ກົດລະບຽບຂອງພັກກອມມູນິດຈີນ
(GMT+08:00) 2012-11-16 16:56:32 cri
ອົງການຈັດຕັ້ງພັກທຸກຂັ້ນເຊິ່ງລວມທັງຂັ້ນສູນກາງ ລ້ວນແຕ່ບໍ່ມີສິດຕັດສິດດັ່ງກ່າວຂອງສະມາ ຊິກພັກ.
ມາດຕາ 5 ຂະຫຍາຍສະມາຊິກພັກ, ຕ້ອງຜ່ານຈາກໜ່ວຍພັກ, ຍຶດໝັ້ນຫຼັກການຮັບເອົາສ່ວນໜຶ່ງເຂົ້າເປັນສະມາຊິກພັກ.
ມະຫາຊົນທີ່ສະໝັກເຂົ້າເປັນສະມາຊິກພັກ, ຕ້ອງຂຽນແລະຍື່ນໃບສະໝັກເຂົ້າພັກດ້ວຍຕົນເອງ, ຕ້ອງມີສະມາຊິກພັກສົມບູນສອງຄົນເປັນຜູ້ນຳສະເໜີ, ຕ້ອງໄດ້ພິຈາລະນາແລະຜ່ານໃນກອງປະຊຸມໃຫຍ່ຂອງໜ່ວຍພັກແລະໄດ້ຮັບການອະນຸມັດຈາກການຈັດຕັ້ງຂັ້ນເທິງຖັດຕົນ, ແລະຜ່ານການທົດສອບໃນສະໄໝສຳຮອງ, ຈິ່ງສາມາດເລື່ອນເປັນສະມາຊິກພັກສົມບູນ.
ຜູ້ນຳສະເໜີຕ້ອງຕັ້ງໜ້າຮັບຮູ້ແນວຄິດ, ຄຸນສົມບັດ, ຊີວະປະຫວັດແລະວຽກງານຕົວຈິງຂອງຜູ້ສະໝັກ, ອະທິບາຍໂຄງການການເມືອງແລະກົດລະບຽບຂອງພັກຕໍ່ຜູ້ສະໝັກ, ອະທິບາຍເງື່ອນໄຂ, ພັນທະແລະສິດຂອງສະມາຊິກພັກ, ແລະລາຍງານຕໍ່ຄະນະພັກດ້ວຍຄວາມຮັບຜິດຊອບ.
ສຳລັບມະຫາຊົນທີ່ສະໝັກເຂົ້າເປັນສະມາຊິກພັກ, ກຳມະການຂອງຄະນະພັກຕ້ອງຮຽກໂຮມຄວາມເຫັນຂອງສະມາຊິກພັກແລະມະຫາຊົນ, ດຳເນີນການສຳຫຼວດຢາງເຂັ້ມງວດ, ເຫັນວ່າໄດ້ຕາມມາດຖານແລ້ວຈິ່ງສະເໜີໃຫ້ກອງປະຊຸມໃຫຍ່ຄະນະພັກພິຈາລະນາ.
ກ່ອນທີ່ຄະນະພັກຂັ້ນເທິງອະນຸມັດໃຫ້ຜູ້ສະໝັກເຂົ້າເປັນສະມາຊິກພັກ, ຕ້ອງແຕ່ງສະມາຊິກພັກໄປໂອ້ລົມກັບຜູ້ສະໝັກ, ເພື່ອຮັບຮູ້ຜູ້ສະໝັກໄດ້ດີກວ່າເກົ່າ, ແລະຊ່ວຍຜູ້ສະໝັກຍົກສູງຄວາມຮັບຮູ້ຕໍ່ພັກ.
ພາຍໃຕ້ກໍລະນີພິເສດ, ສູນກາງພັກແລະຄະນະພັກຂັ້ນແຂວງ, ເຂດປົກຄອງຕົນເອງແລະກຳແພງນະຄອນສາມາດຮັບເອົາຜູ້ສະໝັກເຂົ້າເປັນສະມາຊິກພັກໂດຍກົງ.
ມາດຕາ 6 ສະມາຊິກພັກສຳຮອງຕ້ອງປະຕິຍານຕົນເຂົ້າເປັນສະມາຊິກພັກຢູ່ຕໍ່ໜ້າທຸງພັກ. ຄຳປະຕິຍານມີດັ່ງຕໍ່ໄປນີ້: ຂ້າພະເຈົ້າສະໝັກເຂົ້າເປັນສະມາຊິກພັກກອມມູນິດຈີນ, ສະໜັບສະໜູນ ໂຄງການການເມືອງຂອງພັກ, ເຄົາລົບກົດລະບຽບຂອງພັກ, ປະຕິບັດພັນທະຂອງສະມາຊິກພັກ, ປະຕິ ບັດມະຕິຂອງພັກ, ເຄົາລົບລະບຽບວິໄນຂອງພັກຢ່າງເຄັ່ງຄັດ, ຮັກສາຄວາມລັບຂອງພັກ, ຈົງຮັກພັກດີຕໍ່ພັກ, ຕັ້ງໜ້າເຮັດວຽກ, ບາກບັ່ນສູ້ຊົນຕະຫຼອດຊີວິດເພື່ອລັດທິກອມມູນິດ, ກຽມເສຍສະຫຼະທຸກສິ່ງທຸກຢ່າງຢູ່ທຸກເວລາເພື່ອພັກແລະປະຊາຊົນ, ບໍ່ທໍລະຍົດພັກຈົນເທົ່າໃດໆ.
