ກົດລະບຽບຂອງພັກກອມມູນິດຈີນ
(GMT+08:00) 2012-11-16 16:56:32 cri
ໝວດທີⅥ
ພະນັກງານພັກ
ມາດຕາ33 ພະນັກງານພັກແມ່ນກຳລັງຫຼັກແຫຼ່ງໃນພາລະກິດຂອງພັກ, ແມ່ນຜູ້ຮັບໃຊ້ປະຊາຊົນ. ພັກຄັດເລືອກພະນັກງານຕາມຫຼັກການທີ່ມີຄຸນສົມບັດທັງມີຄວາມສາມາດແລະພິຈາລະນາເຖິງຄຸນສົມ ບັດກ່ອນ, ຍຶດໝັ້ນຫຼັກການທີ່ໃຊ້ຜູ້ທີ່ມີຄຸນສົມບັດແລະມີຄວາມສາມາດໃນຂອບເຂດທົ່ວປະເທດແລະຄັດຄ້ານການພຽງແຕ່ໃຊ້ຜູ້ທີ່ສະໜິດສະໜົມກັບຕົນ, ພະຍາຍາມເຮັດໃຫ້ຖັນແຖວພະນັກງານມີສິນທຳປະຕິວັດ, ໜຸ່ມນ້ອຍ, ມີຄວາມຮູ້ຄວາມສາມາດແລະມີຄວາມຮູ້ວິຊາການ.
ພັກເອົາໃຈໃສ່ການສຶກສາ, ອົບຮົມບົ່ມສ້າງ, ຄັດເລືອກ, ກວດສອບແລະຕິດຕາມກວດກາພະ ນັກງານ, ໂດຍສະເພາະແມ່ນອົບຮົມບົ່ມສ້າງແລະຄັດເລືອກພະນັກງານດີເດັ່ນທີ່ໜຸ່ມນ້ອຍ. ຕັ້ງໜ້າຊຸກ ຍູ້ການປະຕິຮູບລະບຽບການພະນັກງານ.
ພັກເອົາໃຈໃສ່ນຳການອົບຮົມບົ່ມສ້າງແລະຄັດເລືອກພະນັກງານເພດຍິງແລະພະນັກງານຊົນເຜົ່າສ່ວນໜ້ອຍ.
ມາດຕາ34 ພະນັກງານການນຳຂັ້ນຕ່າງໆຂອງພັກຕ້ອງປະຕິບັດຕາມພັນທະທຸກຢ່າງຂອງສະ ມາຊິກພັກ ທີ່ໄດ້ກຳນົດໄວ້ໃນມາດຕາ 3 ຂອງກົດລະບຽບພັກຢ່າງເປັນແບບຢ່າງ, ແລະຕ້ອງມີເງື່ອນໄຂພື້ນຖານດັ່ງລຸ່ມນີ້:
1. ມີລະດັບຄວາມຮູ້ດ້ານທິດສະດີກ່ຽວກັບລັດທິມາກ-ເລນິນ, ແນວຄິດເໝົາເຈີຕົງແລະທິດສະດີເຕິງສຽງຜິງ ເພື່ອປະຕິບັດສິດຕຳແໜ່ງຂອງຕົນ, ປະຕິບັດຕາມແນວຄິດສຳຄັນ "ສາມຕົວແທນ" ຢ່າງຕັ້ງໜ້າ, ນຳໜ້າປະຕິບັດແລະຜັນຂະຫຍາຍທັດສະນະພັດທະນາແບບວິທະຍາສາດ, ພະຍາຍາມໝູນໃຊ້ຫຼັກໝັ້ນ, ທັດສະນະແລະວິທີຂອງລັດທິມາກ ເພື່ອວິເຄາະວິໄຈແລະແກ້ໄຂບັນຫາຕົວຈິງ, ຍຶດໝັ້ນການຮ່ຳຮຽນ, ຍຶດໝັ້ນສິນທຳການເມືອງແລະຍຶດໝັ້ນຄວາມເປັນທຳ, ສາມາດຜ່ານການທົດສອບຈາກຄວາມຫຍຸ້ງຍາກທຸກປະການ.
2. ມີອຸດົມການຍາວໄກກ່ຽວກັບລັດທິກອມມູນິດແລະສັດທາໝັ້ນແກ່ນກ່ຽວກັບສັງຄົມນິຍົມທີ່ມີສີສັນພິເສດຂອງຈີນ, ປະຕິບັດຕາມແນວທາງພື້ນຖານແລະທິດທາງນະໂຍບາຍທຸກປະການຂອງພັກຢ່າງເດັດດ່ຽວ, ຕັ້ງມານະນຳການປະຕິຮູບແລະໄຂປະຕູສູ່ພາຍນອກ, ອຸທິດກຳລັງວັງຊາເພື່ອພາລະກິດສ້າງສາທັນສະໄໝ, ບາກບັ່ນສູ້ຊົນສ້າງພາລະກິດໃນການສ້າງສາສັງຄົມນິຍົມ, ມີທັດສະນະຖືກຕ້ອງຕໍ່ຜົນງານການເມືອງ, ສ້າງຜົນງານທີ່ສາມາດຜ່ານການທົດສອບຂອງພຶດຕິກຳ, ປະຊາຊົນແລະປະຫວັດສາດ.
3. ຍຶດໝັ້ນປົດປ່ອຍແນວຄິດ, ສະແຫວງຫາສັດຈະທຳຈາກຄວາມເປັນຈິງ, ໄປທັນກັບຍຸກສະໄໝ, ບຸກເບີກແລະປະດິດສ້າງ, ສຳຫຼວດຄົ້ນຄວ້າຢ່າງເອົາຈິງເອົາຈັງ, ສາມາດເອົາທິດທາງນະໂຍບາຍຂອງພັກປະສານສົມທົບກັບພຶດຕິກຳຂອງທ້ອງຖິ່ນຕົນແລະພາກສ່ວນຕົນ, ດຳເນີນວຽກງານຢ່າງມີປະສິດທິ ພາບສູງ, ເວົ້າຄວາມຈິງ, ເຮັດເລື່ອງຈິງ, ສະແຫວງຫາໝາກຜົນຕົວຈິງ, ຕໍ່ຕ້ານລັດທິຮູບການ.
4. ມີນ້ຳໃຈພາລະກິດປະຕິວັດແລະສະຕິຮັບຜິດຊອບທາງການເມືອງທີ່ແຂງແຮງ, ມີບົດຮຽນຕົວຈິງ, ມີຄວາມສາມາດດ້ານການຈັດຕັ້ງ, ລະດັບຄວາມຮູ້ວັດທະນະທຳແລະຄວາມຮູ້ວິຊາການທີ່ສາມາດສຳເລັດໜ້າທີ່ການນຳ.
5. ນຳໃຊ້ສິດທີ່ປະຊາຊົນມອບໝາຍໃຫ້ຢ່າງຖືກຕ້ອງ, ຍຶດໝັ້ນຫຼັກການ, ປະຕິບັດງານຕາມກົດໝາຍ, ຊື່ສັດບໍລິສຸດ, ດຸໝັ່ນການບໍລິຫານງານເພື່ອປະຊາຊົນ, ເອົາຕົນເປັນແບບຢ່າງ, ປະຢັດມັດທະຍັດ, ຕິດຕໍ່ພົວພັນກັບມະຫາຊົນຢ່າງແໜ້ນແຟ້ນ, ຍຶດໝັ້ນແນວທາງມະຫາຊົນຂອງພັກ, ຮັບເອົາການຕິຊົມແລະຕິດຕາມຂອງພັກແລະມະຫາຊົນແບບຕື່ນຕົວ, ເພີ່ມທະວີການບຳລຸງສ້າງດ້ານຄຸນສົມ ບັດ, ຍຶດຖືກົດລະບຽບພັກ, ເນັ້ນໜັກຄຸນສົມບັດແລະເປັນແບບຢ່າງນຳໜ້າ, ສາມາດຮູ້ຖານະຕົນເອງ, ສຳຫຼວດຕົນເອງ, ຕັກເຕືອນຕົນເອງແລະກະຕຸ້ນຈິດໃຈຕົນເອງ, ຄັດຄ້ານລັດທິອາດຍາສິດ, ຄັດຄ້ານແບບແຜນບໍ່ດີທີ່ໃຊ້ສິດຕຳແໜ່ງຢ່າງຊະຊາຍ ແລະໃຊ້ສິດຕຳແໜ່ງເພື່ອສະແຫວງຫາຜົນປະໂຫຍດ ສ່ວນຕົວ.
6. ຍຶດໝັ້ນແລະປົກປັກຮັກສາຫຼັກການລວມສູນປະຊາທິປະໄຕຂອງພັກ, ມີແບບແຜນປະຊາທິ ປະໄຕ, ມີທັດສະນະສະພາບລວມ, ເຕົ້າໂຮມຄວາມສາມັກຄີສະຫາຍທັງຫຼາຍເປັນຢ່າງດີ, ລວມທັງສາມັກຄີສະຫາຍທີ່ມີຄວາມເຫັນຂັດກັນເພື່ອດຳເນີນວຽກງານຮ່ວມກັນ.
ມາດຕາ35 ພະນັກງານການນຳຂອງພັກຕ້ອງຮູ້ຮ່ວມມືຮ່ວມງານກັບພະນັກງານທີ່ບໍ່ແມ່ນສະມາ ຊິກພັກເປັນຢ່າງດີ, ເຄົາລົບເຂົາເຈົ້າ ແລະຮຽນເອົາຄຸນສົມບັດທີ່ດີຂອງເຂົາເຈົ້າຢ່າງຖະໜອມຖ່ອມຕົວ.
ການຈັດຕັ້ງຂັ້ນຕ່າງໆຂອງພັກ ຕ້ອງຮູ້ຄົ້ນພົບແລະນຳສະເໜີພະນັກງານການນຳທີ່ບໍ່ແມ່ນສະມາ ຊິກພັກທີ່ມີຄວາມຮູ້ຄວາມສາມາດ ດຳເນີນວຽກງານການນຳ, ຮັບປະກັນໃຫ້ເຂົາເຈົ້າມີຕຳແໜ່ງແລະມີສິດ, ເສີມຂະຫຍາຍບົດບາດຂອງເຂົາເຈົ້າຢ່າງເຕັມສ່ວນ.
ມາດຕາ36 ພະນັກງານການນຳຂັ້ນຕ່າງໆຂອງພັກ, ບໍ່ວ່າແມ່ນໄດ້ຮັບການເລືອກຕັ້ງປະຊາທິປະໄຕ, ຫຼືວ່າແມ່ນອົງການນຳບົ່ງຕົວແຕ່ງຕັ້ງ, ຕຳແໜ່ງຂອງເຂົາເຈົ້າບໍ່ແມ່ນເປັນຕຳແໜ່ງຕະຫຼອດຊີວິດ, ລ້ວນແຕ່ສາມາດຖືກຍົກຍ້າຍຫຼືວ່າຖືກປົດຕຳແໜ່ງ.
ພະນັກງານການນຳທີ່ອາຍຸແລະສະພາບສຸຂະພາບບໍ່ເໝາະສົມດຳລົງຕຳແໜ່ງການນຳອີກ,ຄວນ ລາອອກຈາກຕຳແໜ່ງຫຼືອອກບຳນານ ຕາມການກຳນົດຂອງລັດ.
