ກົດລະບຽບຂອງພັກກອມມູນິດຈີນ
(GMT+08:00) 2012-11-16 16:56:32 cri
ໝວດທີ Ⅰ
ກ່ຽວກັບສະມາຊິກພັກ
ມາດຕາ1: ກຳມະກອນ, ຊາວກະສິກອນ, ທະຫານ, ປັນຍາຊົນ ແລະຜູ້ທີ່ກ້າວໜ້າໃນຊັ້ນຄົນຕ່າງໆໃນສັງຄົມ ທີ່ເປັນພົນລະເມືອງຈີນທີ່ອາຍຸເຕັມ 18 ປີ, ຍິນດີປະຕິບັດກົດລະບຽບ ແລະ ໂຄງການການເມືອງຂອງພັກ, ຍິນດີເຂົ້າຮ່ວມອົງການຈັດຕັ້ງພັກໃດໜຶ່ງແລະເຮັດວຽກໃນອົງການນັ້ນຢ່າງຂະ ຫຍັນຫ້າວຫັນ, ປະຕິບັດມະຕິຕົກລົງຂອງພັກແລະເສຍເງິນສະຕິພັກຕາມເວລາກຳນົດ, ສາມາດຮ້ອງຂໍເຂົ້າຮ່ວມພັກກອມມູນິດຈີນໄດ້.
ມາດຕາ2: ສະມາຊິກພັກກອມມູນິດຈີນແມ່ນນັກຮົບນຳໜ້າທີ່ມີຄວາມຕື່ນຕົວທາງດ້ານກອມມູນິດ ຂອງຊົນຊັ້ນກຳມະກອນຂອງຈີນ.
ສະມາຊິກພັກກອມມູນິດຈີນຕ້ອງສຸມຈິດສຸມໃຈຮັບໃຊ້ປະຊາຊົນ, ຍອມເສຍສະຫຼະທຸກສິ່ງທຸກຢ່າງຂອງຕົນ, ບຸກບືນສູ້ຊົນຕະຫຼອດຊີວິດເພື່ອບັນລຸກອມມູນິດ.
ສະມາຊິກພັກກອມມູນິດຈີນ ແມ່ນຄົນທຳມະດາຄົນໜຶ່ງຂອງປະຊາຊົນຊາວຜູ້ອອກແຮງງານຈົນເທົ່າໃດໆ. ນອກຈາກຜົນປະໂຫຍດສ່ວນຕົວແລະສິດໜ້າທີ່ຕຳແໜ່ງທີ່ລະບຸໄວ້ໃນກົດໝາຍແລະນະໂຍ ບາຍແລ້ວ, ສະມາຊິກພັກໝົດທຸກຄົນລ້ວນແຕ່ບໍ່ສາມາດສະແຫວງຫາຜົນປະໂຫຍດສ່ວນຕົວແລະສິດ ທິພິເສດຂອງຕົນແຕ່ຢ່າງໃດ.
ມາດຕາ3: ສະມາຊິກພັກຕ້ອງປະຕິບັດພັນທະຄືດັ່ງລຸ່ມນີ້:
1. ຕັ້ງໜ້າຮ່ຳຮຽນລັດທິມາກ-ເລນິນ, ແນວຄິດເໝົາເຈີຕົງ, ທິດສະດີເຕິງສຽວຜິງ, ແນວຄິດສຳຄັນ "ສາມຕົວແທນ" ແລະທັດສະນະພັດທະນາແບບວິທະຍາສາດ, ຮ່ຳຮຽນແນວຄິດ, ທິດທາງ, ແຜນນະໂຍ ບາຍແລະມະຕິຂອງພັກ, ຮ່ຳຮຽນຄວາມຮູ້ລະດັບພື້ນຖານຂອງພັກ, ຮ່ຳຮຽນວິທະຍາສາດ, ວັດທະນະ ທຳ, ກົດໝາຍແລະຄວາມຮູ້ດ້ານວິຊາການ, ພະຍາຍາມຍົກສູງຄວາມສາມາດເພື່ອຮັບໃຊ້ປະຊາຊົນ.
2. ຜັນຂະຫຍາຍແລະປະຕິບັດແນວທາງພື້ນຖານ, ທິດທາງແລະແຜນນະໂຍບາຍທຸກລະດັບ ຂອງພັກ, ນຳໜ້າເຂົ້າຮ່ວມການປະຕິຮູບໄຂປະຕູສູ່ພາຍນອກແລະ ການສ້າງສາສັງຄົມນິຍົມແບບທັນສະໄໝ, ປຸກລະດົມມະຫາຊົນບາກບັ່ນສູ້ຊົນເພື່ອການພັດທະນາເສດຖະກິດແລະຄວາມກ້າວໜ້າຂອງສັງຄົມ, ເສີມຂະຫຍາຍບົດບາດນຳໜ້າທີ່ເປັນແບບຢ່າງໃນການຜະລິດ, ວຽກງານ, ການຮ່ຳຮຽນແລະຊີວິດໃນສັງຄົມ.
3. ຍຶດໝັ້ນຜົນປະໂຫຍດຂອງພັກແລະປະຊາຊົນຢູ່ເໜືອກວ່າທຸກສິ່ງທຸກຢ່າງ, ຜົນປະໂຫຍດສ່ວນຕົວຢູ່ໃຕ້ຜົນປະໂຫຍດຂອງພັກແລະປະຊາຊົນ, ທຳການບາກບັ່ນສູ້ຊົນກ່ອນ, ຈຶ່ງມີການຊົມໃຊ້ຕາມພາຍຫຼັງ, ອຸທິດຕົນເອງໃຫ້ແກ່ສ່ວນລວມດ້ວຍຈິດໃຈທີ່ມຸ່ງໝັ້ນ, ທຳການປະກອບສ່ວນໃຫ້ຫຼາຍ.
4. ເປັນເຈົ້າການເຄົາລົບລະບຽບວິໄນຂອງພັກ, ເປັນແບບຢ່າງໃນການເຄົາລົບລະບຽບກົດໝາຍຂອງລັດ, ຮັກສາຄວາມລັບຂອງພັກແລະລັດຢ່າງເຂັ້ມງວດ, ປະຕິບັດມະຕິຕົກລົງຂອງພັກ, ປະຕິບັດຕາມການແບ່ງປັນໜ້າທີ່ຂອງການຈັດຕັ້ງ, ຕັ້ງໜ້າເຮັດຫຼ້ອນໜ້າທີ່ທີ່ພັກມອບໝາຍໃຫ້.
5. ປົກປັກຮັກສາຄວາມສາມັກຄີແລະການເປັນເອກະພາບຂອງພັກ, ຈົງຮັກພັກດີແລະສັດຊື່ຕໍ່ພັກ, ກິລິຍາກັບວາຈາຕົງກັນ, ເດັດດ່ຽວຄັດຄ້ານການເຄື່ອນໄຫວເປັນພັກພວກແລະເປັນກຸ່ມກ້ອນທີ່ມີລັກສະ ນະແບ່ງແຍກ, ຄັດຄ້ານການກະທຳທີ່ຕໍ່ໜ້າຍອມປະຕິບັດຕາມແຕ່ລັບຫຼັງພັດຝ່າຝືນບໍ່ຍອມປະຕິບັດຕາມ ແລະການກະທຳໃຊ້ກົນອຸບາຍແອບແຝງ.
6. ດຳເນີນການຕິຊົມຕົນເອງແລະຕິຊົມກັນຢ່າງແທ້ຈິງ, ກ້າເປີດເຜີຍແລະດັດແກ້ຂໍ້ບົກຜ່ອງແລະຂໍ້ຜິດພາດໃນໜ້າທີ່ວຽກງານ, ເດັດດ່ຽວຕໍ່ສູ້ກັບປະກົດການຫຍໍ້ທໍ້ຕ່າງໆ.
7. ພົວພັນສະໜິດແໜ້ນກັບປະຊາຊົນ, ໂຄສະນາເຈດຈຳນົງຂອງພັກຕໍ່ປະຊາຊົນ, ປຶກສາຫາລືກັບປະຊາຊົນ, ສ່ອງແສງຄວາມເຫັນແລະຄວາມຕ້ອງການຂອງປະຊາຊົນຕໍ່ພັກຢ່າງທັນການ, ປົກປັກຮັກສາຜົນປະໂຫຍດອັນຊອບທຳຂອງປະຊາຊົນ.
8. ສົ່ງເສີມໂສມໜ້າໃໝ່ຂອງສັງຄົມນິຍົມ, ນຳໜ້າລົງປະຕິບັດຕົວຈິງຕາມທັດສະນະທີ່ສົ່ງເສີມສິ່ງຍອດຍິ່ງແລະຕີຕ້ານສິ່ງອັບປະຍົດຂອງສັງຄົມນິຍົມ,ລິເລີ່ມ ຄຸນສົມບັດກອມມູນິດ, ໃນເວລາປະສົບກັບຄວາມຫຍຸ້ງຍາກແລະໄພອັນຕະລາຍ, ກ້າຕໍ່ສູ້ຢ່າງພິລະອາດຫານແລະຍອມເສຍສະຫຼະເພື່ອປົກປັກຮັກສາຜົນປະໂຫຍດຂອງຊາດແລະປະຊາຊົນ.
