ທ່ານຫຼີຟ່າຊຸ້ນ ເປັນຊາວບ້ານເຜົ່າວາ ຊືໂມລາ ຢູ່ເມືອງເທີງຊົ່ງແຂວງຢຸນນານຈີນ, ມີຄວາມຊົງຈຳຕອນໜຶ່ງໄດ້ບັນທຶກໄວ້ຢູ່ໃນຈິດໃຈຂອງຄອບຄົວລາວມາໂດຍຕະຫຼອດ, ນັ້ນກໍຄື ວັນທີ 19 ມັງກອນປີ 2020, ໃນໄລຍະກ່ອນຈະຮອດບຸນກຸດຈີນ, ທ່ານເລຂາທິການໃຫຍ່ສີຈິ້ນຜິງໄດ້ໄປຢ້ຽມຢາມເຮືອນຂອງລາວ, ທັງໄດ້ນັ່ງລົມເລື່ອງລາວຊີວິດປະຈຳວັນກັບພີ່ນ້ອງປະຊາຊົນທັງຫຼາຍ.ທ່ານສີຈິ້ນຜິງຖາມວ່າ, “ຫຼັງຈາກຫຼຸດພົ້ນອອກຈາກຄວາມທຸກຍາກແລ້ວ, ຍັງມີອັນໃດທີ່ຕ້ອງການປັບປຸງໃຫ້ດີຂຶ້ນບໍ່?”ທ່ານຫຼີຟ່າຊຸ້ນຕອບວ່າ: “ຫວັງວ່າຜູ້ເຖົ້າຈະມີຊີວິດການເປັນຢູ່ທີ່ດີຂຶ້ນກວ່າເກົ່າ, ມື້ໜ້າລູກສອງຄົນມີວຽກທີ່ດີເຮັດ, ກໍພໍໃຈແລ້ວ.”

ຕອນບ່າຍວັນທີ 19 ກັນຍາປີ 2007, ທ່ານນາງຊົ້ງເວີຍຟ່າງ ຫົວໜ້າຄະນະພົນລະເມືອງຈ້ຽນຊິ່ນຖະໜົນອູຈຽວສາງ, ແລະ ພໍ່ເຖົ້າຈ້າວຫົງພິນທີ່ອາໄສຢູ່ໃນເຂດຊຸມຊົນໄດ້ພ້ອມກັນຍ່າງເຂົ້າໄປປະຕູໃຫຍ່ຂອງອົງການປົກຄອງເມືອງຢາງຜູນະຄອນຊຽງໄຮ.ເຂົາເຈົ້າບໍ່ແມ່ນມາບ່ອນນີ້ເປັນຄັ້ງທຳອິດ. ຫຼັງຈາກເປີດປະຕູ ແລະ ຍ່າງເຂົ້າສູ່ຫ້ອງປະຊຸມທີ່ຮັບຕ້ອນຜູ້ຮ້ອງທຸກແລ້ວ, ເຂົາເຈົ້າຈຶ່ງແນມເຫັນວ່າ: ຜູ້ທີ່ນັ່ງຢູ່ຕໍ່ໜ້ານັ້ນແມ່ນທ່ານສີຈິ້ນຜິງ ເລຂາຄະນະພັກນະຄອນຊຽງໄຮໃນເວລານັ້ນ, ເຮັດໃຫ້ທັງສອງຄົນມີຄວາມຮູ້ສຶກຕົກສະເງີ້ທັນທີ.

ປີ 2007, ທ່ານສີຈິ້ນຜິງໄປດຳລົງຕຳແໜ່ງຢູ່ນະຄອນຊຽງໄຮ, ຕອນນັ້ນຕົວເມືອງແຫ່ງນີ້ພວມຢູ່ໃນໄລຍະໜຶ່ງທີ່ມີລັກສະນະພິເສດ.ເພາະວ່າໃນປີ 2006, ຢູ່ຊຽງໄຮໄດ້ເກີດມີຄະດີກ່ຽວກັບທຶນປະກັນສັງຄົມ, ໂດຍໄດ້ເຜີຍແຜບັນຫາການສໍ້ລາດບັງຫຼວງຂອງພະນັກງານການນຳຂອງພັກຈຳນວນໜຶ່ງ. ເມື່ອປະເຊີນໜ້າກັບສະພາບການຄືແນວນີ້, ທ່ານສີຈິ້ນຜິງຮຽກຮ້ອງໃຫ້ຖອດຖອນບົດຮຽນທາງລົບຈາກຄະດີດັ່ງກ່າວ, ສຳຫຼວດຄືນຢ່າງເລິກເຊິ່ງຕໍ່ຂອດອ່ອນແອທີ່ມີຢູ່ໃນການກໍ່ສ້າງພັກ.

ທ່ານສີຈິ້ນຜິງຫາກໍ່ໄປຮອດຊຽງໄຮ້, ເພິ່ນໄດ້ຮຽກຮ້ອງໃຫ້ພາກສ່ວນທີ່ກ່ຽວ ຂ້ອງຈັດວາງການສຳຫຼວດຄົ້ນຄວ້າວຽກງານກໍ່ສ້າງພັກໂດຍໄວ. ຄະນະ ຈັດຕັ້ງຂອງຄະນະພັກນະຄອນຊຽງໄຮ້ແນະນຳໃຫ້ເພິ່ນໄປກຸ່ມບໍລິສັດລົດຍົນ ຊຽງໄຮ້ເພື່ອສຳຫຼວດຄົ້ນຄວ້າການກໍ່ສ້າງພັກຂອງລັດວິສາຫະກິດ ແລະໄປເມືອງ ຈິ້ງອ່ານເພື່ອສຳຫຼວດຄົ້ນຄວ້າການກໍ່ສ້າງພັກຂອງເຂດຊຸມຊົນເຊິ່ງລວມທັງການກໍ່ສ້າງພັກຢູ່ຕຶກອາຄານທຸລະກິດ ແລະ “2ອົງການໃໝ່”. ຕໍ່ກັບຄຳແນະນຳນີ້, ທ່ານສີຈິ້ນຜິງຮູ້ສຶກເພິ່ງພໍໃຈທີ່ສຸດ ເພາະເຫັນວ່າມັນໄດ້ສ່ອງແສງເຖິງຈຸດພິເສດ ຂອງຊຽງໄຮ້.

ຢູ່ເດີ່ນບ້ານຊາວກະສິກອນແຫ່ງໜຶ່ງ, ພໍ່ເຖົ້າໄບກ່າວສ່ານ ອາຍຸ 68 ປີພວມຫົດນ້ຳສວນຜັກນ້ອຍຂອງລາວ, ພ້ອມທັງຢອກຫຼານຊານອາຍຸ 2 ປີປາຍ. ຢູ່ໃນສວນຜັກ, ໝາກເຂືອ ໝາກແຕງ, ໝາກອຶ ແລະ ຜັກບົ່ວກຳລັງຈະເລີນເຕີບໂຕງອກງາມດີ, ຕົ້ນໝາກໂປມສອງຕົ້ນກໍໄດ້ອອກໝາກເຕັມຕົ້ນ. ພໍ່ເຖົ້າໄບກ່າວສ່ານເວົ້າວ່າ: “ເທື່ອແລ້ວນີ້ ທ່ານເລຂາທິການໃຫຍ່ສີຈິ້ນຜິງມາຢາມ, ຂ້ອຍໄດ້ແນະນຳເຄື່ອງປູກຂອງຝັງເຫຼົ່ານີ້ໃຫ້ເພິ່ນໄດ້ຮູ້ຈັກທຸກຢ່າງ, ທ່ານເລຂາທິການໃຫຍ່ທັງຍິ້ມທັງເວົ້າວ່າ: ໝາກໄມ້ ແລະ ຜັກເຫຼົ່ານີ້ຖືວ່າ ຄອບຄົວຂອງສະຫາຍມີກິນຢ່າງພຽງພໍແລ້ວ.”

ສະບາຍດີທ່ານຜູ້ຟັງທີ່ເຄົາລົບ,ຍິນດີຕ້ອນຮັບທ່ານເຂົ້າສູ່ລາຍການສີແສງ　ແຫ່ງຍຸກ. ລະຫວ່າງເດືອນມີນາຫາເດືອນຕຸລາປີ2007, ທ່ານສີຈິ້ນຜິງໄດ້ດຳລົງ　ຕຳແໜ່ງເປັນເລຂາຄະນະພັກກຳແພງນະຄອນຊຽງໄຮ້. ເຖິງຈະເຮັດວຽກ　ຢູ່ຊຽງໄຮ້ເປັນເວລາພຽງແຕ່ 7 ເດືອນກັບ 4 ວັນເທົ່ານັ້ນ, ແຕ່ທ່ານສີຈິ້ນຜິງໄດ້　ເຄື່ອນໄຫວເຮັດວຽກໄປຮອດໄປເຖິງເຂດເມືອງທັງໝົດ 19 ແຫ່ງໃນທົ່ວນະຄອນ　ຊຽງໄຮ້ໃນເວລານັ້ນ ເຊິ່ງໄດ້ສ້າງຄວາມຊົງຈຳອັນເລິກເຊິ່ງໃຫ້ກັບຕົວເມືອງ　ແຫ່ງນີ້. ຈາກການກໍ່ສ້າງພັກຈົນຮອດການ　ພັດທະນາເສດຖະກິດສັງຄົມ, ຈາກການພັດທະນາຕົວເມືອງຈົນຮອດຈິດໃຈປະຈຳຕົວເມືອງ, ແຜນຍຸດທະສາດ　ທີ່ເພິ່ນວາງອອກ, ທັດສະນະສຳຄັນທີ່ເພິ່ນສະເໜີ, ວຽກງານຈຸດສຸມທີ່ເພິ່ນໄດ້ ຊຸກຍູ້ປະຕິບັດໃນປີນັ້ນ, ຈົນມາເຖິງທຸກມື້ນີ້ກໍຍັງໄດ້ນຳພາທິດທາງການ ພັດທະນາຂອງ ຊຽງໄຮ້.

ຕອນບ່າຍວັນທີ 14 ກໍລະກົດ 2022, ໃນໄລຍະສຳຫຼວດກວດກາວຽກງານ ຢູ່ນະຄອນທູລູຟານ ເຊິ່ງໄດ້ຮັບສົມຍານາມວ່າເປັນ “ບ້ານລະແຊັງ”, ທ່ານສີຈິ້ນຜິງໄດ້ເດີນທາງໄປບ້ານຊິ່ນເສີງຊີ່ເມີນ ຕາເສັນຢາເອີ ເມືອງກ່າວຊ່າງ ເພື່ອສຳຫຼວດກວດກາວິສາຫະກິດປຸງແຕ່ງຜະລິດຕະພັນກະສິກຳ.ຍຸດທະສາດການພັດທະນາຊົນນະບົດໃຫ້ຈະເລີນກຳລັງຈັດຕັ້ງປະຕິບັດໄປຢ່າງເປັນຂະບວນຟົດຟື້ນ, ໃນນີ້ ການພັດທະນາອຸດສາຫະກຳກໍແມ່ນຂອດສຳຄັນອັນໜຶ່ງ.

ເຂດປົກຄອງຕົນເອງອຸຍເກີຊິ່ນຈ່ຽງ ຫຼືເອີ້ນຫຍໍ້ວ່າ ຊິ່ນຈ່ຽງ ຕັ້ງຢູ່ທາງພາກຕາເວັນຕົກສຽງເໜືອຂອງຈີນ. ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດຈີນໄດເອົາໃຈໃສ່ການສ້າງສາແລະພັດທະນາຊິ່ນຈ່ຽງມາໂດຍຕະຫຼອດ, ເພິ່ນເຄີຍເດີນທາງໄປສຳຫຼວດກວດກາວຽກງານຢູ່ຊິ່ນຈ່ຽງຫຼາຍເທື່ອ. ເມື່ອບໍ່ດົນມານີ້ ຄື ລະຫວ່າງວັນທີ 12 ຫາວັນທີ 15 ກໍລະກົດ 2022, ທ່ານສີຈິ້ນຜິງໄດ້ເດີນທາງໄປຢ້ຽມຢາມຊິ່ນຈ່ຽງອີກຄັ້ງໜຶ່ງໂດຍໄດ້ລົງໄປສຳຫຼວດກວດກາວຽກງານຢູ່ໂຮງຮຽນ, ຫໍພິພິທະພັນ, ເຂດຊົນນະບົດແລະອື່ນໆ. ຕໍ່ໄປແມ່ນເລື່ອງລາວທີ່ໜ້າປະທັບໃຈກ່ຽວກັບທ່ານສີຈິ້ນຜິງຢ້ຽມຢາມຊິ່ນຈ່ຽງໃນຄັ້ງນີ້.