----ຍຶດໝັ້ນການບໍ່ລືມຈຸດປະສົງແຕ່ຫົວທີ, ສືບຕໍ່ກ້າວໄປທາງໜ້າ ກໍຕ້ອງຍຶດໝັ້ນຄວາມໝັ້ນໃຈຕໍ່ເສັ້ນທາງ, ຄວາມໝັ້ນໃຈຕໍ່ທິດສະດີ ຄວາມໝັ້ນໃຈຕໍ່ລະບອບ ແລະຄວາມໝັ້ນໃຈຕໍ່ວັດທະນະທຳຂອງສັງຄົມນິຍົມທີ່ມີສີສັນພິເສດຂອງຈີນ, ຍຶດໝັ້ນເສັ້ນທາງພື້ນຖານຂອງພັກບໍ່ຫວັນໄຫວຄອນແຄນ, ຊຸກຍູ້ພາລະກິດອັນຍິ່ງໃຫຍ່ຂອງສັງຄົມນິຍົມທີ່ມີສີສັນພິເສດຂອງຈີນໃຫ້ກ້າວໄປໜ້າເລື້ອຍໆ.
ທິດທາງຕົກລົງເສັ້ນທາງ, ເສັ້ນທາງຕົກລົງຊາຕາກຳ. ສັງຄົມນິຍົມທີ່ມີສີສັນພິເສດຂອງຈີນບໍ່ແມ່ນມາຈາກທ້ອງຟ້າ, ຫາກແມ່ນຜົນງານພື້ນຖານທີ່ພັກ ແລະປະຊາຊົນຍາດມາໄດ້ໂດຍໄດ້ຜ່ານຜ່າຄວາມຫຍຸ້ງຍາກຢ່າງຫຼວງຫຼາຍ ແລະເສຍສະຫຼະຢ່າງໃຫຍ່ຫຼວງ. ສັງຄົມນິຍົມທີ່ມີສີສັນພິເສດຂອງຈີນ ທັງແມ່ນພາລະກິດອັນຍິ່ງໃຫຍ່ທີ່ພວກເຮົາຕ້ອງຊຸກຍູ້ໃຫ້ກ້າວໄປໜ້າຢ່າງບໍ່ຢຸດຢັ້ງ ທັງແມ່ນຄວາມຮັບປະກັນຂັ້ນພື້ນຖານທີ່ໃຫ້ພວກເຮົາສືບຕໍ່ພັດທະນາໃນອະນາຄົດ.
ທົ່ວພັກຕ້ອງເດັດດ່ຽວຍຶດໝັ້ນຄວາມໝັ້ນໃຈຕໍ່ເສັ້ນທາງ, ຄວາມໝັ້ນໃຈຕໍ່ທິດສະດີ, ຄວາມໝັ້ນໃຈຕໍ່ລະບອບ ແລະຄວາມໝັ້ນໃຈຕໍ່ວັດທະນະທຳ.ໃນໂລກປັດຈຸບັນ ຖ້າເວົ້າ ວ່າພັກການເມືອງໃດ, ປະເທດໃດ, ປະຊາຊາດໃດ ມີສາເຫດທີ່ເຮັດໃຫ້ຕົນເອງມີຄວາມ ໝັ້ນໃຈທີ່ສຸດ ນັ້ນກໍຄືພັກກອມມູນິດຈີນ, ສາທາລະນະລັດປະຊາຊົນ ແລະປະຊາຊາດຈີນ. ມີຄວາມຫ້າວຫັນດັ່ງ "ຜູ້ມີຄວາມໝັ້ນໃຈຕໍ່ຕົນເອງ ຈິ່ງເໝືອນຕາຍແລ້ວເກີດໃໝ່ ແລະຍ່ອມຈະບັນລຸເປົ້າໝາຍຂອງຕົນ", ພວກເຮົາຈິ່ງບໍ່ຢ້ານຄວາມຫຍຸ້ງຍາກ ແລະສິ່ງທ້າທາຍໃດໆຈິ່ງສາມາດປະດິດສ້າງໂລກໃໝ່ ແລະເກີດຄວາມມະຫັດສະຈັນຢ່າງເດັດດ່ຽວໜວຽວແໜ້ນ.
ພວກເຮົາຕ້ອງເຊື່ອໝັ້ນວ່າ, ເສັ້ນທາງສັງຄົມນິຍົມທີ່ມີສີສັນພິເສດຂອງຈີນແມ່ນເສັ້ນທາງທີ່ຕ້ອງຜ່ານພ່າເພື່ອບັນລຸສັງຄົມນິຍົມທັນສະໄໝ ທັງເປັນເສັ້ນທາງທີ່ຕ້ອງຜ່ານ ພ່າເພື່ອສ້າງຊີວິດການເປັນຢູ່ທີ່ດີໃຫ້ແກ່ປະຊາຊົນ. ພວກເຮົາຕ້ອງເຊື່ອມັ້ນ, ລະບົບທິດສະດີສັງຄົມນິຍົມທີ່ມີສີສັນພິເສດຂອງຈີນແມ່ນທິດສະດີທີ່ຖືກຕ້ອງໃນການຊີ້ນຳພັກແລະປະຊາຊົນເດີນຕາມເສັ້ນທາງສັງຄົມນິຍົມທີ່ມີສີສັນພິເສດຂອງຈີນເພື່ອເຮັດໃຫ້ປະຊາຊາດຈີນຟື້ນຟູຄວາມຈະເລີນຮຸ່ງເຮືອງຢ່າງຍິ່ງໃຫຍ່ຄືນໃໝ່ກໍຄືທິດສະດີວິທະຍາສາດທີ່ນຳໜ້າ ຍຸກສະໄໝແລະກ້າວໜ້າໄປຕາມຍຸກສະໄໝ.ພວກເຮົາຕ້ອງເຊື່ອໝັ້ນວ່າ, ລະບອບສັງຄົມນິຍົມທີ່ມີສີສັນພິເສດຂອງຈີນແມ່ນການຮັບປະກັນພື້ນຖານທີ່ເຮັດໃຫ້ການພັດທະນາຂອງຈີນກ້າວໄປໜ້າໃນສະໄໝປັດຈຸບັນ, ແມ່ນລະບຽບການກ້າວໜ້າທີ່ມີສີສັນພິເສດຂອງຈີນທີ່ພົ້ນເດັ່ນ, ມີທ່າແຮງທີ່ດີແລະມີຄວາມສາມາດໃນການປັບປຸງຕົວເອງໃຫ້ດີຂຶ້ນ.
ຄວາມໝັ້ນໃຈຕໍ່ວັດທະນະທຳແມ່ນຄວາມໝັ້ນໃຈທີ່ເປັນພື້ນຖານກວ່າ, ກວ້າງຂວາງກວ່າແລະເລິກເຊິ່ງຫຼາຍກວ່າ. ວັດທະນະທຳອັນເປັນມູນເຊື້ອທີ່ດີເລີດຂອງຈີນທີ່ກຳເນີດໃນຂະບວນວິວັດແຫ່ງຄວາມສີວິໄລເປັນເວລາ 5000 ກວ່າປີ, ວັດທະນະທໍາປະຕິວັດແລະວັດທະນະທໍາສັງຄົມນິຍົມທີ່ກ້າວໜ້າທີ່ກໍາເນີດຈາກ ການສູ້ຊົນອັນຍິ່ງໃຫຍ່ຂອງພັກແລະປະຊາຊົນ ໄດ້ໂຮມສູນຄວາມຕັ້ງໃຈທີ່ເລິກເຊິ່ງຂອງປະຊາຊາດຈີນ ແລະເປັນຕົວແທນແຫ່ງຈິດໃຈພິເສດຂອງປະຊາຊາດຈີນ. ພວກເຮົາຕ້ອງເສີມຂະຫຍາຍຄ່ານິຍົມໃຈ ກາງຂອງສັງຄົມນິຍົມ, ເສີມຂະຫຍາຍຈິດໃຈປະຊາຊາດທີ່ຖືລັດທິຮັກຊາດເປັນແກນດາງແລະຈິດໃຈຍຸກສະໄໝທີ່ຖືການປະຕິຮູບແລະການປະດິດສ້າງເປັນແກນກາງ, ເພີ່ມທະວີພະລັງແຮງດ້ານຈິດໃຈຂອງທົ່ວພັກແລະປະຊາຊົນບັນດາເຜົ່າທົ່ວປະເທດຢ່າງບໍ່ຢຸດຢັ້ງ.
ສະມາຊິກພັກທຸກຖ້ວນໜ້າຕ້ອງຈື່ແໜ້ນວ່າ, ພວກເຮົາແມ່ນຕ້ອງສ້າງສັງຄົມນິຍົມທີ່ມີສີສັນພິເສດຂອງຈີນ, ຫາກບໍ່ແມ່ນນິຍົມແນວອື່ນ. ປະຫວັດສາດຈະບໍ່ມີມື້ສິ້ນສຸດ ແລະກໍຈະບໍ່ຢຸດເຊົາ. ສັງຄົມນິຍົມທີ່ມີສີສັນພິເສດຂອງຈີນດີຫຼືບໍ່ດີ, ຕ້ອງເບິ່ງຕາມຄວາມຈິງ, ຕ້ອງເບິ່ງການວິນິດໄສຂອງທົ່ວປະຊາຊົນຈີນ, ຫາກບໍ່ແມ່ນເບິ່ງການຕີລາຄາຂອງຄົນທີ່ອ່ຽງເອນ. ສະມາຊິກພັກກອມມູນິດຈີນແລະປະຊາຊົນຈີນມີຄວາມໝັ້ນໃຈໃນການສະ ໜອງແຜນ ການຂອງຈີນໃຫ້ແກ່ການຄົ້ນຄ້ວາລະບຽບການສັງຄົມທີ່ດີກວ່າເກົ່າຂອງມວນມະນຸດ.
ທ່ານເຕີ້ງສ້ຽວຜີງເຄີຍກ່າວວ່າ: "ເສັ້ນທາງພື້ນຖານຕ້ອງຍຶ້ດໝັ້ນ 100 ປີບໍ່ຫວັ່ນໄຫວ. ມີແຕ່ຍຶດໝັ້ນໄປຕາມເສັ້ນທາງສາຍນີ້, ປະຊາຊົນຈຶ່ງຈະເຊື່ອໝັ້ນເຈົ້າ, ສະໜັບສະໜູນເຈົ້າ. ຜູ້ໃດທີ່ຈະປ່ຽນແປງເສັ້ນທາງ, ທິດທາງແລະນະໂຍບາຍນັບແຕ່ກອງປະຊຸມຄົບຄະນະຄັ້ງທີ 3 ຊຸດທີ 11 ຂອງພັກກອມມູນິດຈີນເປັນຕົ້ນມາ, ປະຊາຊົນກໍຈະບໍ່ສະໜັບສະ ໜູນ, ຜູ້ນັ້ນກໍຈະຖືກໂຄ່ນລົ້ມ." ເສັ້ນທາງພື້ນຖານຂອງພັກແມ່ນເສັ້ນຊີວິດຂອງປະເທດຊາດກໍຄືເສັ້ນແຫ່ງຄວາມຜາສຸກຂອງປະຊາຊົນ, ພວກເຮົາຕ້ອງຍຶດໝັ້ນຖືການສ້າງເສດ ຖະກິດເປັນປັດໃຈສຳຄັນໃນການສ້າງຊາດໃຫ້ຈະເລີນ, ຖືຫຼັກການພື້ນຖານ 4 ປະການເປັນພື້ນຖານທີ່ໃຫ້ປະເທດດຳລົງຊົງຕົວ, ຖືການປະຕິຮູບແລະເປີດປະຕູສູ່ພາຍນອກເປັນເສັ້ນທາງແຫ່ງການສ້າງປະເທດໃຫ້ເຂັ້ມແຂງ, ໂດຍບໍ່ໃຫ້ມີການປ່ຽນແປງແລະຫວັ່ນໄຫວຢ່າງເດັດຂາດ.
