ກົດລະບຽບຂອງພັກກອມມູນິດຈີນ
(GMT+08:00) 2012-11-16 16:56:32 cri
ມາດຕາ4 ສິດຂອງສະມາຊິກພັກ:
1. ເຂົ້າຮ່ວມກອງປະຊຸມທີ່ກ່ຽວຂ້ອງຂອງພັກ, ອ່ານຄົ້ນຄວ້າເອກະສານທີ່ກ່ຽວຂ້ອງຂອງພັກ, ຮັບການສຶກສາແລະອົບຮົມຂອງພັກ.
2. ເຂົ້າຮ່ວມການປຶກສາຫາລືບັນຫາແຜນນະໂຍບາຍຂອງພັກໃນກອງປະຊຸມຂອງພັກແລະໃນໜັງສືພິມແລະວາລະສານຂອງພັກ.
3. ສະເໜີຂໍ້ສະເໜີແລະຂໍ້ລິເລີ່ມຕໍ່ວຽກງານຂອງພັກ.
4. ໃນກອງປະຊຸມຂອງພັກ, ຕິຊົມອົງການຈັດຕັ້ງໃດໜຶ່ງແລະບຸກຄົນໃດໜຶ່ງຂອງພັກໂດຍມີເຫດ ຜົນອ້າງອີງ, ຮັບຜິດຊອບເປີດເຜີຍແລະລາຍງານການກະທຳຜິດແລະຜິດລະບຽບວິໄນອົງການຈັດຕັ້ງໃດໜຶ່ງແລະສະມາຊິກພັກໃດໜຶ່ງຕໍ່ພັກ, ຮຽກຮ້ອງໃຫ້ປະຕິບັດວິໄນຕໍ່ສະມາຊິກພັກທີ່ມີການກະທຳຜິດ, ແລະຮຽກຮ້ອງໃຫ້ປົດຕຳແໜ່ງຫຼືຍົກຍ້າຍສັບປ່ຽນພະນັກງານທີ່ບໍ່ໄດ້ຕາມມາດຖານ.
5. ໃຊ້ສິດລົງຄະແນນສຽງແລະສິດເລືອກຕັ້ງ, ມີສິດສະໝັກຮັບເລືອກຕັ້ງ.
6. ໃນເວລາການຈັດຕັ້ງພັກຕົກລົງປະຕິບັດລະບຽບວິໄນຫຼືສັງເກດຕີລາຄາຕໍ່ສະມາຊິກພັກ, ຕົນເອງມີສິດເຂົ້າຮ່ວມແລະສະເໜີຄວາມເຫັນຊີ້ແຈງ, ສະມາຊິກພັກອື່ນໆສາມາດເປັນພິຍານແລະສະເໜີຄວາມເຫັນຊີ້ແຈງຄືກັນ.
7. ຖ້າມີຄວາມເຫັນແຕກຕ່າງກັນຕໍ່ມະຕິແລະແຜນນະໂຍບາຍຂອງພັກ, ພາຍໃຕ້ປະຖົມປັດໄຈທີ່ປະຕິບັດຕາມຢ່າງເດັດດ່ຽວ, ສາມາດປົກປ້ອງຄວາມເຫັນແລະທັດສະນະຂອງຕົນ, ແລະສາມາດສະເໜີຄວາມເຫັນຂອງຕົນຕໍ່ການຈັດຕັ້ງຂັ້ນເທິງຈົນຮອດຂັ້ນສູນກາງພັກ.
8. ສະເໜີຄວາມຮຽກຮ້ອງຕ້ອງການ, ສະເໜີຄວາມເຫັນຊີ້ແຈງແລະກ່າວຟ້ອງຕໍ່ການຈັດຕັ້ງຂັ້ນເທິງຈົນຮອດຂັ້ນສູນກາງຂອງພັກ, ແລະຮຽກຮ້ອງໃຫ້ການຈັດຕັ້ງທີ່ກ່ຽວຂ້ອງໃຫ້ຄຳຕອບດ້ວຍທ່າທີຮັບ ຜິດຊອບ.
