ກົດລະບຽບຂອງພັກກອມມູນິດຈີນ
(GMT+08:00) 2012-11-16 16:56:32 cri
ກອງປະຊຸມຄົບຄະນະຂອງຄະນະກຳມະການສູນກາງ ແມ່ນຮຽກໂຮມໂດຍກົມການເມືອງສູນກາງ, ຢ່າງໜ້ອຍຮຽກໂຮມປີລະເທື່ອໜຶ່ງ. ກົມການເມືອງສູນກາງລາຍງານວຽກງານຕໍ່ກອງປະຊຸມຄົບຄະນະຂອງຄະນກຳມະການສູນກາງ, ເພື່ອຮັບເອົາການຕິດຕາມຂອງກອງປະຊຸມຄົບຄະນະ.
ຢູ່ລະຫວ່າງສອງກອງປະຊຸມໃຫຍ່ຜູ້ແທນທົ່ວປະເທດ, ຄະນະກຳມະການສູນກາງປະຕິບັດມະຕິຂອງກອງປະຊຸມໃຫຍ່ຜູ້ແທນທົ່ວປະເທດ, ນຳພາວຽກງານທຸກຢ່າງຂອງພັກ, ແລະຕາງໜ້າພັກກອມມູນິດຈີນຕໍ່ພາຍນອກ.
ມາດຕາ22 ກົມການເມືອງສູນກາງ, ຄະນະກຳມະການປະຈຳກົມການເມືອງສູນກາງແລະເລຂາທິການໃຫຍ່ຄະນະກຳມະການສູນກາງພັກ, ແມ່ນກອງປະຊຸມຄົບຄະນະຂອງຄະນະກຳມະການສູນກາງເປັນຜູ້ເລືອກຕັ້ງ. ເລຂາທິການໃຫຍ່ຄະນະກຳມະການສູນກາງ ຕ້ອງແມ່ນກຳມະການຄະນະກຳມະ ການປະຈຳກົມການເມືອງສູນກາງ.
ກົມການເມືອງສູນກາງແລະຄະນະປະຈຳກົມການເມືອງສູນກາງປະຕິບັດໜ້າທີ່ຂອງຄະນະກຳມະການສູນກາງ ຢູ່ລະຫວ່າງສອງກອງປະຊຸມຄົບຄະນະ.
ຄະນະເລຂາທິການສູນກາງເປັນອົງການປະຈຳການຂອງກົມການເມືອງສູນກາງແລະຄະນະປະຈຳກົມການເມືອງສູນກາງ; ສະມາຊິກຄະນະເລຂາທິການສູນກາງແມ່ນຄະນະປະຈຳກົມການເມືອງສູນກາງສະເໜີຊື່, ແລະຜ່ານໃນກອງປະຊຸມຄົບຄະນະຂອງຄະນະກຳມະການສູນກາງ.
ເລຂາທິການໃຫຍ່ຄະນະກຳມະການສູນກາງຮັບຜິດຊອບຮຽກໂຮມກອງປະຊຸມກົມການເມືອງສູນກາງແລະກອງປະຊຸມຄະນະປະຈຳກົມການເມືອງສູນກາງ, ແລະຮັບຜິດຊອບຊີ້ນຳວຽກງານຂອງຄະນະເລຂາທິການສູນກາງ.
ສະມາຊິກຄະນະກຳມະການການທະຫານສູນກາງພັກ ແມ່ນຄະນະກຳມະການສູນກາງເປັນຜູ້ຕົກລົງ.
ອົງການນຳແລະຜູ້ນຳສູນກາງທີ່ຕົກລົງໂດຍຄະນະກຳມະການສູນກາງ, ຈະສືບຕໍ່ຮັບຜິດຊອບຊີ້ນຳວຽກງານປະຈຳການຂອງພັກໃນໄລຍະຮຽກໂຮມກອງປະຊຸມໃຫຍ່ຜູ້ແທນທົ່ວປະເທດສະໄໝໜ້າ, ຈົນຮອດເວລາທີ່ຄະນະກຳມະການສູນກາງສະໄໝໜ້າ ໄດ້ຕົກລົງອົງການນຳສູນກາງແລະຜູ້ນຳສູນກາງໃໝ່.
ມາດຕາ23 ການຈັດຕັ້ງພັກຂອງກອງທັບປົດປ່ອຍປະຊາຊົນຈີນ, ແມ່ນດຳເນີນວຽກງານຕາມການຊີ້ນຳຂອງຄະນະກຳມະການສູນກາງ. ຄະນະເຮັດວຽກການເມືອງຂອງຄະນະກຳມະການການທະຫານສູນກາງແມ່ນກົມໃຫຍ່ການເມືອງກອງທັບປົດປ່ອຍປະຊາຊົນຈີນ, ກົມໃຫຍ່ການເມືອງຮັບຜິດ ຊອບວຽກງານຂອງພັກແລະວຽກງານການເມືອງຂອງກອງທັບ. ໂຄງປະກອບຈັດຕັ້ງແລະອົງການຈັດຕັ້ງພັກຂອງກອງທັບ, ມ່ນຄະນະກຳມະການການທະຫານສູນກາງເປັນຜູ້ຕົກລົງ.
