ກົດລະບຽບຂອງພັກກອມມູນິດຈີນ
(GMT+08:00) 2012-11-16 16:56:32 cri
ມາດຕາ32 ຄະນະກຳມະການຮາກຖານພັກຢູ່ຖະໜົົນ, ຕາແສງແລະການຈັດຕັ້ງພັກຢູ່ບ້ານແລະຄຸ້ມເຮືອນຢູ່, ນຳພາວຽກງານຂອງທ້ອງຖິ່ນຕົນ, ສະໜັບສະໜູນແລະຮັບປະກັນອົງການປົກຄອງທາງບໍລິຫານ, ອົງການຈັດຕັ້ງເສດຖະກິດແລະອົງການປົກຄອງຕົນເອງທີ່ມະຫາຊົນສ້າງຕັ້ງຂຶ້ນ ປະຕິບັດສິດແລະໜ້າທີ່ຂອງຕົນຢ່າງເຕັມສ່ວນ.
ການຈັດຕັ້ງຮາກຖານພັກໃນລັດວິສາຫະກິດແລະວິສາຫະກິດຮວມໝູ່, ເສີມຂະຫຍາຍບົດບາດເປັນໃຈກາງທາງການເມືອງດຳເນີນວຽກງານໂດຍປິ່ນອ້ອມການຜະລິດແລະການທຸລະກິດຂອງວິສາຫະກິດ. ຮັບປະກັນຕິດຕາມການປະຕິບັດທິດທາງນະໂຍບາຍຂອງພັກແລະລັດໃນວິສາຫະກິດຕົນ; ສະ ໜັບສະໜູນສະພາຜູ້ຖືຫຸ້ນ, ສະພາບໍລິຫານບໍລິສັດ, ສະພາຕິດຕາມກວດກາແລະຜູ້ອຳນວຍການໃຫຍ່ແລະເຈົ້າຂອງໂຮງງານປະຕິບັດສິດຕຳແໜ່ງຕາມກົດໝາຍ; ອີງອາໄສຜູ້ອອກແຮງງານແລະມະຫາຊົນຢ່າງສຸດອົກສຸດໃຈ, ສະໜັບສະໜູນກອງປະຊຸມຜູ້ແທນຂອງພະນັກງານດຳເນີນວຽກງານ; ເຂົ້າຮ່ວມ ການຕັດສິນບັນຫາສຳຄັນຂອງວິສາຫະກິດ; ເພີ່ມທະວີການກໍ່ສ້າງອົງການພັກຕົນເອງ, ນຳພາວຽກງານແນວຄິດການເມືອງ, ການສ້າງສາອະລິຍະທຳທາງຈິດໃຈແລະນຳພາກຳມະບານ, ຄະນະຊາວໜຸ່ມກອມມູນິດແລະອົງການຈັດຕັ້ງມະຫາຊົນອື່ນໆ.
ການຈັດຕັ້ງຮາກຖານພັກໃນອົງກອນເສດຖະກິດບໍ່ແມ່ນກຳມະສິດສ່ວນລວມ, ປະຕິບັດຕາມທິດທາງນະໂຍບາຍຂອງພັກ, ຊັກນຳແລະຕິດຕາມວິສາຫະກິດປະຕິບັດຕາມກົດໝາຍກົດບັນຍັດຂອງລັດ, ນຳພາກຳມະບານ, ຄະນະຊາວໜຸ່ມແລະອົງການຈັດຕັ້ງມະຫາຊົນອື່ນໆ, ສາມັກຄີຜູ້ອອກແຮງງານແລະມະຫາຊົນເປັນເອກະພາບກັນ, ປົກປ້ອງຜົນປະໂຫຍດຊອບກົດໝາຍຂອງຝ່າຍຕ່າງໆ, ຊຸກຍູ້ໃຫ້ວິສາຫະກິດພັດທະນາຢ່າງປອດໃສ.
ການຈັດຕັງຮາກຖານພັກໃນໜ່ວຍງານວິຊາການທີ່ປະຕິບັດລະບຽບການຫົວໜ້າບໍລິຫານຮັບ ຜິດຊອບ, ເສີມຂະຫຍາຍບົດບາດແກນກາງທາງການເມືອງ. ການຈັດຕັ້ງຮາກຖານພັກໃນໜ່ວຍງານວິຊາການທີ່ປະຕິບັດລະບຽບການຫົວໜ້າບໍລິຫານເປັນຜູ້ຮັບຜິດຊອບ ພາຍໃຕ້ການນຳພາຂອງຄະນະພັກ, ດຳເນີນການພິຈາລະນາແລະອອກມະຕິຕໍ່ບັນຫາສຳຄັນ, ພ້ອມກັນນັ້ນ, ຮັບປະກັນໃຫ້ຫົວໜ້າບໍລິຫານປະຕິບັດສິດຕຳແໜ່ງຂອງຕົນຢ່າງເຕັມສ່ວນ.
ການຈັດຕັ້ງຮາກຖານພັກໃນອົງການຈັດຕັ້ງພັກແລະລັດທຸກຂັ້ນ, ປະສານງານແລະຊ່ວຍເຫຼືອຜູ້ຮັບຜິດຊອບທາງບໍລິຫານເພື່ອສຳເລັດໜ້າທີ່, ປັບປຸງວຽກງານໃຫ້ດີຂຶ້ນ, ຕິດຕາມສະມາຊິກພັກທຸກສະຫາຍ ເຊິ່ງລວມທັງຜູ້ຮັບຜິດຊອບທາງບໍລິຫານ, ບໍ່ນຳພາວຽກງານວິຊາການຂອງໜ່ວຍງານຕົນ.
