ກົດລະບຽບຂອງພັກກອມມູນິດຈີນ
(GMT+08:00) 2012-11-16 16:56:32 cri
ໜັງສືພິມແລະເຄື່ອງມືໂຄສະນາອື່ນໆຂອງການຈັດຕັ້ງພັກທຸກຂັ້ນ ຕ້ອງໂຄສະນາແນວທາງ, ທິດທາງ, ນະໂຍບາຍແລະມະຕິຂອງພັກ.
ມາດຕາ16 ການຈັດຕັ້ງຂອງພັກພິຈາລະນາແລະອອກມະຕິ, ຕ້ອງປະຕິບັດຕາມຫຼັກການທີ່ສຽງສ່ວນໜ້ອຍຂຶ້ນກັບສຽງສ່ວນຫຼາຍ. ອອກມະຕິຕໍ່ບັນຫາສຳຄັນ, ຕ້ອງດຳເນີນການລົງຄະແນນສຽງ. ສຳ ລັບຄວາມເຫັນຕ່າງກັນຂອງສຽງສ່ວນໜ້ອຍ, ຄວນພິຈາລະນາຢ່າງລະ ອຽດ. ຖ້າເກີດມີຄວາມຂັດແຍ່ງກັນກ່ຽວກັບບັນຫາສຳຄັນ, ມີຈຳນວນສຽງຕ່າງກັນເທົ່າທຽມກັນ, ຄວນເລື່ອນເວລາອອກມະຕິເວັ້ນແຕ່ພາຍໃຕ້ສະພາບສຸກເສີນຈິ່ງປະຕິບັດຕາມສຽງສ່ວນຫຼາຍ, ຄວນສຳຫຼວດຄົ້ນຄວ້າຕື່ມອີກ, ແລກປ່ຽນຄວາມເຫັນກັນ, ອອກມະຕິໃນຂັ້ນຕໍ່ໄປ; ພາຍໃຕ້ສະພາບການພິເສດ, ກໍສາມາດລາຍງານສະພາບຂັດແຍ່ງກັນຕໍ່ການຈັດຕັ້ງຂັ້ນເທິງເພື່ອຂໍອະນຸມັດ.
ສະມາຊິກພັກຕາງໜ້າການຈັດຕັ້ງຂອງພັກປະກາດເຈດຈຳນົງສຳຄັນ, ຖ້າໄດ້ກາຍຂອບເຂດທີ່ການຈັດຕັ້ງຂອງພັກກຳນົດໄວ້, ຕ້ອງສະເໜີໃຫ້ການຈັດຕັ້ງພັກຂອງຕົນພິຈາລະນາແລະອອກມະຕິ, ຫຼືຂໍຄວາມຊີ້ແຈງນຳການຈັດຕັ້ງພັກຂັ້ນເທິງ. ສະມາຊິກພັກທຸກສະຫາຍ, ບໍ່ວ່າຖານະຕຳແໜ່ງສູງຕ່ຳ, ລ້ວນແຕ່ບໍ່ສາມາດອອກມະຕິຕໍ່ບັນຫາສຳຄັນແຕ່ຜູ້ດຽວ; ຖ້າພົບເຫັນສະພາບສຸກເສີນ, ຕ້ອງໃຫ້ບຸກຄົນອອກມະຕິ, ຫຼັງເຫດການແລ້ວ, ຕ້ອງລາຍງານຕໍ່ການຈັດຕັ້ງຂອງພັກໂດຍໄວ. ບໍ່ອະນຸຍາດໃຫ້ບຸກຄົນໃດຜະເດັດການແລະມີສະພາບທີ່ບຸກຄົນຢູ່ເໜືອການຈັດຕັງຂອງພັກ.
ມາດຕາ17 ການຈັດຕັງສູນກາງ, ທ້ອງຖິ່ນແລະຮາກຖານຂອງພັກ ຕ້ອງເອົາໃຈໃສ່ນຳການກໍ່ ສ້າງພັກ, ພິຈາລະນາແລະສຳຫຼວດກວດກາວຽກງານໂຄສະນາ, ວຽກງານສຶກສາອົບຮົມ, ວຽກງານຈັດຕັ້ງ, ວຽກງານກວດກາວິໄນ, ວຽກງານມະຫາຊົນ, ວຽກງານແນວໂຮມເອກະພາບແລະອື່ນໆເລື້ອຍໆ, ເອົາໃຈໃສ່ຄົ້ນຄວ້າສະພາບການແນວຄິດການເມືອງພາຍໃນແລະນອກພັກ.
