ກົດລະບຽບຂອງພັກກອມມູນິດຈີນ
(GMT+08:00) 2012-11-16 16:56:32 cri
ມາດຕາ 7 ຜູ້ທີ່ເຂົ້າເປັນສະມາຊິກພັກຕ້ອງໄດ້ຜ່ານສະໄໝສຳຮອງໜຶ່ງປີ. ການຈັດຕັ້ງພັກຄວນສຶກສາອົບຮົມແລະທົດສອບສະມາຊິກພັກສຳຮອງຢ່າງຈິງຈັງ.
ສະມາຊິກພັກສຳຮອງມີພັນທະເທົ່າກັນກັບສະມາຊິກພັກສົມບູນ. ສະມາຊິກພັກສຳຮອງບໍ່ມີສິດລົງຄະແນນສຽງຕົກລົງວຽກງານຂອງພັກ, ບໍ່ມີສິດເລືອກຕັ້ງແລະສະໝັກຮັບເລືອກຕັ້ງເຂົ້າໃນການນຳຂອງພັກທຸກຂັ້ນ, ນອກນັ້ນ, ແມ່ນມີສິດຄືກັນກັບສະມາຊິກພັກສົມບູນ.
ເມື່ອສະມາຊິກພັກສຳຮອງຜ່ານສະໄໝສຳຮອງໜຶ່ງປີແລ້ວ, ໜ່ວຍພັກຄວນຮີີບຮ້ອນຈັດພິທີພິຈາ ລະນາວ່າ, ຜູ້ກ່ຽວໄດ້ຕາມມາດຖານແລະສາມາດເລື່ອນເປັນສະມາຊິກພັກສົມບູນໄດ້ຫຼືບໍ່. ປະຕິບັດພັນທະຂອງສະມາຊິກພັກຢ່າງແທ້ຈິງ, ໄດ້ຕາມມາດຖານສະມາຊິກພັກ, ຄວນເລື່ອນເປັນສະມາຊິກພັກສົມບູນຕາມເວລາກຳນົດ; ຕ້ອງການສືບຕໍ່ທົດສອບແລະສຶກສາອົບຮົມ, ສາມາດຕໍ່ສະໄໝສຳຮອງ, ແຕ່ບໍ່ສາມາດກາຍໜຶ່ງປີ; ບໍ່ປະຕິບັດຕາມພັນທະຂອງສະມາຊິກພັກ, ບໍ່ໄດ້ຕາມມາດຖານຂອງສະມາຊິກພັກ, ຄວນຍົກເລີກຄຸນລັກສະນະເປັນສະມາຊິກພັກສຳຮອງ. ສະມາຊິກພັກສຳຮອງເລື່ອນເປັນສະມາ ຊິກພັກສົມບູນ, ຫຼືຕໍ່ສະໄໝສຳຮອງ, ຫຼືຍົກເລີກຄຸນລັກສະນະສະມາຊິກພັກສຳຮອງ, ລ້ວນແຕ່ຄວນ ພິຈາລະນາແລະຜ່ານໃນກອງປະຊຸມໃຫຍ່ໜ່ວຍພັກ ແລະໄດ້ຮັບການອະນຸມັດຈາກຄະນະພັກຂັ້ນເທິງຖັດຕົນ.
ສະໄໝສຳຮອງຂອງສະມາຊິກພັກສຳຮອງ ແມ່ນໃຫ້ນັບແຕ່ມື້ກອງປະຊຸມໃຫຍ່ໜ່ວຍພັກຮັບເອົາເປັນສະມາຊິກພັກສຳຮອງ. ການກຳນົດອາຍຸພັກ ແມ່ນໃຫ້ນັບແຕ່ມື້ອອກມະຕິຕົກລົງອະນຸມັດເລື່ອນເປັນສະມາຊິກພັກສົມບູນເປັນຕົ້ນໄປ.
ມາດຕາ 8 ສະມາຊິກພັກທຸກຖ້ວນໜ້າ, ບໍ່ວ່າຖານະຕຳແໜ່ງສູງຫຼືຕ່ຳ, ລ້ວນແຕ່ຕ້ອງຈັດເຂົ້າໃນຄະນະພັກ, ໜ່ວຍພັກຫຼືການຈັດຕັ້ງພິເສດອື່ນໆຂອງພັກ, ເຂົ້າຮ່ວມຊີວິດພັກ, ຮັບເອົາການຕິດຕາມຂອງສະມາຊິກພັກແລະມະຫາຊົນ. ພະນັກງານການນຳຂອງພັກຍັງຕ້ອງເຂົ້າຮ່ວມຊີວິດປະຊາທິປະໄຕຂອງຄະນະພັກແລະໜ່ວຍພັກ. ບໍ່ອະນຸຍາດໃຫ້ມີສະມາຊິກພັກພິເສດທີ່ບໍ່ເຂົ້າຮ່ວມຊີວິດຈັດຕັ້ງຂອງພັກແລະບໍ່ຮັບເອົາການຕິດຕາມຂອງສະມາຊິກພັກແລະມະຫາຊົນ.
ມາດຕາ 9 ສະມາຊິກພັກມີສິດລາອອກຈາກພັກ. ສະມາຊິກພັກຂໍລາອອກຈາກພັກ, ຄວນຈັດກອງປະຊຸມໃຫຍ່ໜ່ວຍພັກພິຈາລະນາແລ້ວປະກາດລຶບຊື່, ແລະລາຍງານຕໍ່ການຈັດຕັ້ງພັກຂັ້ນເທິງຖັດຕົນ.
ສະມາຊິກພັກຂາດສິນທຳປະຕິວັດ, ບໍ່ປະຕິບັດຕາມພັນທະຂອງສະມາຊິກພັກ, ບໍ່ສອດຄ່ອງກັບມາດຖານຂອງສະມາຊິກພັກ, ໜ່ວຍພັກຄວນດຳເນີນການສຶກສາອົບຮົມຕໍ່ລາວ, ແລະຮຽກຮ້ອງໃຫ້ລາວປັບປຸງຕາມເວລາກຳນົດ; ຜ່ານຈາກການສຶກສາອົບຮົມແລ້ວບໍ່ມີການປ່ຽນແປງ, ຄວນຕັກເຕືອນໃຫ້ລາວລາອອກຈາກພັກ. ຕັກເຕືອນສະມາຊິກພັກລາອອກຈາກພັກ, ຄວນພິຈາລະນາແລະຜ່ານໃນກອງປະຊຸມໃຫຍ່ໜ່ວຍພັກ, ແລະໄດ້ຮັບການອະນຸມັດຈາກຄະນະພັກຂັ້ນເທິງຖັດຕົນ. ຖ້າສະມາຊິກພັກທີ່ຖືກຕັກເຕືອນໃຫ້ລາອອກຈາກພັກແຕ່ຍຶດໝັ້ນບໍ່ລາອອກຈາກພັກ, ຄວນນຳສະເໜີໃຫ້ພິຈາລະນາໃນກອງປະຊຸມໃຫຍ່ໜ່ວຍພັກ, ຕົກລົງລຶບຊື່ຂອງລາວອອກຈາກພັກ, ແລະລາຍງານໃຫ້ຄະນະພັກຂັ້ນເທິງຖັດຕົນອະນຸມັດ.
ຖ້າບໍ່ມີສາເຫດສົມເຫດສົມຜົນ, ສະມາຊິກພັກບໍ່ເຂົ້າຮ່ວມຊີວິດພັກເປັນເວລາຫົກເດືອນລຽນຕິດ, ຫຼືບໍ່ເສຍເງິນສະຕິພັກ, ຫຼືບໍ່ເຮັດວຽກງານທີ່ພັກມອບໝາຍໃຫ້, ກໍຖືວ່າແມ່ນລາອອກຈາກພັກດ້ວຍຕົນເອງ. ກອງປະຊຸມໃຫຍ່ໜ່ວຍພັກຄວນຕົກລົງລຶບຊື່ຂອງສະມາຊິກພັກແບບນີ້, ແລະລາຍງານໃຫ້ຄະນະພັກຂັ້ນເທິງຖັດຕົນອະນຸມັດ.
