ກົດລະບຽບຂອງພັກກອມມູນິດຈີນ
(GMT+08:00) 2012-11-16 16:56:32 cri
ໝວດທີⅡ
ລະບົບສາຍໄຍການຈັດຕັ້ງຂອງພັກ
ມາດຕາ10 ພັກແມ່ນອົງການຈັດຕັ້ງທີ່ເປັນເອກະພາບກັນ ທີ່ຈັດຕັ້ງຕາມຫຼັກການລວມສູນປະຊາ ທິປະໄຕ ໂດຍອີງຕາມໂຄງການການເມືອງແລະກົດລະບຽບຂອງພັກ. ຫຼັກການພື້ນຖານຂອງຫຼັກການລວມສູນປະຊາທິປະໄຕຂອງພັກມີດັ່ງຕໍ່ໄປນີ້:
1． ບຸກຄົນຕ້ອງປະຕິບັດຕາມການຈັດຕັ້ງພັກ, ສຽງສ່ວນໜ້ອຍຕ້ອງຂຶ້ນກັບສຽງສ່ວນຫຼາຍ, ຂັ້ນລຸ່ມຕ້ອງປະຕິບັດຕາມມະຕິຂອງຂັ້ນເທິງ; ການຈັດຕັ້ງຕ່າງໆຂອງພັກແລະສະມາຊິກພັກທຸກຖ້ວນໜ້າຕ້ອງປະຕິບັດຕາມກອງປະຊຸມໃຫຍ່ຜູ້ແທນທົ່ວປະເທດແລະຄະນະກຳມະການສູນກາງພັກ.
2. ອົງການນຳຂອງຄະນະພັກທຸກຂັ້ນເລືອກຕັ້ງກຳເນີດເກີດຈາກການເລືອກຕັ້ງ ນອກຈາກອົງ ການຕົວແທນທີ່ອົງການນຳທຸກຂັ້ນບົ່ງຕົວແຕ່ງຕັ້ງແລະໜ່ວຍພັກທີ່ຢູ່ໃນອົງການຈັດຕັ້ງມະຫາຊົນ.
3. ອົງການນຳສູງສຸດຂອງທົ່ວພັກ ແມ່ນກອງປະຊຸມໃຫຍ່ຜູ້ແທນທົ່ວປະເທດແລະຄະນະກຳມະ ການສູນກາງ ເຊິ່ງແມ່ນກອງປະຊຸມໃຫຍ່ຜູ້ແທນທົ່ວປະເທດເປັນຜູ້ເລືອກຕັ້ງ. ອົງການນຳຂອງພັກຂັ້ນໃດ ຕ້ອງແມ່ນກອງປະຊຸມໃຫຍ່ຜູ້
ແທນແລະຄະນະກຳມະການທີ່ກອງປະຊຸມໃຫຍ່ຜູ້ແທນຂອງຂັ້ນນັ້ນເປັນຜູ້ເລືອກຕັ້ງ. ຄະນະກຳມະການທຸກຂັ້ນຂອງພັກຕ້ອງຮັບຜິດຊອບແລະລາຍງານວຽກງານຕໍ່ກອງປະຊຸມໃຫຍ່ຜູ້ແທນຂັ້ນຕົນ.
4． ການຈັດຕັ້ງຂັ້ນເທິງຂອງພັກຕ້ອງຮັບຟັງຄວາມເຫັນຂອງການຈັດຕັ້ງຂັ້ນລຸ່ມ, ສະມາຊິກພັກແລະມະຫາຊົນເລື້ອຍໆ, ແກ້ໄຂບັນຫາທີ່ ການຈັດຕັ້ງຂັ້ນລຸ່ມ, ສະມາຊິກພັກແລະມະຫາຊົນສະເໜີອອກມາຢ່າງທັນການ. ການຈັດຕັ້ງຂັ້ນລຸ່ມຂອງພັກຕ້ອງຂໍຄຳນຳແລະລາຍງານວຽກງານຕໍ່ການຈັດຕັ້ງຂັ້ນເທິງ, ກໍຕ້ອງແກ້ໄຂບັນຫາໃນຂອບເຂດສິດແລະພັນທະຂອງຕົນດ້ວຍຄວາມຮັບຜິດຊອບຢ່າງອິດ ສະຫຼະພາບ. ລະຫວ່າງຂັ້ນເທິງກັບຂັ້ນລຸ່ມຕ້ອງແຈ້ງສະພາບກັນ, ສະໜັບສະໜູນກັນແລະຕິດຕາມເຊິ່ງກັນແລະກັນ. ການຈັດຕັ້ງທຸກຂັ້ນຂອງພັກຕ້ອງເປີດເຜີຍວຽກງານຂອງພັກຕາມລະບຽບການຂອງພັກ, ເຮັດໃຫ້ສະມາຊິກພັກຮັບຮູ້ແລະເຂົ້າຮ່ວມວຽກງານພາຍໃນພັກຫຼາຍກວ່າເກົ່າ.
5. ຄະນະກຳມະການທຸກຂັ້ນຂອງພັກຕ້ອງປະຕິບັດຕາມຫຼັກການນຳພາເປັນໝູ່ຄະນະແລະແບ່ງງານໃຫ້ບຸກຄົນຮັບຜິດຊອບ. ເມື່ອພົບເຫັນບັນຫາສຳຄັນ, ລ້ວນແຕ່ຕ້ອງອີງຕາມຫຼັກການນຳພາເປັນໝູ່ຄະນະ, ລວມສູນປະຊາທິປະໄຕ, ພິຈາລະນາດ້ວຍບຸກຄົນແລະກອງປະຊຸມອອກມະຕິ, ໃຫ້ຄະນະກຳ ມະການຂອງພັກພິຈາລະນາເປັນໝູ່ຄະນະແລ້ວອອກມະຕິ; ກຳມະການໃນຄະນະກຳມະການຕ້ອງປະ ຕິບັດພາລະໜ້າທີ່ຂອງຕົນ ໂດຍອີງຕາມມະຕິແລະການແບ່ງງານຂອງໝູ່ຄະນະ.
6. ພັກຫ້າມບໍ່ໃຫ້ມີຮູບການບູຊາບຸກຄົນທຸກຮູບແບບ. ຕ້ອງຮັບປະກັນໃຫ້ການເຄື່ອນໄຫວຂອງຜູ້ນຳພັກຢູ່ພາຍໃຕ້ການຕິດຕາມຂອງພັກແລະມະຫາຊົນ, ພ້ອມກັນນັ້ນ, ປົກປ້ອງອິດທິພົນທຸກຢ່າງຂອງຜູ້ນຳທີ່ເປັນຕົວແທນໃຫ້ແກ່ຜົນປະໂຫຍດຂອງພັກແລະມະຫາຊົນ.
ມາດຕາ11 ການເລືອກຕັ້ງຜູ້ແທນແລະຄະນະກຳມະການຂອງກອງປະຊຸມໃຫຍ່ຜູ້ແທນຂັ້ນຕ່າງໆຕ້ອງສ່ອງແສງໃຫ້ເຫັນເຈດຕະນາລົມຂອງຜູ້ເລືອກຕັ້ງ. ການເລືອກຕັ້ງຈັດໂດຍວິທີລົງຄະແນນສຽງປິດລັບ. ການຈັດຕັ້ງຂອງພັກແລະຜູ້ເລືອກຕັ້ງຕ້ອງພິຈາລະນາລາຍຊື່ຜູ້ສະໝັກຮັບເລືອກຕັ້ງຢ່າງເຕັມສ່ວນ. ສາມາດດຳເນີນການເລືອກຕັ້ງຢ່າງເປັນທາງການທີ່ຈຳນວນຜູ້ສະໝັກຮັບເລືອກຕັ້ງຫຼາຍກວ່າຈຳນວນຜູ້ໄດ້ຮັບເລືອກຕັ້ງໃນທາງກົງ. ກໍສາມາດໃຊ້ວິທີນີ້ດຳເນີນການເລືອກຕັ້ງສຳຮອງກ່ອນ, ເມື່ອມີລາຍຊື່ຜູ້ສະໝັກຮັບເລືອກຕັ້ງແລ້ວ, ຈິ່ງດຳເນີນການເລືອກຕັ້ງຢ່າງເປັນທາງການ. ຜູ້ເລືອກຕັ້ງມີສິດຮັບຮູ້ສະພາບການຂອງຜູ້ສະໝັກຮັບເລືອກຕັ້ງ, ຮຽກຮ້ອງໃຫ້ປ່ຽນຜູ້ສະໝັກຮັບເລືອກຕັ້ງ, ບໍ່ລົງຄະແນນສຽງຕໍ່ຜູ້ສະໝັກຮັບເລືອກຕັ້ງໃດໜຶ່ງແລະລົງຄະແນນສຽງສະໜັບສະໜູນບຸກຄົນອື່ນ. ອົງການຈັດຕັ້ງແລະບຸກຄົນໃດໜຶ່ງບໍ່ສາມາດບັງຄັບໃຫ້ຜູ້ເລືອກຕັ້ງເລືອກຕັ້ງຫຼືບໍ່ເລືອກຕັ້ງບຸກຄົນໃດໜຶ່ງດ້ວຍຮູບການໃດໆ.
