ່ຂອງປະຊາຊົນເປັນຈຸດໜັກ, ພັດທະນາວຽກງານສັງຄົມຕ່າງໆ, ເພີ່ມທະວີການປັບປຸງວິທີແບ່ງປັນລາຍໄດ້, ເອົາຊະນະສະໜາມ ຮົບການຫຼຸດພົ້ນອອກຈາກຄວາມທຸກຍາກ, ຮັບປະກັນສິດເຂົ້າຮ່ວມຢ່າງສະເໝີພາບກັນ, ແລະສິດພັດທະນາຢ່າງສະເໝີພາບຂອງປະຊາຊົນ, ເຮັດໃຫ້ຜົນສຳເລັດຂອງການປະຕິຮູບການພັດທະນາສ້າງຜົນປະໂຫຍດໃຫ້ແກ່ປະຊາຊົນບັນດາທ່ານໃຫ້ຫຼາຍແລະຍຸຕິທຳກວ່າເກົ່າ, ກ້າວໄປສູ່ເປົ້າໝາຍທີ່ໃຫ້ປະຊາຊົນທຸກຖ້ວນໜ້າຮັ່ງມີຂຶ້ນພ້ອມກັນ.
ການເຄົາລົບຖານະເປັນຫຼັກຂອງປະຊາຊົນ, ຮັບປະກັນໃຫ້ປະຊາຊົນເປັນເຈົ້າຕົນເອງ, ແມ່ນເຈດຈຳນົງມາຂອງພັກພວກເຮົາມາໂດຍຕະຫຼອດ. ພວກເຮົາຕ້ອງໄປຕາມເສັ້ນທາງການພັດທະນາການເມືອງສັງຄົມນິຍົມທີ່ມີສີສັນພິເສດຂອງຈີນຢ່າງບໍ່ປ່ຽນແປງ, ຍຶດໝັ້ນໃນໄລຍະຍາວ, ປະຕິບັດຕົວຈິງຢ່າງຮອບດ້ານ, ພັດທະນາລະບຽບການກອງປະຊຸມສະພາຜູ້ແທນປະຊາຊົນຢ່າງຕໍ່ເນື່ອງ, ລະບຽບການຮ່ວມມືກັນລະຫວ່າງຫຼາຍພັກແລະລະບອບການປຶກສາຫາລືທາງການເມືອງ, ລະບຽບການປົກຄອງໂດຍຕົນເອງຢູ່ເຂດຊົນເຜົ່າສ່ວນໜ້ອຍ, ລະບອບການປົກຄອງໂດຍປະຊາຊົນຂັ້ນຮາກຖານທີ່ມີການນຳພາໂດຍພັກກອມມູນິດຈີນ, ພັດທະນາປະຊາທິປະໄຕແບບມີການປຶກສາກັນຂອງສັງຄົມນິຍົມ, ປັບປຸງແລະພັດທະນາແນວໂຮມເອກະພາບຮັກຊາດຢ່າງກວ້າງຂວາງທີ່ສຸດ, ເປີດກວ້າງການເຂົ້າຮ່ວມການເມືອງຂອງປະຊາຊົນຢ່າງມີລະບຽບການ, ຮັບປະກັນໃຫ້ປະຊາ ຊົນເຂົ້າຮ່ວມການປົກຄອງປະເທດແລະການປົກຄອງສັງຄົມຢ່າງກວ້າງຂວາງ, ສ້າງເປັນສະພາບການເມືອງທີ່ມີຊີວິດຊີວາ, ມີຄວາມໝັ້ນຄົງແລະສາມັກຄີກັນ.
"ສ້າງຄຸນງາມຄວາມດີໃຫ້ສຳເລັດຕ້ອງອີງໃສ່ຄວາມສາມາດ, ການເສີມຂະຫຍາຍ ພາລະກິດຕ້ອງອີງໃສ່ຄວາມສາມາດຈິ່ງຈະສຳເລັດໄດ້."ຖ້າຢາກໃຫ້ພາລະກິດຂອງພັກແລະປະຊາຊົນມີການຂະຫຍາຍຕົວຢ່າງບໍ່ຢຸດຢັ້ງກໍຕ້ອງນຳໃຊ້ຜູ້ມີຄວາມຮູ້ຄວາມສາມາດດ້ານຕ່າງໆຢ່າງມີປະສິດທິຜົນ, ເຕົ້າໂຮມແລະນຳໃຊ້ຜູ້ມີຄວາມຮູ້ຄວາມສາມາດໃນທົ່ວປະເທດ.ພວກເຮົາຄວນເປີດກວ້າງຊ່ອງທາງດຶງດູດຜູ້ມີຄວາມຮູ້ຄວາມສາມາດດ້ວຍສາຍຕາຄົມທີ່ຮູ້ເບິ່ງຜູ້ມີຄວາມຮູ້ຄວາມສາມາດ, ດ້ວຍຄວາມຈິງໃຈຖະນຸຖະໜອມຫວງແຫນຜູ້ມີຄວາມຮູ້ຄວາມສາມາດ, ດ້ວຍຄວາມກ້າຫານໃນການນຳໃຊ້ຜູ້ມີຄວາມຮູ້ຄວາມສາມາດ, ດ້ວຍຈິດໃຈກວ້າງໃນການຮັບເອົາຜູ້ມີຄວາມຮູ້ຄວາມສາມາດ ແລະດ້ວຍວິທີທີ່ດີໃນການເຕົ້າໂຮມຜູ້ມີຄວາມຮູ້ຄວາມສາມາດເພື່ອເຕົ້າໂຮມແລະດຶງດູດຜູ້ມີຄວາມຮູ້ຄວາມສາມາດດ້ານຕ່າງໆບໍ່ວ່າຢູ່ໃນພັກຫຼືນອກພັກ, ພາຍໃນຫຼືຕ່າງປະເທດກໍຕາມ, ພະຍາຍາມສ້າງໃຫ້ມີສະພາບສັງຄົມດີຄື ທຸກໆຄົນປາຖະໜາເປັນຜູ້ມີຄວາມຮູ້ຄວາມສາມາດ, ທຸກໆຄົນພະຍາຍາມສ້າງຕົນເອງໃຫ້ເປັນຜູ້ມີຄວາມຮູ້ຄວາມສາມາດ, ທຸກໆຄົນສາມາດກາຍເປັນຜູ້ມີຄວາມຮູ້ຄວາມສາມາດໄດ້ແລະທຸກໆຄົນກໍສາມາດເສີມຂະຫາຍາຍຄວາມສາມາດຂອງຕົນ.