ກົດລະບຽບຂອງພັກກອມມູນິດຈີນ
(GMT+08:00) 2012-11-16 16:56:32 cri
ໝວດທີⅦ
ວິໄນຂອງພັກ
ມາດຕາ37 ວິໄນຂອງພັກແມ່ນກົດລະບຽບທີ່ການຈັດຕັ້ງທຸກຂັ້ນແລະສະມາຊິກພັກທຸກສະຫາຍຕ້ອງປະຕິບັດຕາມຢ່າງເຂັ້ມງວດ, ເປັນສິ່ງຄ້ຳປະກັນເພື່ອປົກປັກຮັກສາຄວາມສາມັກຄີ, ເອກະພາບແລະສຳເລັດໜ້າທີ່ວຽກງານຂອງພັກ. ການຈັດຕັ້ງຂອງພັກຕ້ອງປະຕິບັດຕາມແລະປົກປ້ອງວິໄນຂອງພັກຢ່າງເຂັ້ມງວດ, ສະມາຊິກພັກກອມມູນິດຕ້ອງປະຕິບັດຕາມວິໄນຂອງພັກແບບຕື່ນຕົວ.
ມາດຕາ38 ສຳລັບສະມາຊິກພັກທີ່ຜິດກັບວິໄນຂອງພັກ, ການຈັດຕັ້ງຂອງພັກຄວນຢູ່ບົນຈິດໃຈທີ່ລົງໂທດຄົນກ່ອນເພື່ອເປັນແບບຢ່າງໃຫ້ແກ່ຄົນຕາມຫຼັງແລະກອບກູ້ກ່ອນການລົງໂທດ, ອີງຕາມລັກ ສະນະແລະລະດັບຄວາມຜິດພາດ, ຕິຕຽນ, ສຶກສາສັ່ງສອນ, ຈົນເຖິງລົງວິໄນ.
ສະມາຊິກພັກທີ່ລະເມີດກົດໝາຍກົດລະບຽບຢ່າງໜັກໜ່ວງ ຕ້ອງເອົາອອກຈາກພັກ.
ຢູ່ພາຍໃນພັກ, ຫ້າມໃຊ້ວິທີທີ່ລະເມີດກົດລະບຽບຂອງພັກແລະກົດໝາຍຂອງລັດຕໍ່ສະມາຊິກພັກຢ່າງເຂັ້ມງວດ, ຫ້າມກະທຳການໂຈມຕີຕອບໂຕ້ແລະໃສ່ຮ້າຍປ້າຍສີຢ່າງເຂັ້ມງວດ. ການຈັດຕັ້ງພັກຫຼືສະມາຊິກພັກທີ່ລະເມີດຂໍ້ກຳນົດເຫຼົ່ານີ້ ຕ້ອງໄດ້ຮັບການລົງວິໄນຂອງພັກແລະການລົງໂທດຕາມກົດ ໝາຍຂອງລັດ.
ມາດຕາ39 ການລົງວິໄນຂອງພັກມີ5ປະເພດ: ກ່າວເຕືອນ, ກ່າວເຕືອນຢ່າງໜັກໜ່ວງ, ປົດຕຳແໜ່ງພາຍໃນພັກ, ໂຈະການຮ່ວມຊີວິດພັກຊົ່ວຄາວເພື່ອສຶກສາອົບຮົມ ແລະເອົາອອກຈາກພັກ.
ໂຈະການຮ່ວມຊີວິດພັກສູງສຸດບໍ່ໃຫ້ເກີນ 2 ປີ. ໃນໄລຍະໂຈະການຮ່ວມຊີວິດພັກ, ບໍ່ມີສິດລົງຄະແນນສຽງ, ສິດເລືອກຕັ້ງແລະສິດຮັບເລືອກຕັ້ງ. ພາຍຫຼັງສະມາຊິກພັກໄດ້ຜ່ານໄລຍະໂຈະການຮ່ວມຊີວິດພັກແລະຖືກຢັ້ງຢືນວ່າໄດ້ແກ້ໄຂຄວາມຜິດເປັນຖືກແລ້ວ, ຄວນຟື້ນຟູສິດເປັນສະມາຊິກພັກ; ຍຶດ ໝັ້ນບໍ່ແກ້ໄຂຄວາມຜິດ, ຄວນເອົາອອກຈາກພັກ.
ເອົາອອກຈາກພັກແມ່ນການລົງວິໄນສູງສຸດພາຍໃນພັກ. ໃນຂະນະທີ່ການຈັດຕັ້ງຂັ້ນຕ່າງໆຂອງພັກຕົກລົງຫຼືອະນຸມັດເອົາສະມາຊິກພັກອອກຈາກພັກ, ຄວນຄົ້ນຄວ້າເອກະສານແລະຄວາມເຫັນທີ່ກ່ຽວຂ້ອງຢ່າງຮອບດ້ານ, ໃຊ້ທ່າທີທີ່ສຸຂຸມຮອບຄອບ.
ມາດຕາ40 ການຕົກລົງວິໄນຕໍ່ສະມາຊິກພັກ, ຕ້ອງແມ່ນກອງປະຊຸມໃຫຍ່ໜ່ວຍພັກພິຈາລະນາແລະອອກມະຕິ, ລາຍງານຕໍ່ຄະນະກຳມະການຮາກຖານພັກເພື່ອອະນຸມັດ; ຖ້າມີບັນຫາທີ່ສຳຄັນຫຼືສັບສົນ, ຫຼືເອົາສະມາຊິກພັກອອກຈາກພັກ, ຄວນອີງຕາມສະພາບທີ່ຕ່າງກັນ, ລາຍງານຕໍ່ຄະນະກຳມະການກວດກາວິໄນຂັ້ນເມືອງຫຼືຂັ້ນເມືອງຂຶ້ນໄປຂອງພັກເພື່ອສຳຫຼວດພິຈາລະນາແລະອະນຸມັດ. ພາຍໃຕ້ສະພາບການພິເສດ, ຄະນະກຳມະການແລະຄະນະກຳມະການກວດກາວິໄນຂອງພັກລະດັບເມືອງແລະລະດັບເມືອງຂຶ້ນໄປມີສິດຕົກລົງວິໄນຕໍ່ສະມາຊິກພັກໃນທາງກົງ.
ຖ້າປົດຕຳແໜ່ງພາຍໃນພັກ, ໂຈະການຮ່ວມຊີວິດພັກຊົ່ວຄາວຫຼືລົງວິໄນເອົາອອກຈາກພັກຕໍ່ກຳມະການ ຫຼື ກຳມະການສຳຮອງຂອງຄະນະກຳມະການສູນກາງແລະຄະນະກຳມະການຂັ້ນຕ່າງໆຢູ່ທ້ອງຖິ່ນຂອງພັກ, ຕ້ອງໄດ້ຮັບສຽງສະໜັບສະໜູນ2ສ່ວນ3ຂຶ້ນໄປໃນກອງປະຊຸມຄົບຄະນະຂອງຄະ ນະກຳມະການຂັ້ນຕົນ. ພາຍໃຕ້ສະພາບການພິເສດ, ສາມາດໃຫ້ຄະນະປະຈຳກົມການເມືອງສູນກາງແລະຄະນະປະຈຳຄະນະກຳມະການຂັ້ນຕ່າງໆຂອງທ້ອງຖິ່ນຊຳລະແກ້ໄຂແລະອອກຮ່າງມະຕິ, ແລ້ວຮຽກໂຮມກອງປະຊຸມຄົບຄະນະແລ້ວຈິ່ງຜ່ານມະຕິ. ການຕົກລົງວິໄນດັ່ງກ່າວຕໍ່ກຳມະການແລະກຳມະ ການສຳຮອງຂອງຄະນະກຳມະການຂັ້ນຕ່າງໆຂອງທ້ອງຖິ່ນ, ຕ້ອງໄດ້ຮັບການອະນຸມັດຈາກຄະນະກຳມະການຂັ້ນເທິງຖັດຕົນ.
ກຳມະການແລະກຳມະການສຳຮອງສູນກາງທີ່ລະເມີດກົດໝາຍອາຍາຢ່າງໜັກໜ່ວງ, ໃຫ້ກົມການເມືອງສູນກາງອອກມະຕິເອົາອອກຈາກພັກ; ກຳມະການແລະກຳມະການສຳຮອງຂອງຄະນະກຳ ມະການຂັ້ນຕ່າງໆຂອງທ້ອງຖິ່ນທີ່ລະເມີດກົດໝາຍແລະອາຍາຢ່າງໜັກໜ່ວງ, ໃຫ້ຄະນະປະຈຳຄະນະ ກຳມະການຂັ້ນຕົນເປັນຜູ້ອອກມະຕິເອົາອອກຈາກພັກ.
ມາດຕາ41 ການຈັດຕັ້ງຂອງພັກອອກມະຕິລົງວິໄນສາມາຊິກພັກ, ຄວນສຳຫຼວດສະພາບຕົວຈິງຢ່າງແທ້ຈິງ. ຂໍ້ມູນຕົວຈິງທີ່ເປັນຫຼັກອ້າງອີງຂອງການຕົກລົງວິໄນແລະການຕົກລົງວິໄນຕ້ອງພົບໜ້າສະມາຊິກພັກ, ຮັບຟັງການອະທິບາຍແລະຄຳແກ້ຕົວຂອງຜູ້ກ່ຽວ. ຖ້າຜູ້ກ່ຽວບໍ່ຍອມຮັບຕໍ່ການຕົກລົງວິໄນ, ສາມາດເວົ້າແກ້ຕົວ, ການຈັດຕັ້ງພັກທີ່ກ່ຽວຂ້ອງຕ້ອງຮັບຜິດຊອບຊຳລະແກ້ໄຂຫຼືມອບໝາຍຢ່າງວ່ອງໄວ, ຫ້າມບໍ່ໃຫ້ກີດກັ້ນ. ສຳລັບຜູ້ທີ່ຍຶດໝັ້ນຄວາມເຫັນຜິດພາດແລະມີຄວາມຮຽກຮ້ອງໄຮ້ເຫດ ຜົນ, ຕ້ອງກ່າວຕິຕຽນແລະສຶກສາອົບຮົມ.
ມາດຕາ42 ການຈັດຕັ້ງຂອງພັກຖ້າລະເຫຼີງໜ້າທີ່ໃນການປົກປ້ອງລະບຽບວິໄນຂອງພັກ, ຕ້ອງໄດ້ຮັບຜິດຊອບຕໍ່ຄວາມຜິດພາດຂອງຕົນ.
ສຳລັບການຈັດຕັ້ງພັກທີ່ຜິດກັບວິໄນພັກຢ່າງໜັກໜ່ວງແລະບໍ່ສາມາດດັດແປງປັບປຸງຕົນເອງ, ພາຍຫຼັງຄະນະກຳມະການຂັ້ນເທິງຂອງພັກສຳຫຼວດຢືນຢັນແລ້ວ, ຄວນອີງຕາມລະດັບຂອງການກະ ທຳຜິດ, ອອກມະຕິດັດແປງປັບປຸງຫຼືຍຸບ, ແລະລາຍງານຄະນະກຳມະການຂັ້ນເທິງອີກຂັ້ນໜຶ່ງສຳຫຼວດ ພິຈາລະນາແລະອະນຸມັດ, ແລ້ວອອກມະຕິປະຕິບັດຢ່າງເປັນທາງການ.
