ກົດລະບຽບຂອງພັກກອມມູນິດຈີນ
(GMT+08:00) 2012-11-16 16:56:32 cri
ໝວດທີⅢ
ການຈັດຕັ້ງຂອງພັກຢູ່ຂັ້ນສູນກາງ
ມາດຕາ18 ກອງປະຊຸມໃຫຍ່ຜູ້ແທນທົ່ວປະເທດ5ປີໃດດຳເນີນເທື່ອໜຶ່ງ, ຮຽກໂຮມໂດຍຄະນະກຳມະການສູນກາງ. ຖ້າຄະນະກຳມະການສູນກາງເຫັນວ່າມີຄວາມຈຳເປັນ, ຫຼືການຈັດຕັ້ງຂັ້ນແຂວງມີ1ສ່ວນ3ຂຶ້ນໄປສະເໜີຄວາມຮຽກຮ້ອງອອກມາ, ສາມາດຮຽກໂຮມກອງປະຊຸມໃຫຍ່ຜູ້ແທນທົ່ວປະເທດກ່ອນເວລາກຳນົດ; ຖ້າບໍ່ມີສະພາບຜິດປົກກະຕິ, ບໍ່ສາມາດເລື່ອນເວລາຈັດກອງປະຊຸມ.
ຈຳນວນແລະວິທີເລືອກຕັ້ງຜູ້ແທນຂອງກອງປະຊຸມໃຫຍ່ຜູ້ແທນທົ່ວປະເທດ, ໃຫ້ຄະນະກຳມະ ການສູນກາງເປັນຜູ້ຕົກລົງ.
ມາດຕາ19 ໜ້າທີ່ກອງປະຊຸມໃຫຍ່ຜູ້ແທນທົ່ວປະເທດຂອງພັກ:
1. ຮັບຟັງແລະສຳຫຼວດຄົ້ນຄວ້າພິຈາລະນາບົດລາຍງານການເມືອງຂອງຄະນະກຳມະການສູນກາງ;
2. ຮັບຟັງແລະສຳຫຼວດຄົ້ນຄວ້າພິຈາລະນາບົດລາຍງານຂອງຄະນະກຳມະການກວດກາວິໄນສູນກາງ;
3. ພິຈາລະນາແລະອອກມະຕິຕໍ່ບັນຫາສຳຄັນຂອງພັກ;
4. ປັບປຸງກົດລະບຽບຂອງພັກ;
5, ເລືອກຕັ້ງຄະນະກຳມະການສູນກາງ;
6 ເລືອກຕັ້ງຄະນະກຳມະການກວດກາວິໄນສູນກາງ;
ມາດຕາ20 ໜ້າທີ່ກອງປະຊຸມຜູ້ແທນທົ່ວປະເທດຂອງພັກ: ພິຈາລະນາແລະອອກມະຕິຕໍ່ບັນຫາສຳຄັນ; ສັບຊ້ອນແລະເພີ່ມຕື່ມສະມາຊິກສ່ວນໜຶ່ງຂອງຄະນະກຳມະການສູນກາງແລະຄະນະກຳມະ ການກວດກາວິໄນສູນກາງ. ສັບຊ້ອນແລະເພີ່ມຕື່ມຈຳນວນກຳມະການສູນກາງແລະກຳມະການສູນກາງສຳຮອງ, ເຊິ່ງຕ່າງບໍ່ສາມາດກາຍ1ສ່ວນ5ຂອງກຳມະການສູນກາງແລະກຳມະການສູນກາງສຳ ຮອງທີ່ເລືອກຕັ້ງຈາກກອງປະຊຸມໃຫຍ່ຜູ້ແທນທົ່ວປະເທດ.
ມາດຕາ21 ກຳມະການສູນກາງຂອງພັກສະໄໝລະ 5 ປີ. ຖ້າມີການຮຽກໂຮມກອງປະຊຸມໃຫຍ່ຜູ້ແທ່ນທົ່ວປະເທດໄວກວ່າ ຫຼື ຊ້າກວ່າ, ສະໄໝກຳມະການສູນກາງພັກກໍຈະປ່ຽນແປງແບບສົມຄູ່ກັນ. ກຳມະການສູນກາງແລະກຳມະການສຳຮອງສູນກາງ ຕ້ອງມີອາຍຸພັກ 5 ປີຂຶ້ນໄປ. ຈຳນວນກຳມະການສູນກາງແລະກຳມະການສຳຮອງສູນກາງ, ແມ່ນກອງປະຊຸມໃຫຍ່ຜູ້ແທນທົ່ວປະເທດເປັນຜູ້ຕົກລົງ. ກຳມະການໃນຄະນະກຳມະການສູນກາງບໍ່ຄົບຈຳນວນ, ຈະເພີ່ມຕື່ມກຳມະການສຳຮອງສູງກາງ ເປັນກຳມະການສູນກາງຕາມລຳດັບໂດຍອີງຕາມການລົງຄະແນນສຽງ.
